"ჭიათურის მუნიციპალიტეტის გამგეობის დებულების დამტკიცების შესახებ" ჭიათურის მუნიციპალიტეტის საკრებულოს 2010 წლის 06 აგვისტოს №5 დადგენილებაში ცვლილებების შეტანის თაობაზე

ჭიათურის მუნიციპალიტეტის საკრებულოს

 დადგენილება №19

2010 წლის 1 ოქტომბერი

ქ. ჭიათურა

„ჭიათურის მუნიციპალიტეტის გამგეობის დებულების დამტკიცების შესახებ “ ჭიათურის მუნიციპალიტეტის საკრებულოს 2010 წლის 06 აგვისტოს №5 დადგენილებაში ცვლილებების შეტანის თაობაზე

„ადგილობრივი თვითმმართველობის შესახებ“ საქართველოს ორგანული კანონის 22-ე მუხლის პირველი პუნქტის „თ“ ქვეპუნქტისა და 43-ე მუხლის მე-2 პუნქტის, აგრეთვე „ნორმატიული აქტების შესახებ“ საქართველოს კანონის მე-20 მუხლის მე-4 პუნქტის და 25-ე მუხლის პირველი პუნქტის „ბ“ ქვეპუნქტის შესაბამისად

ჭიათურის მუნიციპალიტეტის საკრებულომ დაადგინა:

    მუხლი 1

„ჭიათურის მუნიციპალიტეტის გამგეობის დებულების დამტკიცების შესახებ“ ჭიათურის მუნიციპალიტეტის საკრებულოს 2010 წლის 6 აგვისტოს №5 დადგენილების პირველი მუხლით დამტკიცებულ დებულებაში შეტანილ იქნეს შემდეგი ცვლილებები:

ა) დებულების მე-10 მუხლის მე-4 პუნქტი ჩამოყალიბდეს შემდეგი რედაქციით:

„4. გამგეობის სტრუქტურული ერთეულის ხელმძღვანელის მიერ თანამდებობრივ უფლებამოსილებათა შესრულების შეუძლებლობის შემთხვევაში მის მოვალეობას, გამგებლის დავალებით, ასრულებს გამგეობის შესაბამისი სტრუქტურული ერთეულის ერთ-ერთი განყოფილების უფროსი ან სტრუქტურული ერთეულის ერთ-ერთი მოხელე.“.

ბ) დებულების მე-17 მუხლის მე-2 პუნქტი ჩამოყალიბდეს შემდეგი რედაქციით:

„2. გამგეობის მოხელე თანამდებობაზე ინიშნება:

ა) კონკურსის წესით;

ბ) უკონკურსოდ, ამ დებულების მე-18 მუხლით განსაზღვრულ შემთხვევებში.“.

გ) დებულების მე-20 მუხლის პირველი პუნქტი ჩამოყალიბდეს შემდეგი რედაქციით:

„1. გამგეობის მოხელე სამ წელიწადში ერთხელ ექვემდებარება ატესტაციას.“.

დ) ძალადაკარგულად გამოცხადდეს:

დ.ა) დებულების მე-18 მუხლის „გ“ ქვეპუნქტი;

დ.ბ) დებულების მე-19 მუხლი;

დ.გ) დებულების 21-ე მუხლი.

    მუხლი 2

ეს დადგენილება ამოქმედდეს გამოქვეყნებისთანავე.

საკრებულოს თავმჯდომარ ე  ი. ჭუმბურიძე