,,იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულებაში ცვლილების და დამატების შეტანის თაობაზე“

საქართველოს პრეზიდენტის

ბრძანებულება №200

2010 წლის 31 მარტი

ქ. თბილისი

„ იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის      27 ოქტომბრის №538 ბრძანებულებაში ცვლილების და დამატების შეტანის თაობაზე

1. „ ნორმატიული აქტების შესახებ“ საქართველოს კანონის მე-20 მუხლის შესაბამისად, ,,იმ თანამდებობის პირთა თანამდებობრივი ნუსხის დამტკიცების შესახებ, რომელთაც უფლება აქვთ ატარონ სამსახურებრივ-საშტატო იარაღი“ საქართველოს პრეზიდენტის 2003 წლის 27 ოქტომბრის №538 ბრძანებულების (სსმ III, 2003 წ., №126, მუხ.1050) პირველი პუნქტით დამტკიცებულ თანამდებობრივ ნუსხაში შეტანილ იქნეს შემდეგი ცვლილება და დამატება:

ა) მე-5 მუხლს დაემატოს შემდეგი შინაარსის 2¹ პუნქტი:

„ 2¹. შიდა აუდიტის დეპარტამენტის უფროსი და მისი მოადგილე.“;

ბ) მე-5 მუხლის მე-4 პუნქტი ჩამოყალიბდეს შემდეგი რედაქციით:

„ 4. საჯარო სამართლის იურიდიული პირის – შემოსავლების სამსახურის:

ა) უფროსი;

ბ) უფროსის პირველი მოადგილე და მოადგილეები;

გ) საბაჟო კონტროლის დეპარტამენტის უფროსი და მისი მოადგილე;

დ) შიდა კონტროლის დეპარტამენტის უფროსი და მისი მოადგილე;

ე) ტერიტორიული ორგანოს უფროსი და მისი მოადგილე;

ვ) საბაჟო გამშვები პუნქტის უფროსი;

ზ) საბაჟო საგუშაგოს უფროსი.“.

2. ეს ბრძანებულება, გარდა პირველი პუნქტის „ ა“ ქვეპუნქტისა, ამოქმედდეს 2010 წლის 1 აპრილიდან.

3. ამ ბრძანებულების პირველი პუნქტის „ ა“ ქვეპუნქტი ამოქმედდეს ,,სახელმწიფო შიდა აუდიტისა და ინსპექტირების შესახებ“ საქართველოს კანონის ამოქმედებიდან 35-ე დღეს.

მ. სააკაშვილი