„საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2006 წლის 20 დეკემბრის №1764 ბრძანებაში ცვლილებების შეტანის შესახებ

საქართველოს ფინანსთა მინისტრის

ბრძანება №840

2010 წლის 11 ნოემბერი

ქ. თბილისი

„საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2006 წლის 20 დეკემბრის №1764 ბრძანებაში ცვლილებების შეტანის შესახებ

„ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

 „საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე” საქართველოს ფინანსთა მინისტრის 2006 წლის 20 დეკემბრის №1764 ბრძანებით (სსმ III, 2006 წ., №172, მუხლი 2330) დამტკიცებულ ინსტრუქციაში შეტანილ იქნეს შემდეგი ცვლილებები:

1. მე-3 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) საქართველოს საბაჟო ტერიტორიაზე სხვა სატრანსპორტო საშუალებით გადაზიდული საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე ან არასაბაჟო ორგანომდე გადაადგილების 45-დღიანი ვადის (საბაჟო საწყობში დროებითი დასაწყობებისას – დასაწყობების ფაქტობრივი ვადის დამატებით, ხოლო „საჯარო სამართლის იურიდიული პირის – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“  საქართველოს მთავრობის 2010 წლის 30 მარტის №96 დადგენილებით გათვალისწინებული საფასურის გადახდისას – არა უმეტეს 20 კალენდარული დღის დამატებით) კონტროლი და აღრიცხვა, აგრეთვე ამ ვადის ფარგლებში არასაბაჟო ორგანოდან საბაჟო დამუშავების ოპერაციის განხორციელების ადგილამდე ამ ქვეპუნქტში აღნიშნული სატრანსპორტო საშუალებების გადაადგილების აღრიცხვა; “;

ბ) „ი“ ქვეპუნქტი ჩამოყალიბდეს შემდეგი რედაქციით:

„ი) ფიზიკური პირის მიერ სატრანსპორტო საშუალებით შემოტანილი და სხვა სატრანსპორტო საშუალებაში გადატვირთული, საქართველოს საგადასახადო კოდექსის 270⁵ მუხლის „ლ“  ქვეპუნქტით განსაზღვრულ დაუბეგრავ რაოდენობასა და ღირებულებაზე მეტი საქონლის კონტროლი და აღრიცხვა. თუ შეუძლებელია საქონლის იდენტიფიკაცია, მაშინ მასზე განხორციელდება შესაბამისი საიდენტიფიკაციო საშუალებების ნიშანდება“.

2. მე-4 მუხლის:

ა) „ა“  და „ბ“  ქვეპუნქტები ჩამოყალიბდეს შემდეგი რედაქციით:

„ა) მგზავრთა საერთაშორისო გადაყვანისათვის გამოყენებულ სატრანსპორტო საშუალებებზე;

ბ) საქონლის გარეშე გადაადგილებულ სარკინიგზო ან ავტოსატრანსპორტო საშუალებებზე;“;

ბ) „ვ“  ქვეპუნქტი ჩამოყალიბდეს შემდეგი რედაქციით:

„ვ) ავტოსატრანსპორტო საშუალებასა და ამ სატრანსპორტო საშუალებით ფიზიკური პირის მიერ გადაადგილებულ საქართველოს საგადასახადო კოდექსის 270⁵ მუხლის „ლ“ ქვეპუნქტით განსაზღვრულ დაუბეგრავ რაოდენობასა და ღირებულებაზე მეტ საქონელზე, რომელთა აღრიცხვა და კონტროლი ხორციელდება საქართველოს შინაგან საქმეთა სამინისტროს მონაცემთა ავტომატიზებულ ბაზაში ინფორმაციის ასახვით, საქართველოს ფინანსთა მინისტრისა და საქართველოს შინაგან საქმეთა მინისტრის 2009 წლის 30 იანვრის №36-№111 ერთობლივი ბრძანებით დამტკიცებული „საქართველოს სახელმწიფო საზღვრის გადაკვეთისას სამგზავრო დოკუმენტებში შესაბამისი აღნიშვნების განხორციელებისა და საქართველოს შინაგან საქმეთა სამინისტროს მონაცემთა ავტომატიზებულ ბაზაში ინფორმაციის ასახვის წესის“ შესაბამისად;“.

3. მე-5 მუხლის მე-6 და მე-7 პუნქტები ჩამოყალიბდეს შემდეგი რედაქციით:

„6. ფიზიკური პირის მიერ მსუბუქი ან სატვირთო ავტოსატრანსპორტო საშუალებით საქართველოს საგადასახადო კოდექსის 270⁵ მუხლის „ლ“ ქვეპუნქტით განსაზღვრულ დაუბეგრავ რაოდენობასა და ღირებულებაზე მეტი საქონლის გადაადგილებისას (გარდა ტრანზიტისა), თუ სატრანსპორტო საშუალების სატვირთო სათავსის დალუქვა ან/და საქონლის სპეციალურ ტომრებში ნიშანდება (დალუქვა) შეუძლებელია, საქონელი გადაიტვირთება სხვა ავტოსატრანსპორტო საშუალებაში და გამოიწერება მოწმობა საქონელსა და სატრანსპორტო საშუალებაზე.

7. ფიზიკური პირის მიერ ავტობუსით გადაადგილებისას (გარდა ტრანზიტისა), საქართველოს საგადასახადო კოდექსის 270⁵ მუხლის „ლ“ ქვეპუნქტით განსაზღვრულ დაუბეგრავ რაოდენობასა და ღირებულებაზე მეტი საქონელი გადაიტვირთება სხვა სატრანსპორტო საშუალებაში და გამოიწერება აღრიცხვის მოწმობა დანართი №7-ის შესაბამისად.“.

4. მე-6 მუხლის:

ა) პირველი პუნქტის „ვ“  ქვეპუნქტი ჩამოყალიბდეს შემდეგი რედაქციით:

„ვ) იმ შემთხვევაში, როცა დანიშნულების საბაჟოში – სასაზღვრო საბაჟო ორგანოში არ არის წარმოდგენილი მოწმობის კონტროლიდან მოხსნის დამადასტურებელი მოწმობის შესაბამისი პირი და მოწმობის კონტროლიდან მოხსნა არ არის დარეგისტრირებული სისტემაში – საბაჟო კონტროლს დაქვემდებარებული საქონლის და სატრანსპორტო საშუალების საქართველოს საბაჟო საზღვრის გადაკვეთის დამადასტურებელი სხვა დოკუმენტების (წერილობითი დასტური საქართველოს შინაგან საქმეთა სამინისტროს სახელმწიფო საქვეუწყებო დაწესებულება – საქართველოს სასაზღვრო პოლიციიდან; ან/და საერთაშორისო შეთანხმების ფარგლებში უცხო ქვეყნის საბაჟო ორგანოდან მიღებული ინფორმაცია ან/და საგამოძიებო და სხვა უფლებამოსილი ორგანოებიდან მიღებული ინფორმაცია) საფუძველზე საჯარო სამართლის იურიდიული პირის – შემოსავლების სამსახურის (შემდგომში – შემოსავლების სამსახური) რეგიონული ცენტრის წერილობითი მომართვისა და საქართველოს შინაგან საქმეთა სამინისტროს მონაცემთა ავტომატიზებულ ბაზაში საქართველოს საბაჟო საზღვარზე გადაადგილებული სატრანსპორტო საშუალებების აღრიცხვის გადამოწმების შემდგომ შემოსავლების სამსახურის ცენტრალური აპარატის შესაბამისი სტრუქტურული ქვედანაყოფის მიერ ხორციელდება მოწმობის კონტროლიდან მოხსნის რეგისტრაცია სისტემაში.“;

ბ) მე-4 პუნქტი ჩამოყალიბდეს შემდეგი რედაქციით:

„4. საქართველოს საწარმოს საწყობში (შენახვის სხვა ადგილზე) დროებითი დასაწყობებისა და საქონლის თავისუფალ მიმოქცევაში გაშვების (იმპორტის) საბაჟო რეჟიმისათვის განკუთვნილი, საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8704, 8705, 8711 (რომლის ძრავას მუშა მოცულობა 50 სმ³-ზე მეტია) და 8716 (მისაბმელები და ნახევრადმისაბმელები) სასაქონლო პოზიციებით გათვალისწინებული, ახალი (საქართველოში შემოტანამდე დაურეგისტრირებელი) ან/და 8703 სასაქონლო პოზიციით გათვალისწინებული მექანიკური სატრანსპორტო საშუალებების გადამზიდ ავტოსატრანსპორტო საშუალებაზე TIR წიგნაკს კონტროლიდან ხსნის სასაზღვრო საბაჟო ორგანო, რომლის გავლითაც ცარიელი ავტოსატრანსპორტო საშუალება ტოვებს საქართველოს საბაჟო ტერიტორიას. კონტროლიდან მოხსნის მიზნით, ავტოსატრანსპორტო საშუალების მძღოლის მიერ, სასაზღვრო საბაჟო ორგანოს წარედგინება სასაქონლო პარტიაში შემავალ ყველა მექანიკურ სატრანსპორტო საშუალებაზე გაფორმებული საბაჟო დეკლარაციების ეგზემპლარები.“.

5. მე-11 მუხლის:

ა) მე-2 პუნქტის „ბ“  და „გ“  ქვეპუნქტები ამოღებულ იქნას;

ბ) მე-4 პუნქტის „დ“  და „ე“  ქვეპუნქტები ჩამოყალიბდეს შემდეგი რედაქციით:

„დ) 45-დღიანი ვადით უკვე შემოტანილი, სხვა სატრანსპორტო საშუალებით გადაზიდული, საქართველოში არარეგისტრირებული ავტოსატრანსპორტო საშუალებების (როცა ამ ქვეპუნქტში აღნიშნულ სატრანსპორტო საშუალებებზე გამოწერილ წინმსწრებ აღრიცხვის მოწმობის მე-4 გრაფაში მითითებული იყო „45“) არასაბაჟო ორგანოდან საბაჟო დამუშავების ოპერაციის განხორციელების ადგილამდე 45-დღიანი ვადის ფარგლებში დარჩენილი ვადით გადაადგილებისას – „19’’;

ე) საქართველოს საბაჟო ტერიტორიაზე სხვა სატრანსპორტო საშუალებით გადაზიდული საქართველოში არარეგისტრირებული ავტოსატრანსპორტო საშუალებების საბაჟო დამუშავების ოპერაციის განხორციელების ადგილამდე მიტანის 45-დღიანი ვადით გადაადგილებისას – „45”;

გ) მე-8 პუნქტის „გ“  და „დ“  ქვეპუნქტები ამოღებულ იქნეს;

დ) მე-17 პუნქტის:

დ.ა) „ა.გ“  ქვეპუნქტი ჩამოყალიბდეს შემდეგი რედაქციით:

„ა.გ) ფიზიკური პირის მიერ ავტოსატრანსპორტო საშუალებით შემოტანილი და სხვა სატრანსპორტო საშუალებაში გადატვირთული, საქართველოს საგადასახადო კოდექსის 270⁵ მუხლის „ლ“  ქვეპუნქტით განსაზღვრულ დაუბეგრავ რაოდენობასა და ღირებულებაზე მეტი საქონლის გადაადგილების შემთხვევაში პირველ განყოფილებაში სიტყვა „სხვადასხვა”, ხოლო მეორე განყოფილებაში მიეთითება შეფუთვის – „ტომრის” შესატყვისი  კოდი;“;

დ.ბ) „ა.დ“  ქვეპუნქტი ამოღებულ იქნეს;

დ.გ) „ე“  ქვეპუნქტი ჩამოყალიბდეს შემდეგი რედაქციით:

„ე) გრაფის ქვედა განყოფილებაში ეთითება საქონლის დასახელება და სხვა მონაცემები, რაც იძლევა საქონლის იდენტიფიცირების საშუალებას.“;

ე) 24-ე პუნქტის:

ე.ა) „ე.დ“  ქვეპუნქტი ჩამოყალიბდეს შემდეგი რედაქციით:

„ე.დ) საქართველოს საბაჟო ტერიტორიაზე ნებისმიერი საბაჟო დამუშავების ოპერაციის ქვეშ მოქცეული ან მისთვის განკუთვნილი, სეს ესნ-ის 8702, 8703, 8704, 8705, 8711 (რომლის ძრავას მუშა მოცულობა 50 სმ³-ზე მეტია) და 8716 (მისაბმელები და ნახევრადმისაბმელები) კოდებით გათვალისწინებული საქონლის სხვა სატრანსპორტო საშუალებით გადაზიდვის  შემთხვევაში მიეთითება „777“, სისტემის მიერ ავტომატურად ეთითება სიტყვა „სატრ. საშუალება”;“;

ე.ბ) „ე.ი“  ქვეპუნქტი ჩამოყალიბდეს შემდეგი რედაქციით:

„ე.ი) სასაზღვრო საბაჟო ორგანოში ფიზიკური პირის მიერ სატვირთო ან მსუბუქი ავტომანქანით ან ავტობუსით შემოტანილი და სხვა სატრანსპორტო საშუალებაში გადატვირთული საბაჟო კანონმდებლობით განსაზღვრულ დაუბეგრავ მინიმუმზე მეტი პირადი ნივთების გადაადგილების შემთხვევაში მიეთითება „40000”, სისტემის მიერ ავტომატურად ეთითება სიტყვა „პირ. სარგ“.“.

6. 14¹ მუხლი ჩამოყალიბდეს შემდეგი რედაქციით:

„მუხლი 14¹.

სსიპ – საქართველოს შინაგან საქმეთა სამინისტროს მომსახურების სააგენტოში (შემდგომში – სააგენტო) საკუთრების უფლების გადაცემაზე გარიგების დოკუმენტის არსებობის დადასტურებისა და/ან საექსპერტო შემოწმების მიზნით წარდგენილი და/ან დროებით დასაწყობებული, რეექსპორტის საბაჟო დამუშავების ოპერაციაში გაცხადებული, საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8703, 8704, 8705, 8711 (რომლის ძრავას მუშა მოცულობა 50 სმ³-ზე მეტია) და 8716 (მისაბმელები და ნახევრადმისაბმელები) სასაქონლო პოზიციებით გათვალისწინებული მექანიკური სატრანსპორტო საშუალებების სასაზღვრო საბაჟო ორგანომდე გადაადგილების საბაჟო კონტროლი და აღრიცხვა ხორციელდება აღრიცხვის მოწმობის ფორმა №2-ით.“.

7. 14² მუხლის პირველი პუნქტი ჩამოყალიბდეს შემდეგი რედაქციით:

„1. საგარეო-ეკონომიკური საქმიანობის ეროვნული სასაქონლო ნომენკლატურის (სეს ესნ) 8701, 8702, 8703, 8704, 8705, 8711 (რომლის ძრავას მუშა მოცულობა 50 სმ³-ზე მეტია) და 8716 (მისაბმელები და ნახევრადმისაბმელები) სასაქონლო პოზიციებით გათვალისწინებული მექანიკური სატრანსპორტო საშუალებების რეექსპორტის საბაჟო დამუშავების ოპერაციის განხორციელების მიზნით, სააგენტოს განყოფილებების სარეგისტრაციო სამსახურების განთავსების ადგილებში შექმნილ საბაჟო კონტროლის ზონებში ხორციელდება აღრიცხვის მოწმობის ფორმა №2-ის გამოწერა.“.

8. 14³ მუხლის მე-3 პუნქტი ჩამოყალიბდეს შემდეგი რედაქციით:

„3. ერთი მოწმობა ივსება ერთ ავტოსატრანსპორტო საშუალებაზე, მიუხედავად იმისა, ეს ავტოსატრანსპორტო საშუალება გადაადგილდება თავისი სვლით, თუ გადაიზიდება სხვა სატრანსპორტო საშუალებით, მათ შორის, სატრანსპორტო საშუალებით ტრანზიტულად გადაადგილებულ ავტოსატრანსპორტო საშუალებებზე დამატებით დატვირთვის შემთხვევაში.“.

9. 14⁵ მუხლის მე-10 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) უჯრა 12.2 – მიეთითება დანიშნულების საბაჟო ორგანოში საქონლის მიტანის საბოლოო თარიღი, რომელიც აითვლება მოწმობის რეგისტრაციის თარიღიდან 20 კალენდარული დღით;“.

მუხლი 2

ეს ბრძანება ამოქმედდეს გამოქვეყნებისთანავე.

                                           კ.  ბაინდურაშვილი