საჩხერის მუნიციპალიტეტში სათამაშო ბიზნესის მოსაკრებლის შემოღებისა და მოსაკრებლის განაკვეთების განსაზღვრის შესახებ

საჩხერის მუნიციპალიტეტის საკრებულოს

დადგენილება №33

 2010 წლის 26 ნოემბერი

ქ.  საჩხერე

  საჩხერის მუნიციპალიტეტში სათამაშო ბიზნესის მოსაკრებლის შემოღებისა და მოსაკრებლის განაკვეთების განსაზღვრის შესახებ

    მუხლი 1

 „ადგილობრივი თვითმმართველობის შესახებ“ საქართველოს ორგანული კანონის 22-ე მუხლის 1-ლი პუნქტის „მ“ ქვეპუნქტისა და „სათამაშო ბიზნესის მოსაკრებლის შესახებ“ საქართველოს კანონის შესაბამისად, შემოღებულ იქნეს საჩხერის მუნიციპალიტეტში სათამაშო ბიზნესის მოსაკრებელი.

    მუხლი 2

დადგინდეს სათამაშო ბიზნესის მოსაკრებელის განაკვეთები, სათამაშო ბიზნესის ცალკეული სახეების მიხედვით, შემდეგი ოდენობით:

1. კაზინო (სამორინეს) თითოეულ სათამაშო მაგიდაზე – კვარტალში 15 000 (თხუთმეტი ათასი) ლარი.

2. თითოეულ სათამაშო აპარატზე – კვარტალში 2 000 (ორი ათასი) ლარი.

3. ტოტალიზატორის, ბინგოს, ლოტოს თითოეულ სალაროზე – კვარტალში 5 000 (ხუთი ათასი) ლარი.

4. თითოეულ წამახალისებელ გათამაშებაზე – საპრიზო ფონდის 10%.

5. სისტემურ-ელექტრონული ფორმის თამაშებზე – კვარტალში 45 000 (ორმოცდახუთი ათასი) ლარი.

    6. ლატარიების მოწყობაზე – ლატარიის ბილეთების რეალიზაციიდან მიღებული ამონაგების 15%.

    მუხლი 3

 ძალადაკარგულად გამოცხადდეს „საჩხერის მუნიციპალიტეტის ტერიტორიაზე სათამაშო ბიზნესის მოსაკრებლის შემოღების და მოსაკრებლის ოდენობის დადგენის შესახებ“ საჩხერის მუნიციპალიტეტის საკრებულოს 2007 წლის 27 თებერვლის №17 დადგენილება.

   მუხლი 4

    ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე                        ნ . აბჟანდაძე