,,საქართველოს შეიარაღებული ძალების კუთვნილი საპატრულო კატარღის ჩამოწერისა და დავალიანების დასაფარავად უკრაინის სახელმწიფო კომპანია ,,უკრსპეცექსპორტისათვის“ გადაცემის შესახებ“

საქართველოს მთავრობის

დადგენილება №82

2004 წლის 18 სექტემბერი

ქ. თბილისი

საქართველოს შეიარაღებული ძალების კუთვნილი საპატრულო კატარღის ჩამოწერისა და დავალიანების დასაფარავად უკრაინის სახელმწიფო კომპანია ,,უკრსპეცექსპორტისათვის“ გადაცემის შესახებ

საქართველოს თავდაცვის სამინისტროსა და უკრაინის სახელმწიფო კომპანია ,,უკრსპეცექსპორტს“ შორის 2000 წელს გაფორმებული ხელშეკრულების შესრულებასთან დაკავშირებით წარმოქმნილი დავალიანების დაფარვის მიზნით:

1. საქართველოს თავდაცვის სამინისტრომ (გ. ბარამიძე) ეკონომიკური განვითარების სამინისტროსთან (კ. ბენდუქიძე) შეთანხმებით მოქმედი კანონმდებლობის შესაბამისად განახორციელოს საპატრულო კატარღა ,,ბორტი №301“-ის ბალანსიდან ჩამოწერა და წარმოქმნილი დავალიანების დასაფარავად უკრაინის სახელმწიფო კომპანია ,,უკრსპეცექსპორტისათვის“ გადაცემა.

2. ეთხოვოს საქართველოს გენერალურ პროკურორს ზ. ადეიშვილს მიიღოს შესაბამისი ზომები საპატრულო კატარღა ,,ბორტი №301“-ის შესყიდვის გამო სახელმწიფოსათვის 772 700 (შვიდას სამოცდათორმეტი ათას შვიდასი) ლარის ოდენობით მიყენებული ზარალის ანაზღაურებასა და შპს ,,ორიონი-95“-ის მიმართ 3 127 300 (სამი მილიონ ასოცდაშვიდი ათას სამასი) ლარის ოდენობით წარმოქმნილი კრედიტორული დავალიანების ჩამოწერასთან დაკავშირებით.

პრემიერ-მინისტრი ზ. ჟვანია