„საქართველოს შრომის, ჯანმრთელობისა და სოციალური დაცვის სამინისტროს სისტემაში არსებული ზოგიერთი საჯარო სამართლის იურიდიული პირის (ხანდაზმულთა, შეზღუდული შესაძლებლობების მქონე და მზრუნველობას მოკლებულ ბავშვთა სახლების, პანსიონატების, დაწესებულებებისა და დღის ცენტრების) რეორგანიზაციისა და მათი უფლებამონაცვლე სსიპ _ ~შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტო"-ს დაფუძნების შესახებ" საქართველოს შრომის, ჯანმრთელობისა და სოციალური დაცვის მინისტრის 2009 წლის 25 დეკემბრის №428/ნ ბრძანებაში ცვლილებების და დამატების შეტანის თაობაზე"

საქართველოს შრომის, ჯანმრთელობისა და სოციალური დაცვის მინისტრის

ბრძანება №339/ნ

2010 წლის 18 ოქტომბერი

ქ. თბილისი

საქართველოს შრომის, ჯანმრთელობისა და სოციალური დაცვის სამინისტროს სისტემაში არსებული ზოგიერთი საჯარო სამართლის იურიდიული პირის (ხანდაზმულთა, შეზღუდული შესაძლებლობების მქონე და მზრუნველობას მოკლებულ ბავშვთა სახლების, პანსიონატების, დაწესებულებებისა და დღის ცენტრების) რეორგანიზაციისა და მათი უფლებამონაცვლე სსიპ – „ შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს“ დაფუძნების შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 25 დეკემბრის № 428/ნ ბრძანებაში ცვლილებების და დამატების შეტანის თაობაზე

სსიპ – „ შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს“ სახელწოდების შეცვლის მიზნით, „ ნორმატიული აქტების შესახებ” საქართველოს კანონის მე-20 მუხლის მე-4 პუნქტის შესაბამისად, ვბრძანებ:

    მუხლი 1

„ საქართველოს შრომის, ჯანმრთელობისა და სოციალური დაცვის სამინისტროს სისტემაში არსებული ზოგიერთი საჯარო სამართლის იურიდიული პირის (ხანდაზმულთა, შეზღუდული შესაძლებლობების მქონე და მზრუნველობას მოკლებულ ბავშვთა სახლების, პანსიონატების, დაწესებულებებისა და დღის ცენტრების) რეორგანიზაციისა და მათი უფლებამონაცვლე სსიპ – „ შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს ” დაფუძნების შესახებ” საქართველოს შრომის, ჯანმრთელობისა და სოციალური დაცვის მინისტრის 2009 წლის 25 დეკემბრის № 428/ნ ბრძანებაში (სსმ III, 2009 წელი, № 158, მუხ.1906) შეტანილ იქნეს შემდეგი ცვლილებები და დამატება:

1 . ბრძანების მე-3 პუნქტი ჩამოყალიბდეს შემდეგი რედაქციით:

„ 3. დამტკიცდეს საჯარო სამართლის იურიდიული პირის – სახელმწიფო ზრუნვის სააგენტოს თანდართული დებულება.”.

2 . მე-4 პუნქტს დაემატოს შემდეგი შინაარსის 4¹ პუნქტი:

„ 4¹. საჯარო სამართლის იურიდიულ პირს – შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს შეეცვალოს სახელწოდება და ეწოდოს საჯარო სამართლის იურიდიული პირი – სახელმწიფო ზრუნვის სააგენტო. საჯარო სამართლის იურიდიული პირი – სახელმწიფო ზრუნვის სააგენტო წარმოადგენს საჯარო სამართლის იურიდიული პირის – შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს უფლებამონაცვლეს.”.

3 .  ბრძანებით დამტკიცებული თანდართული დებულების სათაური ჩამოყალიბდეს შემდეგი რედაქციით:

„ საჯარო სამართლის იურიდიული პირის – სახელმწიფო ზრუნვის სააგენტოს დებულება”.

4 . დებულების პირველი მუხლის პირველი პუნქტი ჩამოყალიბდეს შემდეგი რედაქციით:

„ 1. საჯარო სამართლის იურიდიული პირი – სახელმწიფო ზრუნვის სააგენტო (შემდგომში – სააგენტო) არის საქართველს შრომის, ჯანმრთელობისა და სოციალური დაცვის სამინისტროს (შემდგომში – სამინისტრო) სახელმწიფო კონტროლს დაქვემდებარებული საჯარო სამართლის იურიდიული პირი.”.

5 . საქართველს შრომის, ჯანმრთელობისა და სოციალური დაცის სამინისტრომ 2010 წლის 1 ნოემბრამდე უზრუნველყოს საჯარო სამართლის იურიდიული პირის – შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს სახელწოდების ცვლილებასთან დაკავშირებული აუცილებელი ღონისძიებების განხორციელება.

    მუხლი 2

ეს ბრძანება, გარდა მე-5 პუნქტისა, ამოქმედდეს 2010 წლის 1 ნოემბრიდან. ამ ბრძანების მე-5 პუნქტი ამოქმედდეს გამოქვეყნებისთანავე.

ა. ურუშაძე