"ბაღდათის მუნიციპალიტეტის გამგეობის სტრუქტურული ერთეულის ტერიტორიული ორგანოს დებულების დამტკიცების შესახებ" ბაღდათის მუნიციპალიტეტის საკრებულოს 2010 წლის 20 აგვისტოს №19 დადგენილებაში ცვლილებების და დამატებების შეტანის თაობაზე

ბაღდათის მუნიციპალიტეტის საკრებულოს

დადგენილება №34

2010 წლის 15 ოქტომბერი

ქ. ბაღდათი

„ბაღდათის მუნიციპალიტეტის გამგეობის სტრუქტურული ერთეულის ტერიტორიული ორგანოს დებულების დამტკიცების შესახებ“ ბაღდათის მუნიციპალიტეტის საკრებულოს 2010 წლის 20 აგვისტოს №19 დადგენილებაში ცვლილებების და დამატებების შეტანის თაობაზე

 „ადგილობრივი თვითმმართველობის შესახებ“ საქართველოს ორგანული კანონის 44-ე მუხლის პირველი პუნქტის, „ნორმატიული აქტების შესახებ“ საქართველოს კანონის მე-20 მუხლის შესაბამისად, ბაღდათის მუნიციპალიტეტის საკრებულომ დაადგინა:

    მუხლი 1

„ბაღდათის მუნიციპალიტეტის გამგეობის სტრუქტურული ერთეულის ტერიტორიული ორგანოს დებულების დამტკიცების შესახებ“ ბაღდათის მუნიციპალიტეტის საკრებულოს 2010 წლის 20 აგვისტოს №19 დადგენილებაში (სსმ V, 02.09.2010წ., №20, მუხლი 554) შევიდეს შემდეგი ცვლილებები და დამატებები:

1. დადგენილებით დამტკიცებულ დებულებას დაემატოს პრეამბულა და ჩამოყალიბდეს შემდეგი რედაქციით:

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და 43-ე მუხლის მეორე პუნქტის შესაბამისად“.

2. დადგენილების სათაურსა და დადგენილებით დამტკიცებულ პირველ მუხლში ამოღებულ იქნეს სიტყვები „სტრუქტურული ერთეული“.

    მუხლი 2

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარე          გ. რობაქიძე