დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
კონსოლიდირებული პუბლიკაციები
უკან დაბრუნება | საქართველოს სოფლის მეურნეობისა და კვების მრეწველობის განვითარების სპეციალიზებული საინვესტიციო ფონდის შექმნის შესახებ | |
|---|---|
| დოკუმენტის ნომერი | 531 |
| დოკუმენტის მიმღები | საქართველოს პრეზიდენტი. |
| მიღების თარიღი | 08/09/1999 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 44(51), 16/09/1999 |
| სარეგისტრაციო კოდი | 040.050.000.05.002.001. |
| კონსოლიდირებული პუბლიკაციები | |
დოკუმენტის კონსოლიდირებული ვარიანტის ნახვა ფასიანია, აუცილებელია სისტემაში შესვლა და საჭიროების შემთხვევაში დათვალიერების უფლების ყიდვა, გთხოვთ გაიაროთ რეგისტრაცია ან თუ უკვე რეგისტრირებული ხართ, გთხოვთ, შეხვიდეთ სისტემაში
პირველადი სახე (16/09/1999 - 28/09/2000)
საქართველოს პრეზიდენტის
ბრძანებულება №531
1999 წლის 8 სექტემბერი
ქ. თბილისი
საქართველოს სოფლის მეურნეობისა და კვების მრეწველობის განვითარების სპეციალიზებული საინვესტიციო ფონდის შექმნის შესახებ
საქართველოს პრეზიდენტთან არსებული უცხოური ინვესტიციების (საინვესტიციო) საბჭოს 1999 წლის 24 მაისის №16 საოქმო გადაწყვეტილების საფუძველზე და საქართველოს ეკონომიკის ერთ-ერთი სასიცოცხლო და უმნიშვნელოვანესი დარგის – აგროსამრეწველო და სასურსათო კომპლექსის რეაბილიტაციისა და შემდგომი განვითარების ხელშეწყობის მიზნით:
1. მოწონებულ იქნეს სოფლის მეურნეობისა და სურსათის სამინისტროს წინადადება და შეიქმნას საქართველოს სოფლის მეურნეობისა და კვების მრეწველობის განვითარების სპეციალიზებული საინვესტიციო ფონდი.
2. საქართველოს იუსტიციის სამინისტრომ (ჯ. ხეცურიანი) უზრუნველყოს ფონდის რეგისტრაცია მოქმედი კანონმდებლობის შესაბამისად.
3. დამტკიცდეს ფონდის სამეთვალყურეო საბჭო შემდეგი შემადგენლობით:
ბაკურ გულუა – საქართველოს სოფლის მეურნეობისა და სურსათის მინისტრი, საბჭოს თავმჯდომარე
თამარ ბერუჩაშვილი – საქართველოს ვაჭრობისა და საგარეო-ეკონომიკური ურთიერთობების მინისტრი
დავით ონოფრიშვილი – საქართველოს ფინანსთა მინისტრი.
ვლადიმერ პაპავა – საქართველოს ეკონომიკის მინისტრი.
4. ფონდის დამფუძნებლის უფლებამოსილებანი გადაეცეს სამეთვალყურეო საბჭოს (კურატორიუმს).
5. საქართველოს სოფლის მეურნეობისა და სურსათის სამინისტრომ მიიღოს ქმედითი ზომები ფონდის ფუნქციონირებისათვის საჭირო ფინანსური რესურსების მოსაძიებლად და მოსაზიდად.
ე. შევარდნაძე
დოკუმენტის კომენტარები