„წალენჯიხის მუნიციპალიტეტის გამგეობის დებულების დამტკიცების შესახებ“ წალენჯიხის მუნიციპალიტეტის საკრებულოს 2010 წლის 24 სექტემბრის №15 დადგენილებაში ცვლილებების შეტანის თაობაზე.

წალენჯიხის მუნიციპალიტეტის საკრებულოს

დადგენილება №23

2010 წლის 29 ოქტომბერი

ქ. წალენჯიხა

„წალენჯიხის მუნიციპალიტეტის გამგეობის დებულების დამტკიცების შესახებ“ წალენჯიხის მუნიციპალიტეტის საკრებულოს 2010 წლის 24 სექტემბრის №15 დადგენილებაში ცვლილებების შეტანის თაობაზე

    მუხლი 1

„ნორმატიული აქტების შესახებ“ საქართველოს კანონის მე-20 მუხლის შესაბამისად, „წალენჯიხის მუნიციპალიტეტის გამგეობის დებულების დამტკიცების შესახებ“ წალენჯიხის მუნიციპალიტეტის საკრებულოს 2010 წლის 24 სექტემბრის №15 დადგენილებით დამტკიცებულ დებულებაში შეტანილ იქნეს შემდეგი ცვლილებები:

1. დებულების მე-3 მუხლის სათაური განისაზღვროს შემდეგნაირად:

„გამგეობის საქმიანობის სამართლებრივი საფუძველი“.

2. მე-12 მუხლის მე-2 პუნქტი ჩამოყალიბდეს შემდეგი რედაქციით:

„2. გამგეობის სტრუქტურული ერთეულებია:

ა) ადმინისტრაციული სამსახური;

ბ) საფინანსო-საბიუჯეტო სამსახური;

გ) ინფრასტრუქტურის, ურბანიზაციისა და მშენებლობის სამსახური;

დ) ეკონომიკური განვითარების, სტატისტიკისა და ქონების მართვის სამსახური;

ე) ზედამხედველობის სამსახური;

ვ) კულტურის, განათლების, ძეგლთა დაცვის, სპორტისა და ახალგაზრდობის საქმეთა სამსახური;

ზ) სახანძრო დაცვისა და სამაშველო სამსახური;

თ) შრომის, საზ. ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახური;

ი) სამხედრო აღრიცხვის, მობილიზაციისა და გაწვევის სამსახური.“.

3. მე-13 მუხლის 1-ლი პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) ინფრასტრუქტურის, ურბანიზაციისა და მშენებლობის სამსახური – მუნიციპალიტეტის სივრცითი მოწყობისა და ურბანული განვითარების დაგეგმვას. მუნიციპალიტეტის სივრცით-ტერიტორიული დაგეგმვისა და ქალაქთმშენებლობის დოკუმენტების შემუშავებას, მშენებლობის ნებართვების თაობაზე გადაწყვეტილებების მომზადებას.“.

4. მე-13 მუხლის 1-ლი პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ზედამხედველობის სამსახური – კონტროლი გარე იერსახეზე, გარე რეკლამის განთავსებაზე, საზოგადოებრივი ადგილებით სარგებლობის შეზღუდვის წესებზე, გარე ვაჭრობაზე, ავტოტრანსპორტის პარკირებაზე; კონტროლი მშენებარე შენობა -ნაგებობების, წარმოებული სამშენებლო ნაკეთობების, კონსტრუქციების, საპროექტო-ნორმატიულ და სახელმძღვანელო დოკუმენტაციასთან შესაბამისობის უზრუნველყოფაზე.“.

5. მე-13 მუხლის 1-ლი პუნქტის „ვ“ პუნქტი – შემდეგი რედაქციით:

„ვ) კულტურის, განათლების, ძეგლთა დაცვის, სპორტისა და ახალგაზრდობის საქმეთა სამსახურის – მუნიციპალიტეტის განათლების, კულტურის, სპორტის, ძეგლთა დაცვისა და ახალგაზრდობის საქმეთა მუნიციპალური პროგრამების შემუშავებისა და განხორციელების უზრუნველყოფა.“.

 6. დებულების VI თავს ეწოდოს „გარდამავალი და დასკვნითი დებულებანი“ და ჩამოყალიბდეს შემდეგი რედაქციით:

„თავი VI

გარდამავალი და დასკვნითი დებულებანი

    მუხლი 21. გარდამავალი დებულებანი

2011 წლის 1 იანვრამდე გამგეობის სტრუქტურული ერთეულები ფუნქციონირებს შემდეგი  სახით:

ა) ადმინისტრაციული სამსახური;

ბ) საფინანსო-საბიუჯეტო სამსახური;

გ) ეკონომიკის განვითარებისა და ინფრასტრუქტურის სამსახური;

დ) კულტურის, განათლების, ძეგლთა დაცვის, სპორტისა და ახალგაზრდობის საქმეთა სამსახური;

ე) სახანძრო დაცვისა და სამაშველო სამსახური;

ვ) შრომის, საზ. ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახური;

ზ) სამხედრო აღრიცხვის, მობილიზაციისა და გაწვევის სამსახური.“.

    მუხლი 22. გამგეობის რეორგანიზაცია

გამგეობის რეორგანიზაცია და მასთან დაკავშირებული სამართლებრივი საკითხები წესრიგდება საქართველოს კანონმდებლობითა და წალენჯიხის მუნიციპალიტეტის საკრებულოს სამართლებრივი აქტებით .

    მუხლი 23. გამგეობის დებულებაში ცვლილებებისა და დამტებების შეტანა

1. გამგეობის დებულებას საკრებულოს თავმჯდომარის წარდგენით ამტკიცებს  საკრებულო.

2. დებულებაში ცვლილებებისა და დამატებების შეტანა ხორციელდება არსებული კანონმდებლობის შესაბამისად.“.

    მუხლი 2

1. დადგენილება, გარდა 1-ლი მუხლის მე-2, მე-3 და მე-4 პუნქტებისა , ამოქმედდეს კანონით დადგენილი წესით გამოქვეყნებისთანავე.

2. დადგენილების 1-ლი მუხლის მე-2, მე-3 და მე-4 პუნქტები ამოქმედდეს 2011 წლის 1 იანვრიდან.

საკრებულოს თავმჯდომარე       კ. ციმინტია