„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილების შეტანის თაობაზე“

საქართველოს პრეზიდენტის

ბრძანებულება №329

2010 წლის 21 მაისი

 ქ. თბილისი

„საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის მე-20 მუხლის შესაბამისად, „საჯარო სამსახურის თანამდებობათა რეესტრის შესახებ“ საქართველოს პრეზიდენტის 2001 წლის 21 ივლისის №286 ბრძანებულების (სსმ III, 2001 წ., №78, მუხ. 555) პირველი პუნქტით დამტკიცებულ საჯარო სამსახურის თანამდებობათა რეესტრში შეტანილ იქნეს ცვლილება და XX თავი ჩამოყალიბდეს შემდეგი რედაქციით:

„თავი XX. საქართველოს ეროვნული ბანკის თანამდებობები

    მუხლი 68. მთავარი საჯარო თანამდებობა

ა) ეროვნული ბანკის პრეზიდენტი;

ბ) ეროვნული ბანკის ვიცე-პრეზიდენტი;

გ) ეროვნული ბანკის აღმასრულებელი დირექტორი.

    მუხლი 69. წამყვანი საჯარო თანამდებობა

ა) ეროვნული ბანკის პრეზიდენტის აპარატის უფროსი;

ბ) ეროვნული ბანკის სამსახურის უფროსი;

გ) ეროვნული ბანკის დეპარტამენტის უფროსი;

დ) ეროვნული ბანკის სამსახურის უფროსის მოადგილე;

ე) ეროვნული ბანკის დეპარტამენტის უფროსის მოადგილე.

    მუხლი 70. უფროსი საჯარო თანამდებობა

ა) ეროვნული ბანკის განყოფილების უფროსი;

ბ) ეროვნული ბანკის ინფორმაციული უსაფრთხოების მთავარი ოფიცერი;

გ) ეროვნული ბანკის პრეზიდენტის მრჩეველი – უსაფრთხოების ოფიცერი.

    მუხლი 71. უმცროსი საჯარო თანამდებობა

ა) ეროვნული ბანკის მთავარი სპეციალისტი;

ბ) ეროვნული ბანკის მთავარი შიდა აუდიტორი;

გ) ეროვნული ბანკის წამყვანი სპეციალისტი;

დ) ეროვნული ბანკის წამყვანი შიდა აუდიტორი;

ე) ეროვნული ბანკის უფროსი სპეციალისტი;

ვ) ეროვნული ბანკის უფროსი შიდა აუდიტორი;

ზ) ეროვნული ბანკის სპეციალისტი;

თ) ეროვნული ბანკის შიდა აუდიტორი.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი