„სტაჟიორთა კონკურსის ჩატარების წესისა და პირობების შესახებ დებულებისა და სტაჟირების გავლის წესის დამტკიცების თაობაზე“ საქართველოს იუსტიციის მინისტრის 2010 წლის 9 სექტემბრის №166 ბრძანებაში ცვლილებების შეტანის შესახებ“

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სტაჟიორთა კონკურსის ჩატარების წესისა და პირობების შესახებ დებულებისა და სტაჟირების გავლის წესის დამტკიცების თაობაზე“ საქართველოს იუსტიციის მინისტრის 2010 წლის 9 სექტემბრის №166 ბრძანებაში ცვლილებების შეტანის შესახებ“
დოკუმენტის ნომერი	189
დოკუმენტის მიმღები	საქართველოს იუსტიციის მინისტრი
მიღების თარიღი	18/10/2010
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	სსმ, 134, 19/10/2010
ძალის დაკარგვის თარიღი	23/10/2019
სარეგისტრაციო კოდი	010320010.22.027.016015

Word

დროებით, ფაილს შესაძლოა გააჩნდეს ვიზუალური ხარვეზი, სრული ვერსიის სანახავად დააჭირეთ ფაილის გადმოწერას

საქართველოს იუსტიციის მინისტრის

ბრძანება №189

2010 წლის 18 ოქტომბერი

ქ. თბილისი

„სტაჟიორთა კონკურსის ჩატარების წესისა და პირობების შესახებ დებულებისა და სტაჟირების გავლის წესის დამტკიცების თაობაზე“ საქართველოს იუსტიციის მინისტრის 2010 წლის 9 სექტემბრის №166 ბრძანებაში ცვლილებების შეტანის შესახებ

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

მუხლი 1

„სტაჟიორთა კონკურსის ჩატარების წესისა და პირობების შესახებ დებულებისა და სტაჟირების გავლის წესის დამტკიცების თაობაზე“ საქართველოს იუსტიციის მინისტრის 2010 წლის 9 სექტემბრის №166 ბრძანებით (სსმ III, 09.09.2010, №114, მუხ. 1712) დამტკიცებულ დებულებაში შეტანილ იქნეს შემდეგი ცვლილებები:

1. მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. სტაჟირების გასავლელად პალატისათვის გადასახდელი საფასურის ოდენობაა 600 ლარი. აღნიშნულ თანხას სტაჟიორი იხდის ცენტრში სწავლების დაწყებამდე არა უგვიანეს ორი დღით ადრე. სტაჟიორის შუამდგომლობის საფუძველზე, საქართველოს ნოტარიუსთა პალატის გამგეობა უფლებამოსილია განაწილვადოს პალატისათვის გადასახდელი საფასურის ოდენობა.“.

2. მე-5 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. კონკურსს აცხადებს პალატის გამგეობა კონკურსის ჩატარებამდე არანაკლებ ერთი თვით ადრე. კონკურსის პირველ და მე-2 ეტაპებს შორის უნდა განისაზღვროს გონივრული ვადა.

2. პალატა ვალდებულია კონკურსის შესახებ ინფორმაცია გამოაქვეყნოს პრესაში ან/და სხვა მასობრივი საშუალებების მეშვეობით, პალატის ოფიციალურ ვებგვერდზე და/ან საამისოდ განკუთვნილ ვებგვერდებზე.“.

3. მე-6 მუხლის მე-4 პუნქტი ჩამოყალიბდეს შემდეგი რედაქციით:

„4. კონკურსში მონაწილეობის მისაღებად სტაჟირების გავლის მსურველმა პირმა სამდივნოში და/ან ელექტრონული ფორმით უნდა წარადგინოს შემდეგი საბუთები:

ა) უმაღლესი იურიდიული განათლების დამადასტურებელი დოკუმენტის ასლი;

ბ) აპლიკაცია თანდართული ფორმის შესაბამისად (დანართი №1ა);

გ) პირადობის დამადასტურებელი დოკუმენტის ასლი;

დ) ორი ფოტოსურათი (ზომით 3X4).“.

4. დებულების დანართი №1ა ჩამოყალიბდეს თანდართული რედაქციით.

მუხლი 2

ეს ბრძანება ამოქმედდეს გამოქვეყნებისთანავე.

ზ. ადეიშვილი

დანართი №1ა

ფოტოსურათი

ა პ ლ ი კ ა ც ი ი ს ფ ო რ მ ა

პირადი ინფორმაცია

გვარი, სახელი, მამის სახელი:
გაქვთ თუ არა შეცვლილი გვარი, სახელი, მამის სახელი (დადებითი პასუხის შემთხვევაში დააზუსტეთ როდის და რა მიზეზით)
მოქალაქეობა:
დაბადების რიცხვი, თვე, წელიწადი და ადგილი:
ოჯახური მდგომარეობა:
იურიდიული მისამართი რეგისტრაციის მიხედვით:
ფაქტობრივი საცხოვრებელი მისამართი:
სახლის ტელეფონი/მობილურის ნომერი:
□ პირადობის მოწმობის / □ პასპორტის №:
პირადი №, გაცემულია/გაცემის თარიღი:
ავტომანქანის მართვის მოწმობის №/ კატეგორია
სამხედრო ბილეთის № და სამხედრო წოდება
ელფოსტა

განათლება

№	სასწავლებლის დასახელება	სწავლების წლები	ფაკულტეტი	კვალიფიკაცია და დიპლომის №

კლასიფიკაციის ასამაღლებელი კურსები (ტრენინგები)

№	ტრენინგის დასახელება	ტრენინგის ჩატარების ადგილი, პერიოდი	ორგანიზაციის დასახელება (ვის მიერ იყო ორგანიზებული)	რა სახის ცოდნა და გამოცდილება მიიღეთ

უცხო ენა (მიუთითეთ, რომელ უცხო ენას ფლობთ და რა დონეზე)

უცხო ენა	უცხო ენის ცოდნა
□	□ ძალიან კარგად	□ კარგად	□ საშუალოდ	□ ცუდად
□	□ ძალიან კარგად	□ კარგად	□ საშუალოდ	□ ცუდად
□	□ ძალიან კარგად	□ კარგად	□ საშუალოდ	□ ცუდად
□	□ ძალიან კარგად	□ კარგად	□ საშუალოდ	□ ცუდად

დამატებითი ინფორმაცია თქვენ შესახებ (ჯილდო, აკადემიური ხარისხი)

კომპიუტერული პროგრამების ცოდნა (მიუთითეთ, რომელი პროგრამები იცით და რა დონეზე)

პროგრამები	პროგრამების ცოდნის დონე
	□ ძალიან კარგად	□ კარგად	□ საშუალოდ	□ ცუდად
	□ ძალიან კარგად	□ კარგად	□ საშუალოდ	□ ცუდად
	□ ძალიან კარგად	□ კარგად	□ საშუალოდ	□ ცუდად
	□ ძალიან კარგად	□ კარგად	□ საშუალოდ	□ ცუდად

შრომითი საქმიანობა/სტაჟირება (გთხოვთ ჩამონათვალში გაითვალისწინოთ ერთსა და იმავე ორგანიზაციაში თანამდებობის შეცვლის პროცესიც და მიუთითეთ ამ შენაცვლების (დაწინაურება, დაქვეითება ) მიზეზი. წარმოების და დაწესებულების დასახელება უნდა ჩაიწეროს ისე, როგორც ეწოდებოდა მოცემულ ორგანიზაციას თქვენი მუშაობის პერიოდში).

№	ორგანიზაციის დასახელება და იურიდიული მისამართი	თანამდებობა	ფუნქციათა ჩამონათვალი	მუშაობის წლები	ყოველთვიური ანაზღაურება	სამუშაოდან წამოსვლის მიზეზი

ოჯახის წევრები (მიუთითეთ ოჯახის წევრები: მეუღლე, შვილები, დედა, მამა, და, ძმა. თუ ცოლი ატარებს მეუღლის გვარს, საჭიროა ასევე მიუთითოთ ქალიშვილობის გვარი). ასევე, მიუთითეთ თქვენთან მუდმივად მცხოვრები პირები.

ოჯახის წევრები	გვარი, სახელი, მამის სახელი	დაბადების რიცხვი, თვე, წელიწადი	სამუშაო ადგილი, თანამდებობა	საცხოვრებელი მისამართი

გთხოვთ, მიუთითოთ თქვენი ხელმძღვანელების საკონტაქტო ინფორმაცია ბოლო 3 სამუშაო ადგილიდან.

№	ორგანიზაციის დასახელება	გვარი, სახელი	თანამდებობა	სამსახურის მისამართი	ტელეფონის ნომერი, ელ-ფოსტა, ვებგვერდი

გთხოვთ, მიუთითოთ თქვენი მოტივაცია ნოტარიუსთა პალატის მიერ გამოცხადებული სტაჟირების პროცესში მონაწილეობის მისაღებად. რატომ გსურთ სტაჟირების გავლა?

ვადასტურებ, რომ ჩემ მიერ განცხადებაში მითითებული ინფორმაცია შეესაბამება სინამდვილეს.

თანახმა ვარ, ნოტარიუსთა პალატის მიერ გადამოწმდეს აღნიშნული ინფორმაცია!

შევსების თარიღი: .............. ...........................................201 ..... წელი.

პირადი ხელმოწერა:.....................................................