„საქართველოს მეგზევის დღის დაწესების შესახებ“ საქართველოს პრეზიდენტის 2001 წლის 6 თებერვლის №40 ბრძანებულებაში ცვლილებისა და დამატებების შეტანის თაობაზე“

საქართველოს პრეზიდენტის

ბრძანებულება №906

2009 წლის 7 დეკემბერი

ქ. თბილისი

„საქართველოს მეგზევის დღის დაწესების შესახებ“ საქართველოს პრეზიდენტის 2001 წლის 6 თებერვლის №40 ბრძანებულებაში ცვლილებისა და დამატებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საქართველოს მეგზევის დღის დაწესების შესახებ“ საქართველოს პრეზიდენტის 2001 წლის 6 თებერვლის №40 ბრძანებულების (სსმ III, 2001 წ., №12, მუხ. 106) ტექსტი ჩაითვალოს პირველ პუნქტად და ბრძანებულებას დაემატოს შემდეგი შინაარსის მე-2, მე-3 და მე-4 პუნქტები:

„2. საქართველოს მეგზევის დღის აღნიშვნასთან დაკავშირებით, საქართველოს საავტომობილო გზების მშენებლობის დარგში მიღწეული წარმატებისათვის, ამ დარგში დასაქმებული ფიზიკური ან/და იურიდიული პირებისათვის დაწესდეს შემდეგი სახის წოდებები: „წლის საუკეთესო მეგზევე“, „დამსახურებული მეგზევე“, „წლის საუკეთესო საგზაო პროექტის ავტორი“, „წლის საუკეთესო საგზაო-სამშენებლო კომპანია“.

3. ამ ბრძანებულების მე-2 პუნქტით გათვალისწინებულ წოდებებს საავტომობილო გზების მშენებლობის დარგში მიღწეული წარმატებისათვის ფიზიკურ ან/და იურიდიულ პირებს ყოველწლიურად ანიჭებს საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულების – საქართველოს საავტომობილო გზების დეპარტამენტის თავმჯდომარე.

4. საქართველოს რეგიონული განვითარებისა და ინფრასტრუქტურის სამინისტროს სახელმწიფო საქვეუწყებო დაწესებულებამ – საქართველოს საავტომობილო გზების დეპარტამენტმა წლიური საბიუჯეტო კანონით გათვალისწინებული ასიგნებების ფარგლებში უზრუნველყოს სპეციალური სიგელებისა და სამახსოვრო მინიქანდაკებების ნიმუშების ინდივიდუალური ადმინისტრაციულ-სამართლებრივი აქტით დამტკიცება, მათი დამზადება და სხვა ფასიან საჩუქრებთან ერთად ბრძანებულების მე-3 პუნქტის შესაბამისად გამოვლენილი ფიზიკური ან/და იურიდიული პირებისათვის გადაცემა.“.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი