ენერგეტიკის სექტორის საწარმოთა ურთიერთანგარიშსწორების მოწესრიგების თაობაზე

სახელმწიფო სარეგისტრაციო კოდი      120.012.003.914

საქართველოს ფინანსთა მინისტრის, საქართველოს ქონების მართვის მინისტრის, საქართველოს სათბობისა და ენერგეტიკის მინისტრის, საქართველოს საგადასახადო სახელმწიფო დეპარტამენტის თავმჯდომარის, საქართველოს სოციალური უზრუნველყოფისა და სამედიცინო დაზღვევის ერთიანი სახელმწიფო ფონდის გენერალური დირექტორის ერთობლივი

ბრძანება №№231/3/767/57/258/214

1999 წლის 26 ოქტომბერი

ქ. თბილისი

ენერგეტიკის სექტორის საწარმოთა ურთიერთანგარიშსწორების მოწესრიგების თაობაზე

თანახმად საქართველოს პრეზიდენტის 1999 წლის 31 აგვისტოს N515 ბრძანებულების მე-9 პუნქტისა, ენერგეტიკის სექტორში მიმდინარე პრივატიზაციის პროცესის ხელშეწყობის, საბიუჯეტო დაფინანსებაზე მყოფი განსაკუთრებული და/ან სასიცოცხლო მნიშვნელობის ობიექტების ელექტროენერგიით უზრუნველყოფისა და საბიუჯეტო ანგარიშსწორების მოწესრიგების მიზნით:

1. სააქციო საზოგადოება „ეი-ი-ეს თელასის“ მიერ მიწოდებული ელექტროენერგიის ანაზღაურების მიზნებისათვის განისაზღვროს საბიუჯეტო დაფინანსებაზე მყოფი სასიცოცხლო და/ან განსაკუთრებული მნიშვნელობის მქონე ობიექტთა (შემდგომში „ობიექტთა“) სია თანახმად დანართი 1-სა. მიღებულ იქნეს ცნობად, რომ 1999 წლის 26 ოქტომბრის მდგომარეობით ობიექტთა დავალიანება შეადგენს 1.571.311,69 ლარს;

2. მიღებულ იქნეს ცნობად, რომ თანახმად თანდართული ოქმისა, რომელიც გაფორმებულია საქართველოს საგადასახადო სახელმწიფო დეპარტამენტსა და სააქციო საზოგადოება „ეი-ი-ეს თელასს“ შორის, 1999 წლის 22 ოქტომბრის მდგომარეობით საქართველოს სახელმწიფოსა და სააქციო საზოგადოება „ეი-ი-ეს თელასს“ შორის ურთიერთსაგადასახადო დავალიანებათა გაქვითვის შედეგად (სახელმწიფო ბიუჯეტის კუთვნილი გადასახადების ჭრილში) სააქციო საზოგადოება „ეი-ი-ეს თელასს“ სახელმწიფოს მხრიდან ეკუთვნის 2,489.675,00 ლარი.

3. მიღებულ იქნეს ცნობად, რომ კომპანიები „AES Georgia Holdings B.V." და/ან „AES Silk Road Holdings B.V.“ (შემდგომში ერთად ან ცალ-ცალკე „მყიდველები“) იტოვებენ უფლებას გამოქვითონ თანხიდან, რომელიც მათ შესაბამისად გადასახდელი აქვთ საქართველოს ბიუჯეტში, თანახმად „სააქციო საზოგადოებების ხრამჰეს 1 და ხრამჰეს 2-ის აქციების მართვის უფლების გადაცემის“ და/ან „სააქციო საზოგადოება რელასის ყველა აქციის 75%-ის ყიდვა-გაყიდვის“ ხელშეკრულებისა (შემდგომში ერთად ან ცალ-ცალკე „ხელშეკრულებები“), შემდეგი თანხები:

I. ობიექტების მიერ მოხმარებული ელექტროენერგიის ღირებულება. გამოსაქვითი თანხის გაანგარიშებისას გაითვალისწინება მხოლოდ 1999 წლის 31 დეკემბრამდე მიწოდებული ელექტროენერგიის ღირებულება. თითოეული მომხმარებლის ჭრილში ასანაზღაურებელი თანხა არ უნდა აღემატებოდეს შესაბამის ორგანიზაციაზე 1999 წლის ბიუჯეტით გათვალისწინებული დაფინანსების ოდენობას, როგორც ეს განსაზღვრულია დანართ 1-ში. მოხმარებული ელექტროენერგიის ღირებულების გაანგარიშება და სააქციო საზოგადოება „ეი-ი-ეს თელასის“ მიერ გამოწერილი ანგარიშ-ფაქტურის აღიარება მომხმარებლის მიერ განხორციელდება ჩვეულებრივ რეჟიმში. სააქციო საზოგადოება „ეი-ი-ეს თელასთან“ შეთანხმებით საქართველოს ფინანსთა სამინისტროს, ბიუჯეტის შესახებ კანონით გათვალისწინებულ ასიგნებათა ფარგლებში, შეუძლია ობიექტთა დავალიანებების სიაში ობიექტთა დამატება და/ან დავალიანებათა გაზრდა, რის შედეგადაც შესაბამისად გაიზრდება გამოსაქვითი თანხა;

II. 2,489.675,00 ლარი სახელმწიფოს საგადასახადო დავალიანება, თანახმად საქართველოს საგადასახადო სახელმწიფო დეპარტამენტსა და სააქციო საზოგადოება „ეი-ი-ეს თელასს“ შორის გაფორმებული ოქმისა.

III. არა უმეტეს 1,500,000 აშშ დოლარი სააქციო საზოგადოება „ეი-ი-ეს თელასის“ მიერ სააქციო საზოგადოება „საქგაზის“ სასარგებლოდ 1999 წლის 26 ოქტომბერს გაცემული საგარანტიო წერილის ანგარიშში, იმ ოდენობით, რა ოდენობითაც „ეი-ი-ეს თელასს“ მოუწევს დასახელებული გარანტიით აღებული ვალდებულებების განაღდება.

მიღებულ იქნეს ცნობად სააქციო საზოგადოება „ეი-ი-ეს თელასის“ თანდართული წერილი, სადაც იგი თანხმობას აცხადებს, გაცემული გარანტიის სანაცვლოდ მან და მისმა მოკავშირე (აფილირებულმა) კომპანიებმა მიიღონ ამ ბრძანებით გათვალისწიებული უფლებები. მიღებულ იქნეს ცნობად, რომ თანახმად წინამდებარე ბრძანებულებისა და თანდართული წერილისა, საქციო საზოგადოება „ეი-ი-ეს თელასი“ თანახმაა არ მოითხოვოს ობიექტებისათვის მიწოდებული ელექტროენერგიის დაუყოვნებლივ ანაზღაურება, რომ აინაზღაუროს სახელმწიფოსაგან კუთვნილი საგადასახადო დავალიანება წინამდებარე ბრძანებულების 3, II პუნქტით გათვალისწინებული სქემით და გასცეს გარანტია, რომელიც საშუალებას მისცემს სააქციო საზოგადოება „საქგაზს“ აიღოს კრედიტი გზის იმპორტის დასაფინანსებლად. ხოლო შემდგომ სააქციო საზოგადოება „ეი-ი-ეს თელასმა“ საკუთარი შეხედულებისამებრ აინაზღაუროს დასახელებული თანხები „მყიდველისაგან“.

4. გამოქვითული თანხები სათანადოდ აისახოს ბიუჯეტის საპრივატიზაციო შემოსავლებისა და შესაბამისი ხარჯვითი მუხლების გასავალებში. 2.489.675,00 ლარის დაბრუნება (გამოქვითვა) აისახოს საპრივატიზაციო შემოსავლების ანგარიშებიდან დაბრუნების სახით, ხოლო სააქციო საზოგადოება „ეი-ი-ეს თელასის“ მიერ სააქციო საზოგადოება „საქგაზის“ სასარგებლოდ გაცემული გარანტიის შესაბამისად განაღდებული თანხა, მაგრამ არა უმეტეს 1,500,000 აშშ დოლარის სალარე ეკვივალენტისა, აისახოს სახელმწიფო ბიუჯეტის ხარჯებში პენსიონერების მიერ მოხმარებული ელექტროენერგიის ანაზღაურების მუხლით, რომელი თანხაც ჩაითვლება:

● ცენტრალური ბიუჯეტის მიერ ანაზღაურებულად საპენსიო ფონდისათვის;

● საპენსიო ფონდის მიერ ანაზღაურებულად სააქციო საზოგადოება „ეი-ი-ეს თელასისათვის“ პენსიონერების მიერ მოხმარებული ელექტროენერგიის საფასურში;

● სააქციო საზოგადოება „ეი-ი-ეს თელასის“ შეხედულებისამებრ მის მიერ ანაზღაურებულად საქართველოს ელექტროენერგიის საბითუმო ბაზრის, საქენერგოსა და/ან სააქციო საზოგადოება „ელექტროგადაცემისათვის“, ამ უკანასკნელთა მიერ სააქციო საზოგადოება „ეი-ი-ეს თელასისათვის“ გაწეული მომსახურების საფასურში.

5. მიღებულ იქნეს ცნობად, რომ საქართველოს ქონების მართვის სამინისტრო და მყიდველები ყველა ღონეს იხმარენ „ხელშეკრულებების“ დადებისა და შესაბამისი პრივატიზაციის პროცესის დაჩქარებისათვის და, თუ ნებისმიერი მიზეზით საპრივატიზაციო თანხის გადახდა არ მოხდა 1999 წლის 31 დეკმბრამდე, სააქციო საზოგადოება „ეი-ი-ეს თელასი“ საკუთარი არჩევანით უფლებას იტოვებს, თანხები, რომლებიც წინამდებარე ბრძანებულებითა და მათი თანდართული თანხმობის წერილით ექვემდებარებოდა „მყიდველების“ მიერ საპრივატიზაციო თანხიდან გამოქვითვას, აინაზღაუროს:

● თანახმად უფლებისა, რომელიც მას მინიჭებული აქვს საქართველოს კანონით 1999 წლის ბიუჯეტის შესახებ, საქართველოს საგადასახადო კოდექსით, საქართველოს სამოქალაქო კოდექსითა და სხვა ნორმატიული აქტებით; და/ან

● გაცემული გარანტიის თანახმად, განაღდებული თანხა, არა უმეტეს 1,500,000 აშშ დოლარის ოდენობით, საქართველოს ელექტრობაზრის მიერ მიწოდებული ელექტროენერგიის ასანაზღაურებელი თანხიდან გამოქვითვის გზით.

6. მიღებულ იქნეს ცნობად, რომ საქართველოს ელექტრობაზრის ადმინისტრაცია თანდართული წერილით თანხმობას აცხადებს ამგვარ დაქვითვაზე, რასაც იგი შესაბამისად ასახავს სააქციო საზოგადოება „თბილსრესთან“ და სააქციო საზოგადოება „საქგაზთან“ ანგარიშსწორებაში.

7. ბრძანებულების შესრულებაზე კონტროლი დაევალოს საქართველოს ფინანსთა სამინისტროს.

                                                                                       დ. ონოფრიშვილი

                                                                                       მ. უკლება

                                                                                       თ. გიორგაძე

                                                                                       მ. ჩიკვილაძე

                                                                                       ო. ხუფენია

დანართი 1