,,საჯარო სამართლის იურიდიული პირის – საქართველოს სტატისტიკის ეროვნული სამსახურის დებულების დამტკიცების შესახებ“ საქართველოს პრეზიდენტის 2010 წლის 1 თებერვლის №72 ბრძანებულებაში ცვლილებებისა და დამატებების შეტანის თაობაზე“

საქართველოს პრეზიდენტის

ბრძანებულება №252

2010 წლის 23 აპრილი

ქ. თბილისი

,,საჯარო სამართლის იურიდიული პირის - საქართველოს სტატისტიკის ეროვნული სამსახურის დებულების დამტკიცების შესახებ” საქართველოს პრეზიდენტის 2010 წლის 1 თებერვლის № 72 ბრძანებულებაში ცვლილებებისა და დამატებების შეტანის თაობაზე

1. ,,ნორმატიული აქტების შესახებ” საქართველოს კანონის მე-20 მუხლის შესაბამისად, ,,საჯარო სამართლის იურიდიული პირის -საქართველოს სტატისტიკის ეროვნული სამსახურის დებულების დამტკიცების შესახებ” საქართველოს პრეზიდენტის 2010 წლის 1 თებერვლის № 72 ბრძანებულებით (სსმ III, 2010 წ., № 12 მუხ. 131) დამტკიცებულ დებულებაში შეტანილ იქნეს შემდეგი ცვლილებები და დამატებები:

ა) მე-7 მუხლის მე-2 პუნქტის ,,ი” ქვეპუნქტი ჩამოყალიბდეს შემდეგი რედაქციით:

,,ი) სამართლებრივი უზრუნველყოფის სამმართველო.”;

ბ) მე-7 მუხლის მე-2 პუნქტს დაემატოს შემდეგი რედაქციის ,,ლ” ქვეპუნქტი:

,,ლ) მონიტორინგის განყოფილება.”;

გ) მე-9 მუხლის მე-9 პუნქტის პირველი აბზაცი ჩამოყალიბდეს შემდეგი რედაქციით:

,,9. სამართლებრივი უზრუნველყოფის სამმართველოს ძირითადი ფუნქციებია:”;

დ) მე-9 მუხლის მე-9 პუნქტიდან ამოღებულ იქნეს ,,დ”, ,,ე” და ,,ვ” ქვეპუნქტები;

ე) მე-9 მუხლს დაემატოს შემდეგი რედაქციის მე-11 პუნქტი:

,,11. მონიტორინგის განყოფილების ძირითადი ფუნქციებია:

ა) საქსტატის საქმიანობის ფარგლებში საქსტატის თანამშრომელთა მიერ შესრულებული სამუშაოს კონტროლი და შესაბამისი დასკვნების მომზადება;

ბ) აღმასრულებელი დირექტორის ბრძანების საფუძველზე საქსტატის აპარატის სტრუქტურული ერთეულებისა და ტერიტორიული ორგანოების საქმიანობის შემოწმება;

გ) საქსტატის სახსრების მიზნობრივი ხარჯვის კონტროლი;

დ) კანონმდებლობით გათვალისწინებული სხვა უფლებამოსილებების განხორციელება.’’.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი