მცხეთის მუნიციპალიტეტის საკრებულოს 2010 წლის 13 აგვისტოს №25 დადგენილებაში „მცხეთის მუნიციპალიტეტის გამგეობის დებულების დამტკიცების შესახებ" ცვლილებებისა და დამატებების შეტანის თაობაზე

მცხეთის მუნიციპალიტეტის საკრებულოს

დადგენილება №54

2010 წლის 14 დეკემბერი

ქ. მცხეთა

მცხეთის მუნიციპალიტეტის საკრებულოს 2010 წლის 13 აგვისტოს №25 დადგენილებაში ,,მცხეთის მუნიციპალიტეტის გამგეობის დებულების დამტკიცების შესახებ“ ცვლილებებისა და დამატებების შეტანის თაობაზე

 „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტის, 43-ე მუხლის მე-2 პუნქტის, „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის, ,,ტექნიკური საფრთხის კონტროლის შესახებ“ საქართველოს კანონის და დუშეთის, თიანეთის, მცხეთის და ყაზბეგის მუნიციპალიტეტებში სახელმწიფო რწმუნებული-გუბერნატორის მომართვის (№ 1111, 10.11.10) საფუძველზე,

მცხეთის მუნიციპალიტეტის საკრებულო ადგენს:

1. შეტანილ იქნეს ცვლილება მცხეთის მუნიციპალიტეტის საკრებულოს 2010 წლის 13 აგვისტოს №25 დადგენილებით დამტკიცებულ მცხეთის მუნიციპალიტეტის გამგეობის დებულებაში და დებულების მე-8 მუხლის მე-3 პუნქტს დაემატოს შემდეგი შინაარსის ,,ლ“ ქვეპუნქტი:

„ლ) ვალდებულია „ტექნიკური საფრთხის კონტროლის შესახებ“ საქართველოს კანონით განსაზღვრულ შემთხვევებში სამშენებლო სამართალდარღვევის საქმეზე მიიღოს გადაწყვეტილება და გამოსცეს შესაბამისი ადმინისტრაციულ-სამართლებრივი აქტი:

 ლ.ა) დამრღვევის დაჯარიმების შესახებ;

ლ.ბ) დამრღვევის დაჯარიმებისა და საქართველოს კანონმდებლობის დარღვევით მიმდინარე მშენებლობისა და უნებართვო დემონტაჟის შეჩერების შესახებ:

ლ.გ) დამრღვევის დაჯარიმებისა და საქართველოს კანონმდებლობის დარღვევით აშენებული შენობა-ნაგებობების მთლიანად ან ნაწილობრივ დემონტაჟის, მშენებარე შენობა-ნაგებობის მშენებლობის მთლიანად ან ნაწილობრივ შეჩერებისა და დემონტაჟის შესახებ;

ლ.დ) დამრღვევის მიერ დაკისრებული ჯარიმის გადაუხდელობის შემთხვევაში საურავის დაკისრების შესახებ;

ლ.ე) საქართველოს კანონმდებლობის დარღვევით აშენებული, აღდგენილი, რეკონსტრუირებული ან/და დამონტაჟებული შენობა-ნაგებობის მთლიანად ან ნაწილობრივ დემონტაჟის შესახებ;

ლ.ვ) სამშენებლო სამართალდარღვევით საქმისწარმოების შეწყვეტის შესახებ;

ლ.ზ),,ტექნიკური საფრთხის კონტროლის შესახებ“ საქართველოს კანონით და ადმინისტრაციულ სამართალდარღვევათა კოდექსით განსაზღვრულ სხვა შემთხვევებში“.

2. დადგენილება ამოქმედდეს გამოქვეყნებისთანავე.

საკრებულოს თავმჯდომარე ა. კალანდაძე