დმანისის მუნიციპალიტეტის წარმომადგენლობითი და აღმასრულებელი ორგანოების საჯარო მოსამსახურეთა თანამდებობრივი სარგოების განსაზღვრის შესახებ დმანისის მუნიციპალიტეტის საკრებულოს 2007 წლის 27 დეკემბრის №178 დადგენილებაში ცვლილებების შეტანის შესახებ

დმანისის მუნიციპალიტეტის საკრებულოს

2010 წლის 10 დეკემბერი

ქ. დმანისი

„დმანისის მუნიციპალიტეტის წარმომადგენლობითი და აღმასრულებელი ორგანოების საჯარო მოსამსახურეთა თანამდებობრივი სარგოების განსაზღვრის შესახებ“ დმანისის მუნიციპალიტეტის საკრებულოს 2007 წლის 27 დეკემბრის №178 დადგენილებაში ცვლილებების შეტანის შესახებ

„ნორმატიული აქტების შესახებ” საქართველოს კანონის მე-20–24-ე მუხლების საფუძველზე, „დმანისის მუნიციპალიტეტის წარმომადგენლობითი და აღმასრულებელი ორგანოების საჯარო მოსამსახურეთა თანამდებობრივი სარგოების განსაზღვრის შესახებ“ დმანისის მუნიციპალიტეტის საკრებულოს 2007 წლის 27 დეკემბრის №178 დადგენილების №1 დანართში შევიდეს შემდეგი ცვლილებები:

1. მე-4 მუხლის მე-3 პუნქტს დაემატოს „თ” ქვეპუნქტი  და ჩამოყალიბდეს შემდეგი რედაქციით:

„საფინანსო-საბიუჯეტო სამსახური

თ) უმცროსი საჯარო თანამდებობის პირი მთავარი სპეციალისტი შესყიდვების დარგში 420;”.

2. მე-7 მუხლი ჩამოყალიბდეს შემდეგი რედაქციით:

„სახანძრო დაცვისა და სამაშველო სამსახური

1. სამსახურის უფროსი 700;

2. უმცროსი საჯარო თანამდებობის პირი – მთავარი სპეციალისტი 400;

3. უმცროსი საჯარო თანამდებობის პირი – წამყვანი სპეციალისტი (უფროსი მძღოლი) 280;

4. უმცროსი საჯარო თანამდებობის პირი – წამყვანი სპეციალისტი (ათეულის მეთაური) 270;

5. უმცროსი საჯარო თანამდებობის პირი – სპეციალისტი (მძღოლი) 270;

6. უმცროსი საჯარო თანამდებობის პირი – სპეციალისტი (მეხანძრე) 260”.

3. დადგენილება ძალაშია 2011 წლის 1 იანვრიდან.

საკრებულოს თავმჯდომარე                             ბ. მგელაძე