სენეგალის რესპუბლიკასა და საქართველოს შორის დიპლომატიური ურთიერთობების დამყარების შესახებ ერთობლივი კომუნიკე

               საქართველოსა და სენეგალის რესპუბლიკას შორის

დიპლომატიური ურთიერთობების დამყარების შესახებ ერთობლივი კომუნიკე

საქართველოს მთავრობა და სენეგალის რესპუბლიკის მთავრობა;

სურთ რა ხელი შეუწყონ ურთიერთგაგებას და მეგობრობას და განამტკიცონ კავშირები და თანამშრომლობა ორ ქვეყანას შორის;

ხელმძღვანელობენ რა გაერთიანებული ერების ორგანიზაციის წესდებისა და საერთაშორისო სამართლის პრინციპებითა და მიზნებით, კერძოდ, მშვიდობისა და საერთაშორისო უსაფრთხოების დაცვა და ხელშეწყობა, სახელმწიფოთა სუვერენული თანასწორობის, ეროვნული სუვერენიტეტის, დამოუკიდებლობის და ტერიტორიული მთლიანობისა და საერთაშორისო ხელშეკრულებებიდან გამომდინარე ვალდებულებების  მკაცრი დაცვა, ისევე როგორც სახელმწიფოების შიდა საქმეებში ჩარევისაგან თავის შეკავება;

გადაწყვიტეს დაამყარონ დიპლომატიური ურთიერთობები ელჩების დონეზე წინამდებარე ერთობლივი კომუნიკეს ხელმოწერის დღიდან, დილომატიური ურთიერთობების შესახებ 1961 წლის 18 აპრილის ვენის კონვენციის, საკონსულო ურთიერთობების შესახებ 1963 წლის 24 აპრილის ვენის კონვენციისა და გაერთიანებული ერების ორგანიზაციის წესდებით გათვალისწინებული პრინციპების შესაბამისად.

რის დასტურადაც, ჩვენ ვაცხადებთ, რომ გვაქვს მიღებული ჩვენი მთავრობებისაგან სრული უფლებამოსილება და ხელს ვაწერთ წინამდებარე კომუნიკეს ორ ეგზემპლარს ქართულ, ფრანგულ და ინგლისურ ენებზე, სამივე ტექსტი თანაბრად ავთენტიკურია.

                                                     შესრულებულია ნიუ-იორკში, 2010 წლის 19 აგვისტოს