„სახელმწიფო ფიტოსანიტარიულ სასაზღვრო-საკარანტინო და სახელმწიფო ვეტერინარულ სასაზღვრო-საკარანტინო კონტროლის განხორციელების შესახებ წესის დამტკიცების თაობაზე’’ საქართველოს ფინანსთა მინისტრისა და საქართველოს სოფლის მეურნეობის მინისტრის 2008 წლის 31 დეკემბრის №987–№2-184 ერთობლივ ბრძანებაში ცვლილებებისა და დამატების შეტანის თაობაზე

სახელმწიფო სარეგისტრაციო კოდი 340.170.000.22.033.014.941

საქართველოს ფინანსთა მინისტრისა და საქართველოს სოფლის მეურნეობის მინისტრის ერთობლივი

ბრძანება №624–№2-122

2010 წლის 4-5 აგვისტო

ქ. თბილისი

„სახელმწიფო ფიტოსანიტარიულ სასაზღვრო-საკარანტინო და სახელმწიფო ვეტერინარულ სასაზღვრო-საკარანტინო კონტროლის განხორციელების შესახებ წესის დამტკიცების თაობაზე’’ საქართველოს ფინანსთა მინისტრისა და საქართველოს სოფლის მეურნეობის მინისტრის      2008 წლის 31 დეკემბრის №987–№2-184 ერთობლივ ბრძანებაში ცვლილებებისა და დამატების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებთ:

    მუხლი 1.

„სახელმწიფო ფიტოსანიტარიულ სასაზღვრო-საკარანტინო და სახელმწიფო ვეტერინარულ სასაზღვრო-საკარანტინო კონტროლის განხორციელების შესახებ წესის დამტკიცების თაობაზე“ საქართველოს ფინანსთა მინისტრისა და საქართველოს სოფლის მეურნეობის მინისტრის 2008 წლის 31 დეკემბრის №987–№2-184 ერთობლივ ბრძანებაში (სსმ III, 31.12.2008, №187, მუხ. 2026) შეტანილ იქნეს შემდეგი ცვლილებები და დამატება:

1. ბრძანების პირველი პუნქტი ჩამოყალიბდეს შემდეგი რედაქციით:

„1. დამტკიცდეს „სახელმწიფო ფიტოსანიტარიულ სასაზღვრო-საკარანტინო და სახელმწიფო ვეტერინარულ სასაზღვრო-საკარანტინო კონტროლის განხორციელების შესახებ“ წესი თანდართული დანართებით (დანართი: №1, №2, №3, №4, №5, №6, №7, №8, №9, №10, №11, №12, №13).“.

2. ბრძანებით დამტკიცებულ წესში შეტანილ იქნეს შემდეგი ცვლილებები და დამატება:

ა) მე-4 მუხლის მე-2 პუნქტი ჩამოყალიბდეს შემდეგი რედაქციით:

„2. ვეტერინარულ კონტროლს დაქვემდებარებული პროდუქციის იმპორტის/ტრანზიტის ნებართვა არ მოითხოვება დანართი №13-ით განსაზღვრულ, მგზავრის მიერ პირადი ბარგით, ასევე საფოსტო გზავნილით შემოტანილ საქონელზე.“;

ბ) მე-17 მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) დანართი №13-ით განსაზღვრულ, მგზავრის მიერ პირადი ბარგით, ასევე საფოსტო გზავნილით შემოტანილ საქონელზე, გარდა მე-8 მუხლით დადგენილი უსაფრთხოების მიზნით მიღებული გადაწყვეტილებით გათვალისწინებული აუცილებელი შემთხვევებისა;“;

გ) მე-20 მუხლის პირველი პუნქტი ჩამოყალიბდეს შემდეგი რედაქციით:

„1. მგზავრის მიერ პირადი ბარგით, ასევე საფოსტო გზავნილით შემოტანილ ვეტერინარულ კონტროლს დაქვემდებარებულ საქონელზე ვრცელდება ვეტერინარული კონტროლი, გარდა მე-17 მუხლის პირველი პუნქტის „ბ“ ქვეპუნქტით გათვალისწინებული შემთხვევებისა;“;

დ) ამოღებულ იქნეს მე-20 მუხლის მე-2 პუნქტი;

ე) 25-ე მუხლის მე-3 პუნქტი ჩამოყალიბდეს შემდეგი რედაქციით:

„3. ფიტოსანიტარიული სერტიფიკატი და ფიტოსანიტარიულ კონტროლს დაქვემდებარებული მცენარეული წარმოშობის პროდუქციის იმპორტის ნებართვა არ მოითხოვება დანართი №13-ით განსაზღვრულ, მგზავრის მიერ პირადი ბარგით, ასევე საფოსტო გზავნილით შემოტანილ საქონელზე.“;

ვ) 27-ე მუხლის მე-8 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) დანართი №13-ით განსაზღვრულ, მგზავრის მიერ პირადი ბარგით, ასევე საფოსტო გზავნილით შემოტანილ საქონელზე, გარდა 34-ე მუხლით დადგენილი უსაფრთხოების მიზნით მიღებული გადაწყვეტილებით გათვალისწინებული აუცილებელი შემთხვევებისა;“.

3. ბრძანებას დაემატოს დანართი №13 თანდართული რედაქციით.

    მუხლი 2.

ეს ბრძანება ამოქმედდეს გამოქვეყნებისთანავე.           

მინისტრის მოვალეობის

 შემსრულებელი      პ. პეტრიაშვილი

                                    ბ. კვეზერელი

დანართი №13