საჯარო სამართლის იურიდიული პირის – წნორის კოლეჯის საჯარო სამართლის იურიდიულ პირთან – იაკობ გოგებაშვილის სახელობის თელავის სახელმწიფო უნივერსიტეტთან მიერთების გზით რეორგანიზაციის შესახებ

საქართველოს მთავრობის

დადგენილება №343

2010 წლის 9 ნოემბერი

ქ. თბილისი

საჯარო სამართლის იურიდიული პირის – წნორის კოლეჯის საჯარო სამართლის იურიდიულ პირთან – იაკობ გოგებაშვილის სახელობის თელავის სახელმწიფო უნივერსიტეტთან მიერთების გზით რეორგანიზაციის შესახებ

მუხლი 1. „უმაღლესი განათლების შესახებ“ საქართველოს კა­ნონის მე-13 მუხლის მე-2 პუნქტის შესაბამისად:

1. რეორგანიზებულ იქნეს საჯარო სამართლის იუ­რი­დი­უ­ლი პირი – წნორის კოლეჯი საჯარო სამართლის იურიდიულ პირ­­თან – იაკობ გოგებაშვილის სახელობის თელავის სახელ­მწი­ფო უნივერსიტეტთან მიერთების გზით.

2. საჯარო სამართლის იურიდიული პირი – იაკობ გო­გე­ბა­შვი­ლის სახელობის თელავის სახელმწიფო უნივერსიტეტი ჩაი­თვა­ლოს საჯარო სამართლის იურიდიული პირის – წნორის კო­ლე­ჯის უფლებამონაცვლედ.

3. საქართველოს განათლებისა და მეცნიერების სა­მი­ნის­ტ­რომ და საქართველოს ეკონომიკისა და მდგრადი განვითარების სა­მინისტრომ, თავიანთი კომპეტენციის ფარგლებში, უზრუნ­ველ­ყონ საჯარო სამართლის იურიდიულ პირთან – იაკობ გოგე­ბა­შვი­ლის სახელობის თელავის სახელმწიფო უნივერსიტეტთან სა­ჯა­რო სამართლის იურიდიული პირის – წნორის კოლეჯის მი­ერ­თების გზით რეორგანიზაციასთან დაკავშირებული კანონ­მდებ­ლობით გათვალისწინებული ღონისძიებების გან­ხორ­ცი­ე­ლე­ბა, მათ შორის, საჯარო სამართლის იურიდიული პირის – წნო­რის კოლეჯის ქონების საჯარო სამართლის იურიდიული პი­რი­სა­თვის – იაკობ გოგებაშვილის სახელობის თელავის სახელ­მწი­ფო უნივერსიტეტისათვის გადაცემა.

4. საქართველოს ფინანსთა სამინისტრომ „საქართველოს 2010 წლის სახელმწიფო ბიუჯეტის შესახებ“ საქართველოს კა­ნონ­ში ცვლილებების განხორციელებამდე, საქართველოს გა­ნათ­ლე­ბისა და მეცნიერების სამინისტროს მიერ წარდგენილი წი­ნა­და­დ­ებების საფუძველზე, უზრუნველყოს სახელმწიფო ბიუჯეტის კვარ­ტალურ განწერაში შესაბამისი ცვლილებების შეტანა სა­ქარ­თველოს განათლებისა და მეცნიერების სამინისტროსათვის გამოყოფილ ასიგნებათა ფარგლებში.

5. საჯარო სამართლის იურიდიულმა პირმა – იაკობ გო­გე­ბა­შვილის სახელობის თელავის სახელმწიფო უნივერსიტეტმა უზ­რუნველყოს საჯარო სამართლის იურიდიული პირის – წნო­რის კოლეჯის სტუდენტების ჩარიცხვა.

6. საჯარო სამართლის იურიდიულ პირთან – იაკობ გო­გე­ბა­­შვილის სახელობის თელავის სახელმწიფო უნივერსიტეტთან სა­­ჯარო სამართლის იურიდიული პირის – წნორის კოლეჯის მი­ერ­­თების გზით რეორგანიზაციასთან  დაკავშირებული  ღო­ნის­ძი­­ებები  დასრულდეს  2011 წლის 1 იანვრამდე.

7. საქართველოს განათლებისა და მეცნიერების სა­მი­ნის­ტ­რომ საჯარო სამართლის იურიდიულ პირთან – იაკობ გო­გე­ბა­შვი­ლის სახელობის თელავის სახელმწიფო უნივერსიტეტთან სა­ჯა­რო სამართლის იურიდიული პირის – წნორის კოლეჯის მი­ერ­თების გზით რეორგანიზაციის დასრულებისთანავე უზ­რუნ­ველ­ყოს „საჯარო სამართლის იურიდიული პირის – წნორის კო­ლე­ჯის წესდების დამტკიცების შესახებ“ საქართველოს განათ­ლე­ბისა და მეცნიერების მინისტრის 2008 წლის 29 დეკემბრის №1176 ბრძანების კანონმდებლობით დადგენილი წესით ძალა­და­კარ­გულად გამოცხადება.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი                                                                                               ნ. გილაური