საქართველოს მთავრობასა და საბერძნეთის რესპუბლიკის მთავრობას შორის 1997 წლის 15 სექტემბერს დადებული შეთანხმებების დადასტურებისა და ძალაში შესვლის შესახებ

საქართველოს პრეზიდენტის

ბრძანებულება №634

1997 წლის 8 ნოემბერი

ქ. თბილისი

საქართველოს მთავრობასა და საბერძნეთის რესპუბლიკის მთავრობას შორის 1997 წლის 15 სექტემბერს დადებული შეთანხმებების დადასტურებისა და ძალაში შესვლის შესახებ

1. საქართველოს მთავრობასა და საბერძნეთის რესპუბლიკის მთავრობას შორის 1997 წლის 15 სექტემბერს დადებული შეთანხმებების ძალაში შესვლის მიზნით დადასტურდეს:

ა) შეთანხმება საქართველოს მთავრობასა და საბერძნეთის რესპუბლიკის მთავრობას შორის მეგობრობისა და თანამშრომლობის შესახებ;

ბ) შეთანხმება საქართველოს მთავრობასა და საბერძნეთის რესპუბლიკის მთავრობას შორის განვითარებისა და გარემოს დაცვის სფეროში თანამშრომლობის შესახებ;

გ) ოქმი საქართველოს მთავრობასა და საბერძნეთის რესპუბლიკის მთავრობას შორის საარქივო საქმის სფეროში თანამშრომლობის შესახებ.

2. საქართველოს საგარეო საქმეთა სამინისტრომ (ი.მენაღარიშვილი):

ა) აცნობოს საქართველოს პარლამენტს საქართველოს მთავრობასა და საბერძნეთის რესპუბლიკის მთავრობას შორის ამ ბრძანებულების პირველ პუნქტში აღნიშნული შეთანხმებების დადება;

ბ) შეატყობინოს საბერძნეთის რესპუბლიკის მთავრობას ამ ბრძანებულების პირველ პუნქტში აღნიშნული შეთანხმების ძალაში შესვლისათვის აუცილებელი საქართველოს შიდასახელმწიფოებრივი სამართლებრივი პროცედურის შესრულება.

ე. შევარდნაძე