„საჯარო სამართლის იურიდიული პირის -" სახელმწიფო სამხედრო სამეცნიერო- ტექნიკურ ცენტრ "დელტას" დებულების დამტკიცების შესახებ" საქართველოს თავდაცვის მინისტრის 2005 წლის 22 ნოემბრის N321 ბრძანებაში დამატებების შეტანის თაობაზე“

საქართველოს თავდაცვის მინისტრის

ბრძანება №695

2010 წლის 12 ოქტომბერი

ქ. თბილისი

„საჯარო სამართლის იურიდიული პირის – „სახელმწიფო სამხედრო სამეცნიერო-ტექნიკურ ცენტრ „დელტას“ დებულების დამტკიცების შესახებ“ საქართველოს თავდაცვის მინისტრის 2005 წლის 22 ნოემბრის №321 ბრძანებაში დამატებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის საფუძველზე, ვბრძანებ:

    მუხლი 1

„საჯარო სამართლის იურიდიული პირის – „სახელმწიფო სამხედრო სამეცნიერო-ტექნიკურ ცენტრ „დელტას“ დებულების დამტკიცების შესახებ“ საქართველოს თავდაცვის მინისტრის 2005 წლის 22 ნოემბრის №321 ბრძანებით დამტკიცებულ დებულებაში (სსმ III, 24.11.2005, №136 მუხ.1515) შეტანილ იქნეს შემდეგი დამატებები:

1. მე-2 მუხლის:

ა) პირველ პუნქტს დაემატოს „ო“ ქვეპუნქტი შემდეგი რედაქციით:

„ო) საქართველოს თავდაცვის სამინისტროს მიერ განსაზღვრული სხვა ამოცანები და ფუნქციები.“;

ბ) მე-2 პუნქტს დაემატოს „ს“ ქვეპუნქტი შემდეგი რედაქციით:

„ს) ასრულებს საქართველოს თავდაცვის სამინისტროს მიერ განსაზღვრულ დავალებებს.“.

2. მე-2 მუხლს დაემატოს მე-3 პუნქტი შემდეგი რედაქციით:

„3. „ცენტრი“ კანონმდებლობით დადგენილი წესით მიღებული შემოსავლებითა და სახსრებით წარმოებულ პროდუქციას და მომსახურებას საქართველოს თავდაცვის სამინისტროს აწვდის ანაზღაურების გარეშე.“.

    მუხლი 2

ბრძანება ამოქმედდეს გამოქვეყნებისთანავე.

                                                                                                                ბ. ახალაია