„ფარავანჰესის" პროექტის განსახორციელებლად საინვესტიციო ტენდერის მოწყობის შესახებ

საქართველოს პრეზიდენტის

ბრძანებულება №542

1999 წლის 16 სექტემბერი

ქ. თბილისი

�ფარავანჰესის� პროექტის განსახორციელებლად საინვესტიციო ტენდერის მოწყობის შესახებ

საბაზო ინფრასტრუქტურის დარგების განვითარება და თანამედროვე მოთხოვნათა დონემდე მათი აყვანა დიდ კაპიტალდაბანდებებს მოითხოვს, ამიტომ აუცილებელია ამ სფეროში სწორი სახელმწიფო საინვესტიციო პოლიტიკის განსაზღვრა, დაბანდებული სახსრების მიზნობრივი და მაღალეფექტიანი გამოყენების უზრუნველყოფა.

�ფარავანჰესის� მშენებლობითა და ექსპლუატაციით მთელი რიგი ქვეყნების ფირმების დაინტერესების გამო, აგრეთვე სამცხე-ჯავახეთის რეგიონის განვითარების მაღალი პოლიტიკური მნიშვნელობის გათვალისწინებით და ენერგეტიკის სფეროში მწყობრი, პერსპექტივაზე გათვლილი, შეწონასწორებული სახელმწიფო საინვესტიციო პოლიტიკის განხორციელების უზრუნველსაყოფად:

1. გამოცხადდეს ღია საერთაშორისო ტენდერი �ფარავანჰესის� პროექტის განხორციელებისათვის.

2. შეიქმნას სატენდერო კომისია შემდეგი შემადგენლობით:

დავით ონოფრიშვილი � საქართველოს ფინანსთა მინისტრი, სატენ�დერო კომისიის თავმჯდომარე

რევაზ ადამია � საქართველოს პარლამენტის თავდაცვისა და უშიშროების კომიტეტის თავმჯდომარე

გიორგი ბარამიძე � საქართველოს პრეზიდენტის სახელმწიფო რწმუნებული

ზურაბ გეგეჭკორი � მიწის მართვის სახელმწიფო დეპარ�ტამენტის თავმჯდომარე

თემურ გიორგაძე � საქართველოს სათბობ-ენერგეტიკის მი��ნისტრი

ირაკლი დუღაშვილი � საქართველოს სახელმწიფო უშიშროების მინისტრის მოადგილე

ზურაბ თავართქილაძე � საქართველოს გარემოსა და ბუნებრივი რესურსების დაცვის მინისტრის პირველი მოადგილე

ოთარ კაკაურიძე � საქართველოს ეკონომიკის მინისტრის მოადგილე

ტარიელ კულულაშვილი � საქართველოს იუსტიციის მინისტრის მოადგილე

ოლეგ ნიკოლეიშვილი � საქართველოს სახელმწიფო კანცელარიის ფულად საკრედიტო, ფისკალური პოლიტიკისა და საგარეო-ეკონომიკურ ურთიერთობათა სამსახურის უფროსის პირველი მოადგილე

ირმა ქავთარაძე � საქართველოს სახელმწიფო ქონების მართვის მინისტრის მოადგილე

მერაბ ჩხენკელი �� საქართველოს ურბანიზაციისა და მშენებლობის მინისტრი

ანზორ ჭითანავა � ინსტიტუტ �საქჰიდროპროექტის� დირექ�ტორი

გიორგი ხანიშვილი � საქართველოს ფინანსთა მინისტრის მო�ადგილე, სატენდერო კომისიის მდივანი.

3. სატენდერო კომისიამ უზრუნველყოს სატენდერო დებულების დადგენილი წესით შემუშავება და ორ კვირაში დამტკიცება.

4. საქართველოს ფინანსთა სამინისტრომ (დ. ონოფრიშვილი) უზრუნველყოს ტენდერის მოწყობასთან დაკავშირებული საორ�განიზაციო საკითხების მომზადება.

ე. შევარდნაძე