„თავისუფალი საწყობის ტექნიკური და უსაფრთხოების მოთხოვნების განსაზღვრისა და თავისუფალი საწყობის საქმიანობის ნებართვის გაცემის წესის შესახებ ინსტრუქციისა და თავისუფალი საწყობის საქმიანობის სანებართვო მოწმობის ფორმის დამტკიცების თაობაზე“ საქართველოს მთავრობის 2009 წლის 12 მაისის №87 დადგენილებაში ცვლილებების შეტანის შესახებ

საქართველოს მთავრობის

დადგენილება №223

2010 წლის 3 აგვისტო

ქ. თბილისი

„თავისუფალი საწყობის ტექნიკური და უსაფრთხოების მოთხოვნების განსაზღვრისა და თავისუფალი საწყობის საქმიანობის ნებართვის გაცემის წესის შესახებ ინსტრუქციისა და თავისუფალი საწყობის საქმიანობის სანებართვო მოწმობის ფორმის დამტკიცების თაობაზე“ საქართველოს მთავრობის 2009 წლის 12 მაისის №87 დადგენილებაში ცვლილებების შეტანის შესახებ

    მუხლი 1.

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად „თავისუფალი საწყობის ტექნიკური და უსაფრთხოების მოთხოვნების განსაზღვრისა და თავისუფალი საწყობის საქმიანობის ნებართვის გაცემის წესის შესახებ ინსტრუქციისა და თავისუფალი საწყობის საქმიანობის სანებართვო მოწმობის ფორმის დამტკიცების თაობაზე“ საქართველოს მთავრობის 2009 წლის 12 მაისის №87 დადგენილებაში (სსმ III, 2009 წელი, №61, მუხლი 678) შეტანილ იქნეს შემდეგი ცვლილებები:

1. დადგენილებით დამტკიცებული „თავისუფალი საწყობის ტექნიკური და უსაფრთხოების მოთხოვნების განსაზღვრისა და თავისუფალი საწყობის საქმიანობის ნებართვის გაცემის წესის შესახებ“ ინსტრუქციის:

ა) მე-3 მუხლის პირველი პუნქტი ჩამოყალიბდეს შემდეგი რედაქციით:

„1. თავისუფალი საწყობის საქმიანობის ნებართვას (შემდგომში – ნებართვა) გასცემს საჯარო სამართლის იურიდიული პირი – შემოსავლების სამსახური (შემდგომში – შემოსავლების სამსახური) ნებართვის მაძიებელ ნებისმიერ პირზე, რომელიც აკმაყოფილებს კანონმდებლობით დადგენილ მოთხოვნებს.“;

ბ) მე-11 მუხლის მე-3 პუნქტი ჩამოყალიბდეს შემდეგი რედაქციით:

„3. ამ მუხლის მე-2 პუნქტით დადგენილი მოთხოვნის შესრულების მიზნით საბაჟო ორგანო წერილობითი ფორმით (რომელიც იგზავნება დაზღვეული ფოსტით) ატყობინებს მომთავსებელს საქონლის სხვა შესაბამისი სახეობის საქმიანობის ნებართვის მფლობელის საწყობში ან შესაბამისი საბაჟო დამუშავების ოპერაციის გამოყენების ვალდებულების შესახებ. რეგიონული ცენტრის მიერ დადგენილ ვადაში (რომელიც არ უნდა აღემატებოდეს ერთ თვეს) მომთავსებლის მიერ საქონლის გაუტანლობის შემთხვევაში მომთავსებელს ეკისრება პასუხისმგებლობა კანონმდებლობით დადგენილი წესით.“.

2. დადგენილებით დამტკიცებული №2 დანართი ჩამოყალიბდეს შემდეგი რედაქციით:

„დანართი №2

საჯარო სამართლის იურიდიული პირი

შემოსავლების სამსახური

თავისუფალი საწყობის საქმიანობის

სანებართვო მოწმობა N000000

სანებართვო მოწმობის მფლობელი

 _________________________________________________________________________________________ _________________________________________________________________________________________

_________________________________________________________________________________________     

          (საწარმოს სრული დასახელება, ნებართვის მფლობელის იურიდიული მისამართი, სარეგისტრაციო მონაცემები; ინდივიდუალური მეწარმის შემთხვევაში: სახელი, გვარი, საცხოვრებელი ადგილი, საიდენტიფიკაციო ნომერი)

საწყობის ადგილმდებარეობა და ფართობი ––––––––––––––––––––––––––––––––––––––––––––––

–––––––––––––––––––––––––––––––––––––––––––––––––––––––––––––––––––––––––––––––––––––

––––––––––––––––––––––––––––––––––––––––––––––––––––––––––––––––––––––––––––––––––––

(საწყობის მისამართი, საბაჟო ორგანოს დასახელება, რომლის სამოქმედო

ტერიტორიაზეც მდებარეობს საწყობი, საბაჟო გამშვები პუნქტი)

სანებართვო მოწმობა გაცემულია საჯარო სამართლის იურიდიული პირის –

შემოსავლების სამსახურის უფროსის

20..... წლის ......... .......................... ის  №   ბრძანების საფუძველზე.

გაცემის თარიღი   ........ ............................ 20  წ.

მოქმედების ვადა   ........ ............................ 20  წ.  

საჯარო სამართლის იურიდიული პირის –

შემოსავლების სამსახურის უფროსი

–––––––––––––––––––––––––––––––––––––––––––

ხელმოწერა                ბ.ა.

დამკვეთი:

დამამზადებელი: 

სფს-ს რეგისტრაციის №

                                .“.

    მუხლი 2

ამ დადგენილების ძალაში შესვლამდე გაცემული სანებართვო მოწმობები ინარჩუნებს იურიდიულ ძალას მათი მოქმედების ვადის ამოწურვამდე.

    მუხლი 3

დადგენილება ამოქმედდეს გამოქვეყნებისთანავე.

პრემიერ-მინისტრი    ნ. გილაური