დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | საქართველოს საფინანსო-საბიუჯეტო სისტემაში შექმნილ საგანგებო ვითარებასთან დაკავშირებით ფინანსთა სამინისტროს უფლებების გაფართოების შესახებ | |
|---|---|
| დოკუმენტის ნომერი | 130 |
| დოკუმენტის მიმღები | საქართველოს პრეზიდენტი. |
| მიღების თარიღი | 10/04/1999 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 17 (24), 15/04/1999 |
| სარეგისტრაციო კოდი | 190.040.000.05.002.001. |
საქართველოს პრეზიდენტის
ბრძანებულება №130
1999 წლის 10 აპრილი
ქ. თბილისი
საქართველოს საფინანსო-საბიუჯეტო სისტემაში შექმნილი საგანგებო ვითარებასთან დაკავშირებით ფინანსთა სამინისტროს უფლებების გაფართოების შესახებ
საქართველოს საფინანსო-საბიუჯეტო სისტემაში შექმნილი საგანგებო ვითარებიდან გამომდინარე და ქვეყანაში ერთიანი ფისკალური პოლიტიკის უზრუნველყოფის მიზნით:
1. საქართველოს ფინანსთა სამინისტროს მიენიჭოს ფისკალური სფეროს კოორდინატორის უფლებამოსილება.
2. ფისკალური სფეროს კოორდინირების მიზნით საქართველოს ფინანსთა სამინისტრომ (დ. ონოფრიშვილი) უზრუნველყოს ერთიანი საინფორმაციო ბაზის ფორმირება, რომლის ანალიზის საფუძველზეც გამოავლინოს ქვეყნის ეკონომიკაში არსებული რეზერვები და განსაზღვროს მათი ამოქმედების ღონისძიებები.
3. საქართველოს სამინისტროებმა და სახელმწიფო დეპარტამენტებმა უზრუნველყონ საქართველოს ფინანსთა სამინისტროს მიერ დადგენილი ფორმითა და წესით მათ კომპეტენციაში შემავალ საკითხებზე ინფორმაციის მიწოდება.
ე. შევარდნაძე
დოკუმენტის კომენტარები