გარემოს დაცვის ინსპექციის ლოგოს, ინსპექციის თანამშრომლის განმასხვავებელი ნიშნებით სპეციალური ტანსაცმლის (უნიფორმა), სამსახურებრივი პირადობის მოწმობის, სამკერდე ნიშნის, ლუქის, ბეჭდის, მოძრავი სატრანსპორტო საშუალების გასაჩერებელი სპეციალური დისკის ნიმუშების დამტკიცების შესახებ

საქართველოს გარემოს დაცვისა და ბუნებრივი რესურსების

მინისტრის ბრძანება №54

20 10 წლის 11 ნოემბერი

ქ. თბილისი

გარემოს დაცვის ინსპექციის ლოგოს , ინსპექციის თანამშრომლის განმასხვავებელი ნიშნებით სპეციალური ტანსაცმლის (უნიფორმა ), სამსახურებრივი პირადობის მოწმობის , სამკერდე ნიშნის , ლუქის , ბეჭდის , მოძრავი სატრანსპორტო საშუალების გასაჩერებელი სპეციალური დისკის ნიმუშების დამტკიცების შესახებ

„გარემოს დაცვის ინსპექციის შესახებ ” საქართველოს კანონის 26-ე მუხლის მე -2 პუნქტის „დ “ ქვეპუნქტისა და საქართველოს ზოგადი ადმინისტრაციული კოდექსის 61-ე მუხლის საფუძველზე , ვბრძანებ :

1. დამტკიცდეს „გარემოს დაცვის ინსპექციის ლოგოს ნიმუში “ დანართი 1-ის შესაბამისად .

2. დამტკიცდეს „გარემოს დაცვის ინსპექციის თანამშრომლის განმასხვავებელი ნიშნების სპეციალური ტანსაცმლის (უნიფორმის ), სამკერდე ნიშნის , სამსახურებრივი პირადობის მოწმობის ნიმუშები “ დანართი 2-ის შესაბამისად .

3. დამტკიცდეს „გარემოს დაცვის ინსპექციის თანამშრომლის ლუქის ნიმუშები “ დანართი              3-ის შესაბამისად .

4. დამტკიცდეს „გარემოს დაცვის ინსპექციის თანამშრომლის ბეჭდის ნიმუში “ დანართი 4-ის შესაბამისად .

5. დამტკიცდეს „მოძრავი სატრანსპორტო საშუალების გასაჩერებლად სპეციალური დისკის ნიმუში “ დანართი 5-ის შესაბამისად .

6. ძალადაკარგულად გამოცხადდეს :

ა ) საქართველოს გარემოს დაცვისა და ბუნებრივი რესურსების მინისტრის 2005 წლის 7 დეკემბრის №514 ბრძანება „გარემოს დაცვის ინსპექციის თანამშრომლის ლუქის ნიმუშების დამტკიცების შესახებ “;

ბ ) საქართველოს გარემოს დაცვისა და ბუნებრივი რესურსების მინისტრის 2005 წლის 7 დეკემბრის №515 ბრძანება „გარემოს დაცვის ინსპექციის თანამშრომლის ბეჭდის ფორმის დამტკიცების შესახებ “;

გ ) საქართველოს გარემოს დაცვისა და ბუნებრივი რესურსების მინისტრის 2005 წლის 7 დეკემბრის №513 ბრძანება „გარემოს დაცვის ინსპექციის თანამშრომლის სპეციალური ტანსაცმლის (უნიფორმის ) ნიმუშის დამტკიცების შესახებ “.

7. ბრძანება ძალაში შევიდეს გამოქვეყნებიდან მე -15 დღეს .

 გ . ხაჩიძე

 

 

დანართი 1

გარემოს დაცვის ინსპექციის ლოგოს ნიმუში

გარემოს დაცვის ინსპექციის ლოგო – წარმოადგენს გეომეტრიულ ფიგურას (ნიმუში თან ახლავს), რომლის მწვანე ველზე გამოსახულია ფრთაგაშლილი არწივი და „ელვა“, როგორც ძლიერების და სამართლიანობის სიმბოლო. გეომეტრიულ ფიგურაში ამოტვიფრულია წარწერა: „გარემოს დაცვის ინსპექცია“.

 

დანართი 2

 გარემოს დაცვის ინსპექციის თანამშრომლის განმასხვავებელი ნიშნების სპეციალური ტანსაცმლის (უნიფორმის ), სამკერდე ნიშნების , სამსახურებრივი პირადობის მოწმობის ნიმუშები

    მუხლი 1.

გარემოს დაცვის ინსპექციის თანამშრომლის განმასხვავებელი ნიშნების სპეციალური ტანსაცმლის (უნიფორმის ), სამკერდე ნიშნების ნიმუშები

1. მამაკაცის ყოველდღიური საზაფხულო , საგაზაფხულო და საშემოდგომო ფორმა :

ა ) შარვალი – შავი ფერის , გვერდებზე ღია ფერის ზოლით (სურ .1) სპეციალური ქამრით – (სურ .4);

ბ ) პერანგი – მწვანე ფერის , მოკლე სახელოებით (სურ .2);

გ ) პერანგი – მწვანე ფერის , გრძელი სახელოებით (სურ .3);

დ ) პულოვერი – ხაკისფერი (სურ .5 );

ე ) ქუდი – შავი ფერის , წინაფრიანი (სურ .17);

ვ ) წოდების შესაბამისი სამხრეები (მანჟეტები ).

2. მამაკაცის პერანგის წინა (მკერდის ) მარჯვენა მხარეს, ჯიბის თავზე, ამოქარგულია სიტყვები „გარემოს დაცვის ინსპექცია “, პერანგის მარჯვენა მკლავზე გააჩნია დანაკერი , რომელზეც გამოსახულია საქართველოს სახელმწიფო დროშა , პერანგს მარცხენა მკლავზე გააჩნია დანაკერი , რომელზეც   გამოსახულია ინსპექციის ლოგო . პულოვერის წინა (მკერდის ) მარცხენა მხარეს, ჯიბის თავზე, ამოქარგულია სიტყვები „გარემოს დაცვის ინსპექცია “.

 

          

 

 

 

     

 

                          

 

3 . მამაკაცის ყოველდღიური ზამთრის ფორმა :

ა )  შარვალი – შავი ფერის , გვერდებზე ღია ფერის ზოლით (სურ . 6), სპეციალური ქამრით – (სურ .6 );

ბ )  ქურთუკი – შავი ფერის , დათბილული (სურ . 7, 8);

გ )  ქუდი – შავი ფერის , წინაფრიანი (სურ.17);

4 . მამაკაცის ქურთუკის წინა (მკერდის ) მარჯვენა მხარესა და უკანა (ზურგის ) მხარეს ამოქარგულია სიტყვები „გარემოს დაცვის ინსპექცია “, ქურთუკს მარცხენა მკლავზე გააჩნია დანაკერი , რომელზეც   გამოსახულია ინსპექციის ლოგო .              

 

 

5. ქალის ყოველდღიური საზაფხულო, საგაზაფხულო და საშემოდგომო ფორმა:

ა) შარვალი – შავი ფერის, გვერდებზე ღია ფერის ზოლით (სურ. 9) , სპეციალური ქამრით (სურ.4);

ბ) ქვედა ბოლო – შავი ფერის, მუხლის ქვემოთ სიგრძის, გვერდებზე ღია ფერის ზოლით (სურ.10); 

გ) პერანგი – მწვანე ფერის, მოკლე სახელოებით (სურ.11);

დ) პერანგი – მწვანე ფერის, გრძელი სახელოებით (სურ.12);

ე) პულოვერი – ხაკისფერი (სურ.13);

ვ) ქუდი – შავი ფერის, წინაფრიანი (სურ.17);

ზ) წოდების შესაბამისი სამხრეები (მანჟეტები).

6. ქალის პერანგის წინა (მკერდის) მარჯვენა მხარეს , ჯიბის თავზე , ამოქარგულია სიტყვები „გარემოს დაცვის ინსპექცია“, პერანგს მარჯვენა მკლავზე გააჩნია დანაკერი, რომელზეც გამოსახულია საქართველოს სახელმწიფო დროშა, პერანგს მარცხენა მკლავზე გააჩნია დანაკერი, რომელზეც  გამოსახულია ინსპექციის ლოგო. პულოვერის წინა (მკერდის) მარცხენა მხარეს , ჯიბის თავზე , ამოქარგულია სიტყვები „გარემოს დაცვის ინსპექცია“.

 

 

7. ქალის ყოველდღიური ზამთრის ფორმა:

ა)  შარვალი – შავი ფერის, გვერდებზე ღია ფერის ზოლით (სურ.14) სპეციალური ქამრით (სურ.4);

ბ)  ქურთუკი – შავი ფერის, დათბილული (სურ.15,16);

გ) ქუდი – შავი ფერის, წინაფრიანი (სურ.17);

8. ქალის ქურთუკის წინა (მკერდის) მარჯვენა მხარესა და უკანა (ზურგის) მხარეს ამოტვიფრულია სიტყვები „გარემოს დაცვის ინსპექცია“, ქურთუკს მარცხენა მკლავზე გააჩნია დანაკერი, რომელზეც  გამოსახულია ინსპექციის ლოგო.

     

 

9. შავი ფერის წინაფრიანი ქუდი, რომელზეც გამოსახულია ინსპექციის ლოგო (სურათი 17).

მუხლი 2

ყველა უნიფორმისათვის გათვალისწინებულია შავი ფერის ფეხსაცმელი , ზამთარში – მაღალყელიანი შავი ფერის ფეხსაცმელი .

მუხლი 3

 გარემოს დაცვის ინსპექციის სტრუქტურული ქვედანაყოფის ან ტერიტორიული ორგანოს ის თანამშრომლები , რომლებიც ვალდებულნი არიან სამსახურებრივი მოვალეობის შესრულებისას იმყოფებოდნენ ამ დებულებით გათვალისწინებულ სპეციალურ ტანსაცმელში (უნიფორმაში ), განისაზღვრება გარემოს დაცვის ინსპექციის შინაგანაწესით .

    მუხლი 4

 გარემოს დაცვის ინსპექციის თანამშრომლის სპეციალური წოდების აღმნიშვნელ უნიფორმაზე გამოიყენება შესაბამისი სამხრეები (მანჟეტები ):

 

 

    მუხლი 5

 გარემოს დაცვის ინსპექციის თანამშრომლის სამსახურებრივი პირადობის მოწმობა

ა ) პირადობის მოწმობის ნიმუში :

 

 

ბ ) გარემოს დაცვის ინსპექციის თანამშრომლის სამსახურებრივი პირადობის მოწმობის გრაფებში – „ხელმოწერაზე უფლებამოსილი პირის თანამდებობა ” და „ხელმოწერა ” მიეთითება გარემოს დაცვის ინსპექციის უფროსის თანამდებობა და მისი ხელმოწერა, ხოლო გარემოს დაცვის ინსპექციის უფროსისთვის განკუთვნილ სამსახურებრივი პირადობის მოწმობის აღნიშნულ გრაფებში მიეთითება საქართველოს გარემოს დაცვისა და ბუნებრივი რესურსების მინისტრის თანამდებობა და მისი ხელმოწერა. 

 

დანართი №3

 

გარემოს დაცვის ინსპექციის ლუქის ნიმუშები

1. ლუქი №1 იძლევა სწრაფი დალუქვის საშუალებას (ნიმუში თან ერთვის ). ლუქი №1-ის ტექნიკური მახასიათებლებია:

ა) მასალა :  პოლიპროპინელი ან პოლიეთილენი;

ბ)  ზომები : საერთო სიგრძე – 346 მმ ;

გ) სამუშაო სიგრძე – 260 მმ ;

დ) ლენტის დიამეტრი – 2 მმ .

ე) მარკირება : შვიდნიშნა ან ცხრანიშნა ციფრით;

ვ) ფერები : ლურჯი , მწვანე , წითელი და ყვითელი .

 

 

 

 

 

2. დანომრილი თვითწებადი ლუქი №2-ის გახსნის შემთხვევაში მასზე ჩნდება ინდიკატორული წარწერა „OPENED”, რომელიც მეორადი დაწებებისას არ იკარგება . ლუქზე შესაძლებელია დაწებების თარიღის და ხელმოწერის აღნიშვნა ბურთულიანი კალმით (ნიმუში თან ერთვის ). ლუქი №2-ის ტექნიკური მახასიათებლებია:

ა) მასალა: პოლიეთინელი;

ბ) ზომები: 20მმ X 60მმ ან 10მმ X 30მმ.

გ) მარკირება: ექვსნიშნა ციფრით.

 

 

 

 

 

3. ლუქი №3-ს აქვს ჩამკეტი და დაცვის რამდენიმე ხარისხი (ნიმუში თან ერთვის). ლუქი №3-ის ტექნიკური მახასიათებლებია:

ა)  მასალა: გამჭირვალე აკრილი.

ბ)  მარკირება: შვიდნიშნა ციფრით, რომლის ბოლო სამი ციფრი დუბლირდება ჩამკეტ ნაწილზე.

გ) ფერები: ლურჯი, მწვანე, წითელი, ყვითელი, შავი, რუხი.

 

 

 

 

 

 

 

 

    

 

     4. ლუქი №4 წარმოადგენს ჩამკეტ-დასალუქი მოწყობილობის მქონე მინიატურულ- ტროსიანი ლუქის სახეობას. მას აქვს ჩასახრახნი ელემენტი, რომლის მეშვეობითაც ხდება ლუქის ჩაკეტვა, რომლის შემდეგაც ეს ჩასახრახნი ელემენტი ტყდება (ნიმუში თან ერთვის). ლუქი №4-ის ტექნიკური მახასიათებლებია:

ა) მასალა: ლუქის კორპუსი – ალუმინის შენადნობი;

ბ) ტროსი – მოთუთიავებული ფოლადი;

გ) მარკირება: ექვსნიშნა ციფრით;

დ) ფერები: ლურჯი, მწვანე, წითელი, ყვითელი, შავი.

    

 

 

 

 

 

 

 

 

დანართი №4

 

გარემოს დაცვის ინსპექციის თანამშრომლის ბეჭდის ფორმა

 

გარემოს დაცვის ინსპექციის თანამშრომლის ბეჭედი წარმოადგენს 3 სმ დიამეტრის წრეს, რომლის გარშემოც შიდა მხრიდან ამოტვიფრულია სიტყვები „გარემოს დაცვის ინსპექცია”, ხოლო წრის ცენტრში მოთავსებულია „№”, რომლის შემდეგ მოხდება ოთხნიშნა ციფრის ამოტვიფრვა, რაც საშუალებას იძლევა მოხდეს იმ ინსპექციის თანამშრომლის იდენტიფიკაცია, რომელმაც გამოიყენა მისთვის გადაცემული ნომრიანი ბეჭედი.

 

 

 

დანართი № 5

მოძრავი სატრანსპორტო საშუალების გასაჩერებლად სპეციალური დისკის ნიმუში