"ქალაქ ქუთაისში სათამაშო მოსაკრებლის შემოღების შესახებ" ქალაქ ქუთაისის საკრებულოს 2007 წლის 31 იანვრის №17 დადგენილებაში ცვლილების შეტანის თაობაზე

თვითმმართველი ქალაქის – ქუთაისის საკრებულოს

დადგენილება № 55

2010 წლის   24 ნოემბერი   

ქ. ქუთაისი  

„ქალაქ ქუთაისში სათამაშო ბიზნესის მოსაკრებლის შემოღების შესახებ“ ქალაქ ქუთაისის საკრებულოს 2007 წლის 31 იანვრის №17 დადგენილებაში ცვლილების შეტანის თაობაზე

2010 წლის 12 ოქტომბრის საქართველოს №3661 კანონით შეტანილ იქნა ცვლილება „სათამაშო ბიზნესის მოსაკრებლის შესახებ“ საქართველოს კანონის მე-5 მუხლის „ბ“ და „გ“ ქვეპუნქტებში, კერძოდ, შეიცვალა სათამაშო ბიზნესის მოსაკრებლის განაკვეთების ზღვრული ოდენობები.

აღნიშნულიდან გამომდინარე, „სათამაშო ბიზნესის მოსაკრებლის შესახებ“ საქართველოს კანონის, „ადგილობრივი თვითმმართველობის შესახებ“ საქართველოს ორგანული კანონის მე-16 მუხლის მე-2 პუნქტის „ბ“ ქვეპუნქტის, 22-ე მუხლის I პუნქტის „მ“ ქვეპუნქტისა და საქართველოს ზოგადი ადმინისტრაციული კოდექსის 63-ე მუხლის საფუძველზე, ქალაქ ქუთაისის საკრებულო ადგენს:

    მუხლი 1

შეიცვალოს „ქალაქ ქუთაისში სათამაშო ბიზნესის მოსაკრებლის შემოღების შესახებ“ ქალაქ ქუთაისის საკრებულოს 2007 წლის 31 იანვრის №17 დადგენილების მე-4 მუხლის მე-2 პუნქტი და ჩამოყალიბდეს შემდეგი რედაქციით:

„2. თითოეულ სათამაშო აპარატზე – კვარტალში 2100 ლარით;“.

    მუხლი 2

შეიცვალოს „ქალაქ ქუთაისში სათამაშო ბიზნესის მოსაკრებლის შემოღების შესახებ“ ქალაქ ქუთაისის საკრებულოს 2007 წლის 31 იანვრის №17 დადგენილების მე-4 მუხლის მე-3 პუნქტი და ჩამოყალიბდეს შემდეგი რედაქციით:

„3. ტოტალიზატორის, ბინგოს, ლოტოს თითოეულ სალაროზე – კვარტალში 4500 ლარით;“.

    მუხლი 3

დადგენილების შესრულებაზე კონტროლი დაევალოს ეკონომიკურ საკითხთა კომისიას /კომისიის თავმჯდომარე რ.ქორჩილავა/.

    მუხლი 4

დადგენილება გამოქვეყნდეს საინფორმაციო საშუალებებით.

    მუხლი 5

დადგენილება ძალაში შევიდეს კანონით დადგენილი წესით, გამოქვეყნებისთანავე.

    მუხლი 6

დადგენილების ასლი გამოქვეყნებისთანავე გაეგზავნოს საქართველოს ფინანსთა სამინისტროს შემოსავლების სამსახურს და ამავე სამსახურის ქუთაისის რეგიონალურ ცენტრს.

საკრებულოს თავმჯდომარე               ა.ხვადაგიანი