საქართველოს ახალგაზრდობის საქმეთა სახელმწიფო დეპარტამენტისათვის მოსწავლე ახალგაზრდობის მუზეუმის გადაცემის შესახებ

საქართველოს პრეზიდენტის

ბრძანებულება №31

1999 წლის 27 იანვარი

ქ. თბილისი

საქართველოს ახალგაზრდობის საქმეთა სახელმწიფო დეპარტამენტისათვის მოსწავლე-ახალგაზრდობის  მუზეუმის გადაცემის შესახებ

საქართველოს ახალგაზრდობის საქმეთა სახელმწიფო დეპარტამენტის საქმიანობის სრულყოფილად განხორციელების მიზნით:

1. საქართველოს განათლების სამინისტროს სკოლისგარეშე დაწესებულება მოსწავლე-ახალგაზრდობის ისტორიის მუზეუმი გადაეცეს გამგებლობაში საქართველოს ახალგაზრდობის საქმეთა სახელმწიფო დეპარტამენტს.

2. შეტანილ  იქნეს ცვლილება საქართველოს პრეზიდენტის 1998 წლის №281 ბრძანებულებით დამტკიცებულ საქართველოს განათლების სამინისტროს დებულებაში და აღნიშნული დებულების მე-5 თავში განათლების სამინისტროს სისტემაში არსებული დაწესებულებების ჩამონათვალიდან ამოღებულ იქნეს  მოსწავლე-ახალგაზრდობის ისტორიის მუზეუმი.

3. შეტანილ იქნეს ცვლილება საქართველოს პრეზიდენტის 1998 წლის №255 ბრძანებულებით დამტკიცებულ საქართველოს ახალგაზრდობის საქმეთა სახელმწიფო დეპარტამენტის დებულებაში:

ა) III თავის მე-10 მუხლის „ბ“ პუნქტი ჩამოყალიბდეს შემდეგი რედაქციით: „ნიშნავს და ათავისუფლებს დეპარტამენტის თანამშრომლებს, საქვეუწყებო დაწესებულების“… შემდეგ, როგორც ტექსტშია;

ბ) III თავის მე-10 მუხლის „ვ“ პუნქტის ბოლოს დაემატოს: „ამტკიცებს სახელმწიფო საქვეუწყებო დაწესებულების დებულებას“;

გ) VII თავი ჩამოყალიბდეს შემდეგი რედაქციით:

„ VII. დეპარტამენტის საქვეუწყებო დაწესებულებები“.

33. დეპარტამენტის საქვეუწყებო დაწესებულებაა მოსწავლე-ახალგაზრდობის ისტორიის მუზეუმი;

დ) შესაბამისად  დაინომროს VII თავი VIII თავად, ხოლო 33 პუნქტი - 34 პუნქტად.

4. საქართველოს ფინანსთა სამინისტრომ (დ.ონოფრიშვილი) შეიტანოს შესაბამისი ცვლილება საქართველოს 1999 წლის სახელმწიფო ბიუჯეტის შესახებ საქართველოს კანონის პროექტში.

ე. შევარდნაძე