დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| საქართველოს იუსტიციის სამინისტროს სასჯელთაღსრულების ორგანოთა მოსამსახურეებისათვის 2000 წლის 1 იანვრამდე მინიჭებულ შინაგან საქმეთა სამინსიტროს სპეციალურ წოდებათა იუსტიციის სამინისტროს სასჯელაღსრულების ორგანიებში დაწესებულ სპეციალურ წოდებასთან შესაბამისობის შესახებ | |
|---|---|
| დოკუმენტის ნომერი | 99 |
| დოკუმენტის მიმღები | საქართველოს პრეზიდენტი. |
| მიღების თარიღი | 20/03/2000 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 25, 22/03/2000 |
| სარეგისტრაციო კოდი | 010.340.000.05.002.001. |
საქართველოს პრეზიდენტის
ბრძანებულება №99
2000 წლის 20 მარტი
ქ. თბილისი
საქართველოს იუსტიციის სამინისტროს სასჯელაღსრულების ორგანოთა მოსამსახურეებისათვის 2000 წლის 1 იანვრამდე მინიჭებულ შინაგან საქმეთა სამინისტროს სპეციალურ წოდებათა იუსტიციის სამინისტროს სასჯელაღსრულების ორგანოებში დაწესებულ სპეციალურ წოდებებთან შესაბამისობის შესახებ
„პატიმრობის შესახებ“ საქართველოს 1999 წლის 22 ივლისის კანონისა და „სპეციალური წოდებებისა და დიპლომატიური რანგების შესახებ“ საქართველოს 1993 წლის 29 აპრილის კანონის მოთხოვნათა შესაბამისად საქართველოს იუსტიციის სამინისტროს სასჯელაღსრულების ორგანოთა მოსამსახურეებისათვის 2000 წლის 1 იანვრამდე მინიჭებულ შინაგან საქმეთა სამინისტროს სპეციალურ წოდებათა იუსტიციის სამინისტროს სასჯელაღსრულების ორგანოებში დაწესებულ სპეციალურ წოდებებთან შესაბამისობის მიზნით:
1. ჩაითვალოს:
ა) პოლიციის რიგითი – იუსტიციის რიგითად;
ბ) პოლიციის უმცროსი სერჟანტი – იუსტიციის უმცროს სერჟანტად;
გ) პოლიციის სერჟანტი – იუსტიციის სერჟანტად;
დ) პოლიციის უფროსი სერჟანტი – იუსტიციის უფროს სერჟანტად;
ე) პოლიციის ზემდეგი – იუსტიციის ზემდეგად;
ვ) პოლიციის უმცროსი ლეიტენანტი – იუსტიციის უმცროს ლეიტენანტად;
ზ) პოლიციის ლეიტენანტი – იუსტიციის ლეიტენანტად;
თ) პოლიციის უფროსი ლეიტენანტი – იუსტიციის უფროს ლეიტენანტად;
ი) პოლიციის კაპიტანი – იუსტიციის კაპიტნად;
კ) პოლიციის მაიორი – იუსტიციის მაიორად;
ლ) პოლიციის ვიცე-პოლკოვნიკი – იუსტიციის ვიცე-პოლკოვნიკად;
მ) პოლიციის პოლკოვნიკი – იუსტიციის პოლკოვნიკად;
ნ) პოლიციის გენერალ-მაიორი, პოლიციის გენერალ-ლეიტენანტი – იუსტიციის გენერლად.
2. ეს ბრძანებულება ამოქმედდეს გამოქვეყნებისთანავე.
ე. შევარდნაძე
უკან დაბრუნება
დოკუმენტის კომენტარები