„დუშეთის მუნიციპალიტეტის გამგეობის დებულების დამტკიცების შესახებ" დუშეთის მუნიციპალიტეტის საკრებულოს 2010 წლის 24 აგვისტოს №25 დადგენილებაში ცვლილებების შეტანის თაობაზე

დუშეთის მუნიციპალიტეტის საკრებულოს

დადგენილება №43

2010 წლის 6 ოქტომბერი

ქ. დუშეთი

„დუშეთის მუნიციპალიტეტის გამგეობის დებულების დამტკიცების შესახებ“ დუშეთის მუნიციპალიტეტის საკრებულოს 2010 წლის 24 აგვისტოს №25 დადგენილებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, დუშეთის მუნიციპალიტეტის საკრებულო ადგენს:

1. შეტანილ იქნ ეს ცვლილებები დუშეთის მუნიციპალიტეტის საკრებულოს 2010 წლის 24 აგვისტოს №25 დადგენილებით დამტკიცებულ დუშეთის მუნიციპალიტეტის გამგეობის დებულებაში :

ა) დებულების მე-2 მუხლის პირველი პუნქტი ჩამოყალიბდეს შემდეგი რედაქციით:

„1. გამგეობა საქმიანობას წარმართავს საქართველოს კონსტიტუციის, ადგილობრივი თვითმმართველობის შესახებ ევროპის ქარტიის, „ადგილობრივი თვითმმართველობის შესახებ“ საქართველოს ორგანული კანონის, მოქმედი კანონმდებლობის და ამ დებულების შესაბამისად ”.

 ბ) დებულების მე-3 მუხლის მე-2 პუნქტი ჩამოყალიბდეს შემდეგი რედაქციით :

„2. გამგეობის ადმინისტრაციული წარმოების საფუძვლები განისაზღვრება: „ადგილობრივი თვითმმართველობის შესახებ“ საქართველოს ორგანული კანონით, „საქართველოს ზოგადი ადმინისტრაციული კოდექსით“, „საქართველოს ადმინისტრაციული საპროცესო კოდექსით“, „ნორმატიული აქტების შესახებ“ საქართველოს კანონით და საქართველოს პრეზიდენტის 1999 წლის პირველი ივლისის №518 ბრძანებულებით დამტკიცებული „საქმისწარმოების ერთიანი წესებით“.

გ) დებულების მე-7 მუხლის მე-2 პუნქტის „დ“ ქვეპუნქტი ჩამოყალიბდეს შემდეგი რედაქციით :

„დ) „ადგილობრივი თვითმმართველობის შესახებ “ საქართველოს ორგანული კანონის 39-ე მუხლის შესაბამისად ამტკიცებს გამგეობის შინაგანაწესს , საშტატო ნუსხასა და თანამდებობრივ ინსტრუქციებს;

დ) ე ს დადგენილება ამოქმედდეს გამოქვეყნებისთანავე.

საკრებულოს თავმჯდომარე                                                                         ზ. წყარუაშვილი