დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
"სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ" საქართველოს მთავრობის 2009 წლის 9 დეკემბრის №218 დადგენილებაში ცვლილებებისა და დამატებების შეტანის თაობაზე | |
---|---|
დოკუმენტის ნომერი | 384 |
დოკუმენტის მიმღები | საქართველოს მთავრობა |
მიღების თარიღი | 16/12/2010 |
დოკუმენტის ტიპი | საქართველოს მთავრობის დადგენილება |
გამოქვეყნების წყარო, თარიღი | სსმ, 165, 17/12/2010 |
სარეგისტრაციო კოდი | 29016000010003016115 |
საქართველოს მთავრობის
დადგენილება №384
2010 წლის 16 დეკემბერი
ქ. თბილისი
„სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებაში ცვლილებებისა და დამატებების შეტანის თაობაზე
მუხლი 1. „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით გასატარებელი ღონისძიებებისა და სადაზღვევო ვაუჩერის პირობების განსაზღვრის შესახებ“ საქართველოს მთავრობის 2009 წლის 9 დეკემბრის №218 დადგენილებაში (სსმ III, 2009 წ., მუხ. 1798, გვ. 21) შეტანილ იქნეს შემდეგი ცვლილებები და დამატებები:
1. მე-2 მუხლის 34 პუნქტი ჩამოყალიბდეს შემდეგი რედაქციით:
„34. საქართველოს განათლებისა და მეცნიერების სამინისტრომ 2010 წლის 28 დეკემბრამდე და შემდეგ, ყოველთვიურად, სააგენტოს მიაწოდოს მონაცემები ამ პუნქტით გათვალისწინებული შემდეგი კატეგორიის პირთა შესახებ, რომლებიც 2011 წლის 1 იანვრიდან გახდებიან ამ დადგენილების ბენეფიციარები:
ა) საქართველოს საჯარო სკოლის მასწავლებლები;
ბ) საჯარო სკოლის ადმინისტრაციულ-ტექნიკური პერსონალი;
გ) საქართველოს პროფესიული სწავლების ცენტრების მასწავლებლები;
დ) საქართველოს განათლებისა და მეცნიერების სამინისტროს სისტემაში შემავალი იმ საჯარო სკოლის აღმზრდელი, სადაც ხორციელდება პანსიონური მომსახურება, სპეციალური ან კორექციული ზოგადსაგანმანათლებლო პროგრამები ან სწავლება იმ მოსწავლეებისათვის, რომელთაც ახასიათებთ საზოგადოებისთვის მიუღებელი, ნორმიდან გადახრილი ქცევა, რომელიც რეგისტრირებულია საქართველოს განათლებისა და მეცნიერების სამინისტროს მონაცემთა ბაზაში ან რომლის შრომითი ურთიერთობა კონკრეტულ დაწესებულებაში დადასტურდება შესაბამისი დაწესებულების დირექტორის მიერ სამინისტროში წარდგენილი დოკუმენტით;
ე) აფხაზეთის ავტონომიური რესპუბლიკის გალის ტერიტორიაზე მდებარე საქართველოს სახელმწიფო ზოგადსაგანმანათლებლო დაწესებულების მასწავლებლები, რომელთა შესახებ ინფორმაცია ასახულია აფხაზეთის ავტონომიური რესპუბლიკის განათლებისა და კულტურის სამინისტროს შესაბამის მონაცემთა ბაზაში.“.
2. მე-2 მუხლს დაემატოს შემდეგი შინაარსის 35 პუნქტი:
„35. საქართველოს შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულმა საჯარო სამართლის იურიდიულმა პირმა – სახელმწიფო ზრუნვის სააგენტომ 2010 წლის 28 დეკემბრამდე და შემდეგ, ყოველთვიურად, სააგენტოს მიაწოდოს განახლებული მონაცემები ამ სააგენტოს ფილიალებში დასაქმებული უფროსი აღმზრდელებისა და აღმზრდელების შესახებ.“.
3. მე-2 მუხლის მე-7 პუნქტი ამოღებულ იქნეს.
4. მე-3 მუხლი ამოღებულ იქნეს.
5. დადგენილების პირველი მუხლის „ა“ ქვეპუნქტით დამტკიცებული „სახელმწიფო პროგრამების ფარგლებში მოსახლეობის ჯანმრთელობის დაზღვევის მიზნით სადაზღვევო ვაუჩერის პირობების“:
ა) მე-2 მუხლის მე-2 პუნქტის „გ1“ ქვეპუნქტი ჩამოყალიბდეს შემდეგი რედაქციით:
„გ1) სსიპ – სახელმწიფო ზრუნვის სააგენტოს ბენეფიციარები და ამ სააგენტოს ფილიალებში დასაქმებული უფროსი აღმზრდელები და აღმზრდელები;“;
ბ) მე-2 მუხლის მე-2 პუნქტის „ვ“ ქვეპუნქტი ჩამოყალიბდეს შემდეგი რედაქციით:
„ვ) ამ დადგენილების მე-2 მუხლის 34 პუნქტით განსაზღვრული პირები.“;
გ) მე-4 მუხლის:
გ.ა) პირველი პუნქტის „ა.ბ1“ ქვეპუნქტი ჩამოყალიბდეს შემდეგი რედაქციით:
„ა.ბ1) „გ1“ ქვეპუნქტით განსაზღვრული ბენეფიციარისათვის – სსიპ – სახელმწიფო ზრუნვის სააგენტო;“;
გ.ბ) მე-2 პუნქტის „ბ.ზ“ ქვეპუნქტი ჩამოყალიბდეს შემდეგი რედაქციით:
„ბ.ზ) მე-2 მუხლის მე-2 პუნქტის „ვ“ ქვეპუნქტით განსაზღვრულ ბენეფიციართათვის – კომპეტენტური ორგანოს მიერ მოწოდებული სიით გათვალისწინებული მისამართი;“;
დ) მე-6 მუხლის 91 პუნქტი ჩამოყალიბდეს შემდეგი რედაქციით:
„91. დაზღვეულის გარდაცვალების შემთხვევაში სადაზღვევო პრემიის გადახდა წყდება გარდაცვალების მომდევნო თვის პირველი რიცხვიდან.“;
ე) მე-6 მუხლს დაემატოს შემდეგი შინაარსის 92 პუნქტი:
„92. სააგენტო უფლებამოსილია სადაზღვევო ორგანიზაციას გამოუქვითოს დაზღვეულის გარდაცვალების, ორმაგი დაფინანსების და/ან პროგრამის საოპერაციო სისტემის ტექნიკური შეცდომის შედეგად არასწორად გაცემული პრემია.“;
ვ) მე-9 მუხლის პირველი პუნქტი ჩამოყალიბდეს შემდეგი რედაქციით:
„1. ყოველთვიურად, არა უგვიანეს მომდევნო თვის 10 რიცხვისა, მზღვეველმა სააგენტოში უნდა წარადგინოს ინფორმაცია დაზღვეულების ზარალის შესახებ.“.
6. დადგენილების №2 დანართი ჩამოყალიბდეს თანდართული რედაქციით.
მუხლი 2. 2011 წლის 1 იანვრიდან ძალადაკარგულად გამოცხადდეს საქართველოს მთავრობის 2007 წლის 21 ნოემბრის №256 დადგენილება „საქართველოს საჯარო სკოლებისა და პროფესიული სწავლების ცენტრების მასწავლებლების, საჯარო სკოლების ადმინისტრაციულ-ტექნიკური პერსონალისა და ზოგიერთი დაწესებულების აღმზრდელთა ჯანმრთელობის დაზღვევის მიზნით გადასაცემი სადაზღვევო ვაუჩერის პირობების განსაზღვრის შესახებ“.
მუხლი 3. დადგენილება ამოქმედდეს გამოქვეყნებისთანავე.
პრემიერ-მინისტრი ნიკა გილაური
„დანართი N2
№ | ბენეფიციარი | სადაზღვევო პერიოდის დასაწყისი | სადაზღვევო ვაუჩერების დარიგება | სადაზღვევო ხელშეკრუ-ლებების გაფორმების პერიოდი | სადაზღვევო კომპანიის მიერ სააგენტოში ინფორმაციის წარდგენის ვადა |
1
| ვაუჩერის პირობების მე-2 მუხლის 32 პუნქტით განსაზღვრული ბენეფიციარები | 2010 წლის 1 აპრილი | 2010 წლის 20 მარტის ჩათვლით | 2010 წლის 31 მარტის ჩათვლით | 2010 წლის 1 აპრილიდან 10 აპრილის ჩათვლით |
2 | ვაუჩერის პირობების მე-5 მუხლის მე-6 პუნქტით განსაზღვრული ბენეფიციარები | 2010 წლის 1 მაისი |
|
|
|
3 | ვაუჩერის პირობების მე-2 მუხლის მე-2 პუნქტის „ა1“ ქვეპუნქტით განსაზღვრული ბენეფიციარები, რომელთაც ქულა მინიჭებული აქვთ 2009 წლის 1 დეკემბრის შემდეგ | ქულის მინიჭების თვის მომდევნო მე-5 თვის პირველი რიცხვიდან |
|
|
|
4 | ვაუჩერის პირობების მე-2 მუხლის მე-2 პუნქტის „ბ“, „გ“, „გ1“ და „ე“ ქვეპუნქტებით განსაზღვრული ბენეფიციარები | 2010 წლის 1 მაისიდან კომპეტენტური ორგანოების მხრიდან ბენეფიციარების შესახებ სააგენტოში სიის წარდგენის თვის მომდევნო თვის პირველი რიცხვიდან |
|
|
|
5 | ვაუჩერის პირობების მე-2 მუხლის მე-2 პუნქტის „დ“ ქვეპუნქტით განსაზღვრული ბენეფიციარები | 2010 წლის 1 მაისიდან რეინტეგრაციაში/ მინდობით აღზრდაში გასვლის თვის მომდევნო თვის პირველი რიცხვიდან |
|
|
|
6 | ვაუჩერის პირობების მე-2 მუხლის მე-2 პუნქტის „ვ“, ქვეპუნქტით განსაზღვრული ბენეფიციარები | 2011 წლის 1 იანვრიდან იმ ბენეფიციარებზე, რომელთა მონაცემებიც მოწოდებული იქნება 2010 წლის 28 დეკემბრამდე. ამ ვადის შემდეგ _ კომპეტენტური ორგანოების მხრიდან ბენეფიციარების შესახებ სააგენტოში სიის წარდგენის თვის მომდევნო თვის პირველი რიცხვიდან.“. |
|
|
|
დოკუმენტის კომენტარები