დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ამერიკის შეერთებული შტატების კრედიტით შესყიდული ხორბლის რეალიზაციის დაჩქარების ღონისძიებათა შესახებ | |
|---|---|
| დოკუმენტის ნომერი | 597 |
| დოკუმენტის მიმღები | საქართველოს პრეზიდენტი. |
| მიღების თარიღი | 18/10/1998 |
| დოკუმენტის ტიპი | საქართველოს პრეზიდენტის ბრძანებულება |
| გამოქვეყნების წყარო, თარიღი | სსმ, 3, 08/11/1998 |
| სარეგისტრაციო კოდი | 190.020.110.05.002.001. |
საქართველოს პრეზიდენტის
ბრძანებულება №597
1998 წლის 18 ოქტომბერი
ქ. თბილისი
ამერიკის შეერთებული შტატების კრედიტით შესყიდული ხორბლის რეალიზაციის დაჩქარების ღონისძიებათა შესახებ
ამერიკის შეერთებული შტატების მთავრობის მიერ საქართველოსათვის გამოყოფილი გრძელვადიანი, შეღავათიანი კრედიტით შესყიდული ხორბლის რეალიზაციის დაჩქარების, სამამულო მარცვალგადამმუშავებელი მრეწველობის, კერძო სექტორის, ფერმერული მეურნეობის აგრობიზნესის სტიმულირებისა და აგროსამრეწველო სექტორში არახელსაყრელი პირობების გავლენის მინიმუმამდე შემცირების მიზნით:
1. მიღებულ იქნეს საქართველოს სოფლის მეურნეობისა და სურსათის სამინისტროს წინადადება სააქციო საზოგადოებებისა და ხორბლის შემსყიდველთათვის ამერიკის შეერთებული შტატების მთავრობის კრედიტით შესყიდული ხორბლის ნაწილის კონსიგნაციის წესით რეალიზაციის შესახებ.
2. საქართველოს სოფლის მეურნეობისა და სურსათის სამინისტრომ (ბ.გულუა) სააქციო საზოგადოებებისა და ხორბლის შემსყიდველთათვის გამოაცხადოს ტენდერი ამერიკის შეერთებული შტატების კრედიტით შესყიდული ხორბლიდან 45 ათასი ტონის კონსიგნაციის წესით რეალიზაციისათვის.
3. საქართველოს სოფლის მეურნეობისა და სურსათის სამინისტრომ და ფინანსთა სამინისტრომ (მ.ჭკუასელი) უზრუნველყონ ტენდერის მოწყობის პირობების შემუშავება და მისი გამოქვეყნება პრესაში.
4. საქართველოს სოფლის მეურნეობისა და სურსათის სამინისტრომ ფინანსთა სამინისტროსთან შეთანხმებით გააფორმოს შესაბამისი ხელშეკრულებები შემსყიდველებთან და უზრუნველყოს სახელშეკრულებო პირობების შესრულების კონტროლი.
ე. შევარდნაძე
დოკუმენტის კომენტარები