„საქართველოს მთავრობასა და ლატვიის რესპუბლიკის მთავრობას შორის სხვა სახელმწიფოს ტერიტორიაზე შესვლის ან ცხოვრების უფლების არმქონე პირთა რეადმისიის შესახებ“ შეთანხმების დამტკიცებისა და ძალაში შესვლის თაობაზე“

საქართველოს პრეზიდენტის

 ბრძანებულება №388

2008 წლის 25 ივლისი

 ქ. თბილისი

„საქართველოს მთავრობასა და ლატვიის რესპუბლიკის მთავრობას შორის სხვა სახელმწიფოს ტერიტორიაზე შესვლის ან ცხოვრების უფლების არმქონე პირთა რეადმისიის შესახებ“ შეთანხმების დამტკიცებისა და ძალაში შესვლის თაობაზე

1. ძალაში შესვლის მიზნით დამტკიცდეს ქ. რიგაში 2008 წლის 11 ივლისს ხელმოწერილი შეთანხმება „საქართველოს მთავრობასა და ლატვიის რესპუბლიკის მთავრობას შორის სხვა სახელმწიფოს ტერიტორიაზე შესვლის ან ცხოვრების უფლების არმქონე პირთა რეადმისიის შესახებ“.

2. საქართველოს საგარეო საქმეთა სამინისტრომ (ე. ტყეშელაშვილი):

ა) აცნობოს საქართველოს პარლამენტს ამ ბრძანებულების პირველ პუნქტში აღნიშნული შეთანხმების დადების შესახებ;

ბ) შეატყობინოს ლატვიის რესპუბლიკის მთავრობას ამ ბრძანებულების პირველ პუნქტში აღნიშნული შეთანხმების ძალაში შესვლისათვის აუცილებელი საქართველოს შიდასახელმწიფოებრივი სამართლებრივი პროცედურის შესრულების თაობაზე.

მ. სააკაშვილი