,,საქართველოს იუსტიციის სამინისტროს დებულების დამტკიცების შესახებ” საქართველოს მთავრობის 2004 წლის 30 აგვისტოს №70 დადგენილებაში ცვლილებების შეტანის თაობაზე”

საქართველოს მთავრობის

დადგენილება №114

2004 წლის 4 დეკემბერი

ქ. თბილისი

,,საქართველოს იუსტიციის სამინისტროს დებულების დამტკიცების შესახებ” საქართველოს მთავრობის 2004 წლის 30 აგვისტოს №70 დადგენილებაში ცვლილებების შეტანის თაობაზე

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ” საქართველოს კანონის მე-17 მუხლის პირველი პუნქტის, ,,ნორმატიული აქტების შესახებ” საქართველოს კანონის 36-ე მუხლისა და ,,საჯარო სამართლის იურიდიული პირის – სასამართლო ექსპერტიზის ეროვნული ბიუროს შექმნის შესახებ” საქართველოს პრეზიდენტის 2004 წლის 4 ნოემბრის №482 ბრძანებულების შესაბამისად საქართველოს მთავრობის 2004 წლის 30 აგვისტოს №70 დადგენილებით დამტკიცებულ საქართველ.ოს იუსტიციის სამინისტროს დებულებაში (საქართველოს საკანონმდებლო მაცნე, ნაწილი III, 2004 წ., №95, მუხლი 816) შეტანილ იქნეს შემდეგი ცვლილებები:

1. მე-4 მუხლის ,,ჟ” ქვეპუნქტი ჩამოყალიბდეს შემდეგი რედაქციით:

,,ჟ) სასამართლო-სამედიცინო ექსპერტიზისა და სპეციალურ გამოკვლევათა ორგანიზება;”.

2. მე-5 მუხლის ,,ძ” ქვეპუნქტი ჩამოყალიბდეს შემდეგი რედაქციით:

,,ძ) კანონმდებლობით დადგენილი წესით სასამართლო-სამედიცინო ექსპერტიზისა და სპეციალურ გამოკვლევათა ორგანიზება, ამ სფეროში სამეცნიერო და მეთოდური მუშაობის განხორციელება;”.

3. მე-11 მუხლის ,,ბ” ქვეპუნქტი ჩამოყალიბდეს შემდეგი რედაქციით:

,,ბ) სასამართლო ექსპერტიზის ეროვნული ბიურო;”.

პრემიერ-მინისტრი                                                                                                  ზ. ჟვანია