„საავადმყოფოთა შერწყმის პროცესში დათხოვნილი სამედიცინო პერსონალის საკომპენსაციო პაკეტების დაფინანსების წყაროსა და საკომპენსაციო თანხების გაანგარიშების მეთოდიკის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის და საქართველოს ფინანსთა მინისტრის 2001 წლის 16-23 ოქტომბრის №376/ნ-246 ერთობლივ ბრძანებაში დამატების შეტანის შესახებ

სახელმწიფო სარეგისტრაციო კოდი 470.230.000.11.119.005.679

საქართველოს ფინანსთა მინისტრისა და საქართველოს შრომის, ჯანმრთელობისა და სოციალური დაცვის მინისტრის

ერთობლივი ბრძანება N53-22/ნ

2003 წლის 12-10 თებერვალი

ქ. თბილისი

„საავადმყოფოთა შერწყმის პროცესში დათხოვნილი სამედიცინო პერსონალის საკომპენსაციო პაკეტების დაფინანსების წყაროსა და საკომპენსაციო თანხების გაანგარიშების მეთოდიკის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის და საქართველოს ფინანსთა მინისტრის 2001 წლის 16-23 ოქტომბრის №376/ნ-246 ერთობლივ ბრძანებაში (საქართველოს საკანონმდებლო მაცნე №115, 29.10.01) დამატების შეტანის შესახებ

საქართველოსა და მსოფლიო ბანკის საერთაშორისო განვითარების ასოციაციას შორის საკრედიტო ხელშეკრულებით "სტრუქტურული რეფორმების ხელშეწყობის პროექტი (SRS)” ნაკისრი ვალდებულებების შესაბამისად, საავადმყოფოთა შერწყმის პროცესში დათხოვნილი სამედიცინო პერსონალისათვის სოციალური უზრუნველყოფის გაუმჯობესების მიზნით, ვბრძანებთ:

1. „საავადმყოფოთა შერწყმის პროცესში დათხოვნილი სამედიცინო პერსონალის საკომპენსაციო პაკეტების დაფინანსების წყაროსა და საკომპენსაციო თანხების გაანგარიშების მეთოდიკის დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის და საქართველოს ფინანსთა მინისტრის 2001 წლის 16-23 ოქტომბრის N376/ნ-246 ერთობლივ ბრძანებაში შეტანილ იქნეს შემდეგი დამატება:

ბრძანების პირველი პუნქტით დამტკიცებულ დანართს (“საავადმყოფოთა შერწყმის პროცესში დათხოვნილი სამედიცინო პერსონალის საკომპენსაციო პაკეტის გაანგარიშების მეთოდიკაში”) დაემატოს შემდეგი შინაარსის მე –6 პუნქტი:

„6. თუ მეორე პუნქტის მიხედვით გაანგარიშებული ერთჯერადი განაცემის (კომპენსაციის) თანხა ნაკლებია: ექიმთა კატეგორიისათვის მინიმალური ხელფასის 24-მაგ ოდენობაზე, საშუალო სამედიცინო პერსონალის კატეგორიისათვის მინიმალური ხელფასის 18-მაგ ოდენობაზე, უმცროსი სამედიცინო პერსონალის კატეგორიისათვის მინიმალური ხელფასის 12-მაგ ოდენობაზე, მაშინ ერთჯერადი განაცემის (კომპენსაციის) მოცულობა განისაზღვრება:

ა) ექიმთა კატეგორიისათვის – მინიმალური ხელფასის 24-მაგი ოდენობით;

ბ) საშუალო სამედიცინო პერსონალის კატეგორიისათვის – მინიმალური ხელფასის 18-მაგი ოდენობით;

გ) უმცროსი სამედიცინო პერსონალის კატეგორიისათვის – მინიმალური ხელფასის 12-მაგი ოდენობით.”

2. ბრძანება ძალაშია გამოქვეყნებისთანავე.

მ. გოგიაშვილი

ა. გამყრელიძე