წყალტუბოს მუნიციპალიტეტის სიმბოლიკის (გერბის და დროშის) დამტკიცების შესახებ

წყალტუბოს მუნიციპალიტეტის საკრებულოს

დადგენილება №77

ქ. წყალტუბო

2010 წლის 29 ოქტომბერი

წყალტუბოს მუნიციპალიტეტის სიმბოლიკის (გერბის და დროშის) დამტკიცების შესახებ

„ადილობრივი თვითმმართველობის შესახებ“ საქართველოს ორგანული კანონის მე-8 მუხლის, 43-ე მუხლის მე-2 პუნქტისა და წყალტუბოს მუნიციპალიტეტის სიმბოლიკის ესკიზის შესარჩევი კონკურსის განმახორციელებელი დროებითი კომისიის 2010 წლის 30 ივნისის №1 ოქმის შესაბამისად, წყალტუბოს მუნიციპალიტეტის საკრებულო ადგენს:

    მუხლი 1

დამტკიცდეს წყალტუბოს მუნიციპალიტეტის სიმბოლიკის (გერბის და დროშის) ესკიზი, კონკურსში წარმოდგენილი კოდით 27...04...71.... (ავტორი – მიხეილ ჟორჟოლიანი. დადგენილებას თან ერთვის გერბისა და დროშის ესკიზი და სიმბოლიკის აღწერილობა ორ ფურცლად).

    მუხლი 2

 დაევალოს წყალტუბოს მუნიციპალიტეტის გამგეობას (ო. ჩიტაიშვილი), წარმოადგინოს წინადადებები წყალტუბოს მუნიციპალიტეტის გერბისა და დროშის დამზადებასთან დაკავშირებით, დამტკიცებული ესკიზის შესაბამისად.

    მუხლი 3

 კონტროლი დადგენილების შესრულებაზე დაევალოს წყალტუბოს მუნიციპალიტეტის საკრებულოს თავმჯდომარის მოადგილეს ზაზა მეტრეველს.

    მუხლი 4

დადგენილება შეიძლება გასაჩივრდეს ქუთაისის საქალაქო სასამართლოში (ქ. ქუთაისი, კუპრაძის ქ. №11), საქართველოს კანონმდებლობით დადგენილი წესით.

    მუხლი 5

 დადგენილება ძალაში შევიდეს გამოქვეყნებისთანავე, საქართველოს კანონმდებლობით დადგენილი წესით.

საკრებულოს თავმჯდომარე               მ. საღარეიშვილი

დანართი №1

დანართი №2

წყალტუბოს მუნიციპალური გერბი

წყალტუბოს მუნიციპალური გერბი წარმოადგენს: გერბის ფარი გაკვეთილია და გადაკვეთილი, იყოფა ოთხ ნაწილად. I ნაწილი – მწვანე ველზე ორკოშკიანი ქონგურებიანი ოქროს ციხე-სიმაგრე, რომლის თავზე ცენტრში აღმართულია ოქროსტარიანი ვერცხლის ბანერი (ბანერის ტარი მარჯვენა კოშკზეა დამაგრებული). ბანერზე გამოსახულია მეფე თამარის მეწამული ხელრთვა. II და III ნაწილი – ლურჯ ველზე ვერცხლის შადრევანი ოქროს სამი წყაროთი. IV ნაწილი – მწვანე ველზე ოქროს „დინოზავრი“.

გერბის ფარს ზემოთ მოთავსებულია საქალაქო ვერცხლის გვირგვინი – სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია ჭიშკრით.

ფარს ქვემოთ ვერცხლ-მწვანე ბაფთაზე მოთავსებულია გერბის დევიზი. ბაფთის ვერცხლის ველზე შავად ჩაწერილია დევიზი „წყალტუბო“.

წყალტუბოს მუნიციპალური დროშა

დროშა იყოფა ოთხ ნაწილად I ნაწილი – მწვანე ველზე ცენტრში გამოსახულია ვერცხლის ე.წ. „ფრანგული“ ფარი. ფარზე – მეფე თამარის მეწამული ხელრთვა. II და III ნაწილი წარმოადგენს ლურჯ ველს. IV ნაწილი – მწვანე ველს.

დროშის პროპორციაა 2/3.