საქართველოს მთავრობასა და მოლდოვას რესპუბლიკის მთავრობას შორის 1997 წლის 28 ნოემბერს ხელმოწერილ შეთანხმებათა დამტკიცებისა და ძალაში შესვლის შესახებ

საქართველოს პრეზიდენტის

ბრძანებულება №513

1998 წლის 5 სექტემბერი

ქ. თბილისი

საქართველოს მთავრობასა და მოლდოვას რესპუბლიკის მთავრობას შორის 1997 წლის 28 ნოემბერს ხელმოწერილ შეთანხმებათა დამტკიცებისა და ძალაში შესვლის შესახებ

1. საქართველოს მთავრობასა და მოლდოვას რესპუბლიკის მთავრობას შორის 1997 წლის 28 ნოემბერს ხელმოწერილ შეთანხმებათა ძალაში შესვლის მიზნით დამტკიცდეს შეთანხმებები „სტატისტიკის დარგში თანამშრომლობის შესახებ“ და „სარკინიგზო ტრანსპორტის სფეროში თანამშრომლობის შესახებ“.

2. საქართველოს საგარეო საქმეთა სამინისტრომ (ი. მენაღარიშვილი):

ა) აცნობოს საქართველოს პარლამენტს საქართველოს მთავრობასა და მოლდოვას რესპუბლიკის მთავრობას შორის ამ ბრძანებულების პირველ პუნქტში აღნიშნულ შეთანხმებათა დადება;

ბ) შეატყობინოს მოლდოვას რესპუბლიკის მთავრობას ამ ბრძანებულების პირველ პუნქტში აღნიშნულ შეთანხმებათა ძალაში შესვლისათვის საჭირო საქართველოს შიდასახელმწიფოებრივი სამართლებრივი პროცედურის შესრულება.

ე. შევარდნაძე