საქართველოს მთავრობასა და ბულგარეთის რესპუბლიკის მთავრობას შორის 1997 წლის 15 დეკემბერს ხელმოწერილი შეთანხმებების დამტკიცების და ძალაში შესავლის შესახებ

საქართველოს პრეზიდენტის

ბრძანებულება №330

1998 წლის 20 მაისი

ქ. თბილისი

საქართველოს მთავრობასა და ბულგარეთის რესპუბლიკის მთავრობას შორის 1997 წლის 15 დეკემბერს ს ხელმოწერილი შეთანხმების დამტკიცებისა და ძალაში შესვლის შესახებ

1. საქართველოს მთავრობასა და ბულგარეთის რესპუბლიკის მთავრობას შორის 1997 წლის 15 დეკემბერს ხელმოწერილი შეთანხმებების ძალაში შესვლის მიზნით დამტკიცდეს შეთანხმებები „ტურიზმის დარგში თანამშრომლობის შესახებ“ და „სტატისტიკის სფეროში თანამშრომლობის შესახებ“.

2. საქართველოს საგარეო საქმეთა სამინისტრომ (ი. მენაღარიშვილი):

ა) აცნობოს საქართველოს პარლამენტს საქართველოს მთავრობასა და ბულგარეთის რესპუბლიკის მთავრობას შორის ამ ბრძანებულების პირველ პუნქტში აღნიშნული შეთანხმებების დადება;

ბ) შეატყობინოს ბულგარეთის რესპუბლიკის მთავრობას ამ ბრძანებულების პირველ პუნქტში აღნიშნული შეთანხმებების ძალაში შესვლისათვის აუცილებელი საქართველოს შიდასახელმწიფოებრივი სამართლებრივი პროცედურის შესრულება.

ე. შევარდნაძე