,,2005/06 სასწავლო წელს უმაღლეს საგანმანათლებლო დაწესებულებებში ჩარიცხულ სტუდენტთა სოციალური პროგრამის ფარგლებში დაფინანსების ოდენობისა და პირობების განსაზღვრის შესახებ” საქართველოს მთავრობის 2005 წლის 25 აგვისტოს №147 დადგენილებაში ცვლილებების შეტანის თაობაზე”

საქართველოს მთავრობის

 დადგენილება №202

2005 წლის 12 ნოემბერი

 ქ. თბილისი

,,2005/06 სასწავლო წელს უმაღლეს საგანმანათლებლო დაწესებულებებში ჩარიცხულ სტუდენტთა სოციალური პროგრამის ფარგლებში დაფინანსების ოდენობისა და პირობების განსაზღვრის შესახებ“ საქართველოს მთავრობის 2005 წლის 25 აგვისტოს №147 დადგენილებაში ცვლილებების შეტანის თაობაზე

1. ,,ნორმატიული აქტების შესახებ“ საქართველოს კანონის 36-ე მუხლისა და საქართველოს ზოგადი ადმინისტრაციული კოდექსის 63-ე მუხლის შესაბამისად, ,,უმაღლესი განათლების შესახებ“ საქართველოს კანონის მე-6 მუხლის პირველი პუნქტის ,,გ” ქვეპუნქტის, 52-ე მუხლის მე-8 პუნქტისა და ,,საქართველოს 2005 წლის სახელმწიფო ბიუჯეტის შესახებ” საქართველოს კანონის 46-ე მუხლის საფუძველზე ,,2005/06 სასწავლო წელს უმაღლეს საგანმანათლებლო დაწესებულებებში ჩარიცხულ სტუდენტთა სოციალური პროგრამის ფარგლებში დაფინანსების ოდენობისა და პირობების განსაზღვრის შესახებ“ საქართველოს მთავრობის 2005 წლის 25 აგვისტოს №147 დადგენილების (სსმ III, №100, მუხლი 1123) მე-2 მუხლში შეტანილ იქნეს შემდეგი ცვლილებები:

ა) მე-2 პუნქტი ჩამოყალიბდეს ახალი რედაქციით:

,,2. 78 სახელმწიფო სასწავლო გრანტი – პირებს, რომლებიც ბოლო სამი წლის განმავლობაში სწავლობდნენ და სრული ზოგადი (საშუალო) განათლების დამადასტურებელი დოკუმენტი მიიღეს კონფლიქტის ზონებში, მათ შორის:

ა) აფხაზეთის ავტონომიურ რესპუბლიკაში – 46 სახელმწიფო სასწავლო გრანტი;

ბ) ცხინვალის რეგიონში, ჯავის რაიონში – 32 სახელმწიფო სასწავლო გრანტი.“;

ბ) მე-5 პუნქტი ჩამოყალიბდეს შემდეგი რედაქციით:

,,5. 35 სახელმწიფო სასწავლო გრანტი–საქართველოს ტერიტორიული მთლიანობისათვის ბრძოლებში დაღუპულთა და უგზო-უკვლოდ დაკარგულთა შვილებს.“;

გ) მე-6 პუნქტი ჩამოყალიბდეს შემდეგი რედაქციით:

,,6. 7 სახელმწიფო სასწავლო გრანტი – კომუნისტური რეჟიმის დროს საქართველოდან დეპორტირებული სამცხე-ჯავახეთის მოსახლეობის შთამომავლებს.“.

2. დადგენილება ამოქმედდეს გამოქვეყნებისთანავე.

პრემიერ-მინისტრი      ზ. ნოღაიდელი