ჩოხატაურის მუნიციპალიტეტის საკრებულოს 2010 წლის 17 თებერვლის №201 დადგენილებაში – „ჩოხატაურის მუნიციპალიტეტის 2010 წლის ბიუჯეტიდან სოციალური დახმარების გაცემისა და მიღების წესების დამტკიცების შესახებ“ ცვლილებების შეტანის თაობაზე

სარეგისტრაციო კოდი 280.070.120.35.114.000.570

ჩოხატაურის მუნიციპალიტეტის საკრებულოს

დადგენილება №4

2010 წლის 17 აგვისტო

დ. ჩოხატაური

ჩოხატაურის მუნიციპალიტეტის საკრებულოს 2010 წლის 17 თებერვლის №201 დადგენილებაში – „ჩოხატაურის მუნიციპალიტეტის 2010 წლის ბიუჯეტიდან სოციალური დახმარების გაცემისა და მიღების წესების დამტკიცების შესახებ“ ცვლილებების შეტანის თაობაზე

საკრებულომ დაადგინა:

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „ჩოხატაურის მუნიციპალიტეტის 2010 წლის ბიუჯეტიდან სოციალური დახმარების გაცემისა და მიღების წესების დამტკიცების შესახებ“ ჩოხატაურის მუნიციპალიტეტის საკრებულოს 2010 წლის 17 თებერვლის №201 დადგენილებაში შეტანილ იქნეს ცვლილება და მე-10 მუხლის მე-2 პუნქტი ჩამოყალიბდეს შემდეგი რედაქციით:

„2. ერთჯერადი ფულადი დახმარებები გათვალისწინებულია გადაუდებელი სოციალური მზრუნველობის საჭიროების მქონე პირების, ღატაკი ოჯახებისთვის.

ა) დახმარება პირველ რიგში გაეწევათ უმუშევარ, შრომისუუნარო ან შრომის უნარმოკლებულ მოქალაქეებს, რომლებიც დახმარების თხოვნის მომენტში განიცდიან უკიდურეს გასაჭირს;

ბ) ერთჯერადი ფულადი დახმარება გაიცემა 100 (ასი) ლარამდე ოდენობით;

გ) ერთეულ გამონაკლის შემთხვევაში, კერძოდ, ფენილკეტონურიით დაავადებულ ბავშვზე შესაძლებელია წელიწადში 300 (სამასი) ლარამდე ოდენობის დახმარების გაწევა.“.

2. დადგენილება ძალაშია არსებული წესით გამოქვეყნებისთანავე.

საკრებულოს თავმჯდომარე ა. ხუნდაძე