"სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე" საქართველოს მთავრობის 2005 წლის 11 აგვისტოს №136 დადგენილებაში ცვლილებებისა და დამატების შეტანის შესახებ

საქართველოს მთავრობის

დადგენილება №344

2010 წლის 9 ნოემბერი

ქ. თბილისი

,,სასარგებლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ საქართველოს მთავრობის 2005 წლის 11 აგვისტოს №136 დადგენილებაში ცვლილებებისა და დამატების შეტანის შესახებ

    მუხლი 1

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „სასარგებ­ლო წიაღისეულის მოპოვების ლიცენზიის გაცემის წესისა და პირობების შესახებ დებულების დამტკიცების თაობაზე“ სა­ქართველოს მთავრობის 2005 წლის 11 აგვისტოს №136 დად­გე­ნი­ლებაში (სსმ III, 2005 წ., №94, მუხ. 1068) შეტანილ იქნეს ცვლილებები და დამა­ტე­ბა და ამ დად­გე­ნი­ლებით დამტკიცე­ბულ დებულებაში:

1. მე-3 მუხლის მე-6 პუნქტის „ბ.გ“ ქვეპუნქტი ამოღებულ იქნეს.

2. მე-3 მუხლის 8¹ პუნქტი ჩამოყალიბდეს შემდეგი რედაქ­ციით:

„8¹. ამ მუხლის 6¹ და 6² პუნქტებით გათვალისწინებულ შემ­თ­ხ­ვე­ვებში სამინისტრო ლიცენზიის გაცემასთან დაკავში­რე­ბულ ადმინისტრაციულ წარმოებაში რთავს დაინტერესებულ უწ­ყე­ბებს. ამასთან, ამ მუხლის 6¹ და 6² პუნქტების შესაბა­მი­სად წარდგენილ განცხადებას სამინისტრო უგზავნის საქართ­ველოს გარემოს დაცვისა და ბუნებრივი რესურსების სამი­ნისტროს, რომელიც სსიპ – გარემოს ეროვნული სააგენტოს მეშ­ვეობით ამზადებს 5 ცალ ფერად ტოპოგრაფიულ რუკას, რო­მელზეც დატანილი იქნება სალიცენზიო ობიექტის სამთო ან გეოლოგიური მინაკუთვნის კონტურის X და Y კოორ­დი­ნა­ტები და ფართობი. აუქციონში გამარჯვებული ვალდებულია სსიპ – გარემოს ეროვნული სააგენტოს ანგარიშზე ჩარიცხოს ფერადი ტოპოგრაფიული რუკის დამზადებისათვის განსაზღვ­რული მომსახურების საფასური.“.

3. 4¹ მუხლი ჩამოყალიბდეს შემდეგი რედაქციით:

     „მუხლი 4¹. სამთო, გეოლოგიური და მიწის მინაკუთვნის დაწესება

ლიცენზიის გაცემისას სამინისტრო იღებს გადაწყვე­ტილე­ბას შესაბამისად სამთო, გეოლოგიური და მიწის მინაკუთვნის დაწესების თაობაზე საქართველოს გარემოს დაცვისა და ბუ­ნებრივი რესურსების სამინისტროსთან (ხოლო ქ. თბილისის ტე­რიტორიაზე – ასევე ქ. თბილისის მერიასთან) შეთანხმებით.“.

4. მე-7 მუხლის პირველ პუნქტს დაემატოს შემდეგი ში­ნაარსის „მ“ ქვეპუნქტი:

„მ) სასარგებლო წიაღისეულის შესწავლა-მოპოვების მიზ­ნით გაცემული ლიცენზიის ფარგლებში კერძო საკუთრებაში არსებულ მიწაზე სალიცენზიო საქმიანობა განახორციელოს მხოლოდ მესაკუთრესთან შეთანხმებით.“.

5. 7⁵ მუხლის მე-4 პუნქტი ჩამოყალიბდეს შემდეგი რედაქ­ციით:

 „4. იმ შემთხვევაში, თუ ლიცენზია გაცემულია ლიცენ­ზიის მაძიებლის განაცხადის საფუძველზე, რომელსაც ლიცენ­ზიის გაცემამდე სამინისტროში არ წარუდგენია ლიცენზიით გათვალისწინებული ტერიტორიის კერძო საკუთრებაში არ­სე­ბობის დამადასტურებელი დოკუმენტი (თუ ლიცენზიის მაძიე­ბელს ასეთი ვალდებულება გააჩნდა ლიცენზიის მიღებისას), და ლიცენზიის მოქმედების პერიოდში ტერიტორია აღმოჩნდა კერ­ძო საკუთრებაში, სამინისტრო იღებს გადაწყვეტილებას ლი­­­ცენ­ზიის გაუქმების თაობაზე.“.

    მუხლი 2

დადგენილება ამოქმედდეს გამოქვეყნებისთანავე.

პრემიერ-მინისტრი                                                                                                     ნ. გილაური