,,საჯარო სამართლის იურიდიული პირის – ,ელექტროენერგიის ბაზრის მხარდამჭერი პროექტის მომსახურე ორგანიზაციის შექმნის შესახებ“ საქართველოს სათბობ-ენერგეტიკის მინისტრისა და საქართველოს ფინანსთა მინისტრის 2001 წლის 31 ოქტომბრის №51-№254 ერთობლივ ბრძანებაში ცვლილების შეტანის თაობაზე

სახელმწიფო სარეგისტრაციო კოდი 040.030.000.22.025.010.820

საქართველოს ენერგეტიკის მინისტრისა და საქართველოს ფინანსთა მინისტრის

ერთობლივი ბრძანება №62/№1045

2007 წლის 7 სექტემბერი

ქ. თბილისი

,,საჯარო სამართლის იურიდიული პირის – ,ელექტროენერგიის ბაზრის მხარდამჭერი პროექტის მომსახურე ორგანიზაციის შექმნის შესახებ“ საქართველოს სათბობ-ენერგეტიკის მინისტრისა და საქართველოს ფინანსთა მინისტრის 2001 წლის 31 ოქტომბრის №51-№254 ერთობლივ ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებთ:

1. საქართველოს სათბობ-ენერგეტიკის მინისტრისა და საქართველოს ფინანსთა მინისტრის 2001 წლის 31 ოქტომბრის №51-№254 ერთობლივი ბრძანებით დამტკიცებულ ,,საჯარო სამართლის იურიდიული პირის – ელექტროენერგიის ბაზრის მხარდამჭერი პროექტის მომსახურე ორგანიზაციის“ დებულებაში (სსმ III, 2001 წ., №119, მუხ. 858) შეტანილ იქნეს ცვლილება და მე-3 თავის 3.1 პუნქტი ჩამოყალიბდეს შემდეგი რედაქციით:

,,3.1. ორგანიზაციის საქმიანობის მართვის ხელშეწყობას ახორციელებს სამეთვალყურეო საბჭო, რომლის შემადგენლობაში შედიან:

ა) საქართველოს ენერგეტიკის მინისტრი (თავმჯდომარე);

ბ) საქართველოს ფინანსთა მინისტრი (თანათავმჯდომარე);

გ) შპს ,,საქართველოს სახელმწიფო ელექტროსისტემის“ გენერალური დირექტორი;

დ) შპს ,,ელექტროენერგეტიკული სისტემის კომერციული ოპერატორის“ გენერალური დირექტორი.“.

2. ბრძანება ამოქმედდეს გამოქვეყნებისთანავე.

ა. ხეთაგური

ნ. გილაური