,,საქართველოს კულტურის, ძეგლთა დაცვისა და სპორტის სამინისტროს დებულების დამტკიცების შესახებ” საქართველოს მთავრობის 2004 წლის 27 მაისის №42 დადგენილებით დამტკიცებულ დებულებაში დამატებების შეტანის თაობაზე”

საქართველოს მთავრობის

დადგენილება №36

2005 წლის 2 მარტი

ქ. თბილისი

,,საქართველოს კულტურის, ძეგლთა დაცვისა და სპორტის სამინისტროს დებულების დამტკიცების შესახებ“ საქართველოს მთავრობის 2004 წლის 27 მაისის №42 დადგენილებით დამტკიცებულ დებულებაში დამატებების შეტანის თაობაზე

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-17 მუხლის პირველი პუნქტის თანახმად, ,,საქართველოს კულტურის, ძეგლთა დაცვისა და სპორტის სამინისტროს დებულების დამტკიცების შესახებ“ საქართველოს მთავრობის 2004 წლის 27 მაისის №42 დადგენილებით დამტკიცებულ საქართველოს კულტურის, ძეგლთა დაცვისა და სპორტის სამინისტროს დებულებაში (სსმ III, 2004 წ., №55) შეტანილ იქნეს შემდეგი დამატებები:

1. დებულების მე-5 მუხლს დაემატოს შემდეგი შინაარსის ,,ნ“ ქვეპუნქტი:

,,ნ) კულტურული და სპორტული ღონისძიებების დეპარტამენტი”.

2. დებულების მე-8 მუხლს დაემატოს შემდეგი შინაარსის ,,ნ“ ქვეპუნქტი:

,,ნ) კულტურული და სპორტული ღონისძიებების დეპარტამენტი – სახელმწიფო ცერემონიების, კულტურულ-სპორტული ღონისძიებების, გამოჩენილ შემოქმედთა და სპორტსმენთა საიუბილეო საღამოებისა და მათი შემოქმედებისადმი მიძღვნილი სხვადასხვა ღონისძიების ორგანიზება-მოწყობა; კლასიკური და თანამედროვე ხელოვნების, კულტურისა და სპორტის პოპულარიზაციის მიზნით სხვადასხვა ღონისძიების გამართვა; შემოქმედებითი კოლექტივების, ცალკეულ ხელოვანთა და შემსრულებელთა საკონცერტო და საგასტროლო მოღვაწეობის ხელშეწყობა; კულტურული და სპორტული ცხოვრების გააქტიურება, ცალკეულ ხელოვანთა და შემოქმედებითი ჯგუფების საქმიანობის ხელშეწყობა; შეზღუდული უნარის მქონე მოქალაქეთა (მათ შორის, ბავშვებისა და ახალგაზრდების) კულტურული და სპორტული აქტიურობის ხელშეწყობა.“.

3. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი