„ხულოს მუნიციპალიტეტის გამგეობის დებულების დამტკიცების შესახებ" ხულოს მუნიციპალიტეტის საკრებულოს 2010 წლის 24 სექტემბრის №24 დადგენილებაში ცვლილებების შეტანის შესახებ

ხულოს მუნიციპალიტეტის საკრებულოს

დადგენილება №41

2010 წლის 26 ნოემბერი

დ. ხულო                  

„ხულოს მუნიციპალიტეტის გამგეობის დებულების დამტკიცების შესახებ“ ხულოს მუნიციპალიტეტის საკრებულოს 2010 წლის 24 სექტემბრის                           №24 დადგენილებაში ცვლილებების შეტანის შესახებ

 „ნორმატიული აქტების შესახებ“ საქართველოს კანონის მე-20 მუხლის შესაბამისად, ხულოს მუნიციპალიტეტის საკრებულომ დაადგინა:

    მუხლი 1

„ხულოს მუნიციპალიტეტის გამგეობის დებულების დამტკიცების შესახებ“ ხულოს მუნიციპალიტეტის საკრებულოს 2010 წლის 24 სექტემბრის №24 დადგენილებაში (სსმ №39, 18.10.2010 წ., გვ. 66-74) შეტანილ იქნეს შემდეგი ცვლილებები:

1. დადგენილებით დამტკიცებული დებულების პირველი თავის ნომერი ნაცვლად არაბული ციფრისა აღინიშნოს რომაული ციფრით.  

2. შეიცვალოს დადგენილებით დამტკიცებული დებულების მე-2 მუხლის პირველი პუნქტი და ჩამოყალიბდეს შემდეგი რედაქციით:

 „1. გამგეობა არის მუნიციპალიტეტის დაწესებულება, რომელიც უზრუნველყოფს საკრებულოს გადაწყვეტილებების შესრულებას.“.

3. შეიცვალოს დადგენილებით დამტკიცებული დებულების მე-7 მუხლის პირველი პუნქტის „გ“ ქვეპუნქტი და ჩამოყალიბდეს შემდეგი რედაქციით:

„გ) საკრებულოს დასამტკიცებლად წარუდგენს გამგეობის საჯარო  მოსამსახურეთა დამატებით საკვალიფიკაციო მოთხოვნებს.“.

 4. შეიცვალოს დადგენილებით დამტკიცებული დებულების მე-11 მუხლის მე-4 პუნქტის „ზ“ ქვეპუნქტი და ჩამოყალიბდეს შემდეგი რედაქციით:

     „ზ) მოსახლეობის ელექტროენერგიით, შეშით, სასმელი და სარწყავი წყლით, გზითა და ამ სფეროში სხვა მომსახურების უზრუნველსაყოფად გასატარებელი ღონისძიებების შესახებ;“.

    მუხლი 2

დადგენილება ამოქმედდეს გამოქვეყნებისთანავე.

 საკრებულოს თავმჯდომარე           ნ. თავართქილაძე