საქართველოს პრეზიდენტის 1999 წლის 28 თებერვლის №85 ბრძანებულებით დამტკიცებულ „იმ თანამდებობის პირთა თანამდებობრივ რეესტრში, რომელთათვისაც სავალდებულოა ქონებრივი მდგომარეობისა და საფინანსო დეკლარაციების შევსება და თანამდებობის პირთა ქონებრივი და საფინანსო მდგომარეობის საინფორმაციო ბიუროში წარდგენა“ ცვლილებების შეტანის შესახებ

საქართველოს პრეზიდენტის

ბრძანებულება №92

1999 წლის 11 მარტი

ქ. თბილისი

საქართველოს პრეზიდენტის 1999 წლის 28 თებერვლის №85 ბრძანებულებით დამტკიცებულ „იმ თანამდებობის პირთა თანამდებობრივ რეესტრში, რომელთათვისაც სავალდებულოა ქონებრივი მდგომარეობისა და საფინანსო დეკლარაციების შევსება და თანამდებობის პირთა ქონებრივი და საფინანსო მდგომარეობის საინფორმაციო ბიუროში წარდგენა“ ცვლილებების შეტანის შესახებ

1. საქართველოს პრეზიდენტის 1999 წლის 28 თებერვლის №85 ბრძანებულებით დამტკიცებულ „იმ თანამდებობის პირთა თანამდებობრივ რეესტრში, რომელთათვისაც სავალდებულოა ქონებრივი მდგომარეობისა და საფინანსო დეკლარაციების შევსება და თანამდებობის პირთა ქონებრივი და საფინანსო მდგომარეობის საინფორმაციო ბიუროში წარდგენა“ შეტანილ იქნეს შემდეგი ცვლილებები:

ა) II თავის მე-3 მუხლის მე-13 პუნქტს დაემატოს შემდეგი შინაარსის „თ“ ქვეპუნქტი: „თ) რაიონული (საქალაქო) განყოფილების უფროსი.“;

ბ) II თავის მე-3 მუხლის მე-20 პუნქტის „ი“ და „კ“ ქვეპუნქტები ჩამოყალიბდეს შემდეგი რედაქციით:

„ი) საქართველოს შინაგან საქმეთა სამინისტროს სრულუფლებიანი წარმომადგენელი დამოუკიდებელ სახელმწიფოთა თანამეგობრობის წევრი ქვეყნების ტერიტორიაზე ჩადენილ ორგანიზებულ და სხვა სახის დანაშაულთან ბრძოლის საკოორდინაციო ბიუროში;

კ) ეროვნული ცენტრალური ბიუროს (ეროვნული ბიუროს) უფროსი, უფროსის პირველი მოადგილე, უფროსის მოადგილე;“

გ) II თავის მე-3 მუხლის მე-20 პუნქტს დაემატოს შემდეგი შინაარსის „ჟ“ ქვეპუნქტი:

 „ჟ) რაიონის, ქალაქის (ქალაქის რაიონის) სამმართველოს (განყოფილების) უფროსი.“.

2. ბრძანებულება ამოქმედდეს გამოქვეყნებისთანავე.

ე. შევარდნაძე