„ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ" საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილებების შეტანის თაობაზე“

საქართველოს განათლებისა და მეცნიერების მინისტრის

ბრძანება №105/ნ

2010 წლის 12 ოქტომბერი

ქ. თბილისი

„ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილებების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლისა და „საქართველოს განათლებისა და მეცნიერების სამინისტროს დებულების დამტკიცების შესახებ” საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „მ” ქვეპუნქტის საფუძველზე, ვბრძანებ:

    მუხლი 1

მესტიის მუნიციპალიტეტში:

ა) დაბა მესტიის №2 საჯარო სკოლას მიენიჭოს ქართული სპორტის განვითარებაში განსაკუთრებული წვლილის მქონე პირის – მიხეილ ხერგიანის სახელი და ეწოდოს „მიხეილ ხერგიანის სახელობის დაბა მესტიის №2 საჯარო სკოლა“;

ბ) სოფელ მუჟალის საჯაროს სკოლას მიენიჭოს გამოჩენილი ქართველი პოეტისა და საზოგადო მოღვაწის რევაზ მარგიანის სახელი და ეწოდოს „რევაზ მარგიანის სახელობის სოფელ მუჟალის საჯარო სკოლა”.

მუხლი 2

„ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ” საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებით (სსმ III, 26.09.2005, №112, მუხ. 1233) დამტკიცებულ დანართი №2-ში შეტანილ იქნეს ცვლილებები და მესტიის მუნიციპალიტეტის საჯარო სკოლების ნუსხა ჩამოყალიბდეს თანდართული რედაქციით.

    მუხლი 3

ბრძანება ამოქმედდეს გამოქვეყნებისთანავე.

დ. შაშკინი

მესტიის მუნიციპალიტეტი