ხონის მუნიციპალიტეტის გამგეობის "საფინანსო სამსახურის დებულების დამტკიცების შესახებ" ხონის მუნიციპალიტეტის საკრებულოს 2010 წლის 14 სექტემბრის №17 დადგენილებაში ცვლილების შეტანის შესახებ

ხონის მუნიციპალიტეტის საკრებულოს

დადგენილება №39

2010 წლის 28 ოქტომბერი

ქ. ხონი

ხონის მუნიციპალიტეტის გამგეობის „საფინანსო სამსახურის დებულების დამტკიცების შესახებ“ ხონის მუნიციპალიტეტის საკრებულოს 2010 წლის 14 სექტემბრის №17 დადგენილებაში ცვლილების შეტანის შესახებ

სახელმწიფო რწმუნებული – გუბერნატორის 2010 წლის 8 ოქტომბრის №01–40/903 წერილში მოცემული სამართლებრივი შენიშვნის გათვალისწინებით და საქართველოს ზოგადი ადმინისტრაციული კოდექსის 63-ე მუხლის საფუძველზე, ხონის მუნიციპალიტეტის საკრებულო ადგენს:

    მუხლი 1

ხონის მუნიციპალიტეტის გამგეობის „საფინანსო სამსახურის დებულების დამტკიცების შესახებ“ ხონის მუნიციპალიტეტის საკრებულოს 2010 წლის 14 სექტემბრის №17 დადგენილებაში შეტანილ იქნეს შემდეგი ცვლილებები.

1. დადგენილების მე-2 მუხლის პირველი პუნქტის „რ“ ქვეპუნქტი ჩამოყალიბდეს შემდეგი რედაქციით.

 „რ) მუნიციპალიტეტის საკრებულოსა და გამგეობის სტრუქტურული ერთეულების და ტერიტორიული ორგანოების საბუღალტრო აღრიცხვა-ანგარიშების კონტროლი და ადგილობრივი ბიუჯეტით მათზე გამოყენებული სახსრებით (ათვისების) უზრუნველყოფა.“.

 2. დადგენილების მე-2 პუნქტის „ა“ ქვეპუნქტი ჩამოყალიბდეს შემდეგი რედაქციით.

 „ა) მოითხოვოს და შეუფერხებლად მიიღოს თვითმმართველი ერთეულის ბიუჯეტის შედგენა-შესრულების პროცესთან დაკავშირებული მონაცემები. საჭიროების შემთხვევაში ცალკეულ საკითხთა განხილვის დაზუსტებისა და დამუშავების მიზნით, მოიწვიოს გამგეობის სტრუქტურული ერთეულების და ტერიტორიული ორგანოების დაწესებულებისა და საწარმოების წარმომადგენლები, სპეციალისტები და მოითხოვოს საჭირო ინფორმაცია.“.

3. დადგენილების მე-4 მუხლი ამოღებულ იქნეს.

    მუხლი 2

ეს დადგენილება ამოქმედდეს კანონით დადგენილი წესით გამოქვეყნებისთანავე.

საკრებულოს თავმჯდომარე   გ. გელენიძე