„საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის - აღსრულების ეროვნული ბიუროს აღსრულების პოლიციელის სამსახურებრივი ფორმის ატრიბუტიკის და პირადობის მოწმობის ნიმუშის დამტკიცების შესახებ" საქართველოს იუსტიციის მინისტრის 2008 წლის 30 სექტემბრის №222 ბრძანებაში ცვლილებებისა და დამატებების შეტანის თაობაზე“

საქართველოს იუსტიციის მინისტრის

ბრძანება №185

2010 წლის 12 ოქტომბერი

ქ. თბილისი

„საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – აღსრულების ეროვნული ბიუროს აღსრულების პოლიციელის სამსახურებრივი ფორმის ატრიბუტიკის და პირადობის მოწმობის ნიმუშის დამტკიცების შესახებ“ საქართველოს იუსტიციის მინისტრის 2008 წლის 30 სექტემბრის №222 ბრძანებაში ცვლილებების შეტანის თაობაზე

„ნორმატიული აქტების შესახებ” საქართველოს კანონის მე-20 მუხლის  მე-4 პუნქტის შესაბამისად, ვბრძანებ:

    მუხლი 1

„საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – აღსრულების ეროვნული ბიუროს აღსრულების პოლიციელის სამსახურებრივი ფორმის ატრიბუტიკის და პირადობის მოწმობის ნიმუშის დამტკიცების შესახებ“ საქართველოს იუსტიციის მინისტრის 2008 წლის 30 სექტემბრის №222 ბრძანებაში (სსმ III, 30.09.2008, №143, მუხ. 1424) შეტანილ იქნეს შემდეგი ცვლილებები:

1. ბრძანებით დამტკიცებული №1 დანართის მე-5 პუნქტი ჩამოყალიბდეს შემდეგი რედაქციით:

„5. აღსრულების პოლიციის წოდებების ნიშნები

ა) იუსტიციის პოლკოვნიკი

სამხრე – ლურჯი ფერის სამხრე (მანჟეტი), ოქროსფერი სტილიზებული ორნამენტი, სამი ვარსკვლავი (მცირე);

ბ) იუსტიციის ვიცე-პოლკოვნიკი

სამხრე – ლურჯი ფერის სამხრე (მანჟეტი), ოქროსფერი სტილიზებული ორნამენტი, ორი ვარსკვლავი (მცირე);

გ) იუსტიციის მაიორი

სამხრე – ლურჯი ფერის სამხრე (მანჟეტი), ოქროსფერი სტილიზებული ორნამენტი, ერთი დიდი ვარსკვლავი;

დ) იუსტიციის კაპიტანი

სამხრე – ლურჯი ფერის სამხრე (მანჟეტი), ოქროსფერი ოთხი ვარსკვლავი (მცირე);

ე) იუსტიციის უფროსი ლეიტენანტი

სამხრე – ლურჯი ფერის სამხრე (მანჟეტი), ოქროსფერი სამი ვარსკვლავი (მცირე);

ვ) იუსტიციის ლეიტენანტი

სამხრე – ლურჯი ფერის სამხრე (მანჟეტი), ოქროსფერი ორი ვარსკვლავი (მცირე);

ზ) იუსტიციის უმცროსი ლეიტენანტი

სამხრე – ლურჯი ფერის სამხრე (მანჟეტი), ოქროსფერი ერთი ვარსკვლავი (მცირე);

თ) იუსტიციის ზემდეგი

სამხრე – ლურჯი ფერის სამხრე (მანჟეტი), ერთი ოქროსფერი ფართო ზოლი;

ი) იუსტიციის უფროსი სერჟანტი

სამხრე – ლურჯი ფერის სამხრე (მანჟეტი), სამი ოქროსფერი ზოლი (მცირე);

კ) იუსტიციის სერჟანტი

სამხრე – ლურჯი ფერის სამხრე (მანჟეტი), ორი ოქროსფერი ზოლი (მცირე);

ლ) იუსტიციის უმცროსი სერჟანტი

სამხრე – ლურჯი ფერის სამხრე (მანჟეტი), ერთი ოქროსფერი ზოლი (მცირე);

მ) იუსტიციის რიგითი

სამხრე – ლურჯი ფერის სამხრე (მანჟეტი).“.

2. ბრძანებით დამტკიცებულ №1 დანართში მოცემული „სამკლაური ემბლემა“ და „აღსრულების პოლიციის ავტომანქანების ექსტერიერის ფერითი დიზაინი“ ჩამოყალიბდეს შემდეგნაირად:

სამკლავური ემბლემა

აღსრულების პოლიციის ავტომანქანების ექსტერიერის ფერითი დიზაინი

3. ბრძანებით დამტკიცებული დანართი №2 ჩამოყალიბდეს შემდეგი რედაქციით:

„დანართი №2

საქართველოს იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – აღსრულების ეროვნული ბიუროს აღსრულების პოლიციელის პირადობის მოწმობის ნიმუში

                                                                                                                                          “.

    მუხლი 2

ბრძანება ამოქმედდეს გამოქვეყნებისთანავე.

ზ. ადეიშვილი