„ლარის ბანკნოტებისა და მონეტების დამზადების წესის დამტკიცების თაობაზე” საქართველოს ეროვნული ბანკის საბჭოს 2010 წლის 10 ივნისის №5 დადგენილებაში ცვლილებების შეტანის თაობაზე

სახელმწიფო სარეგისტრაციო კოდი 220.090.000.11.004.837

საქართველოს ეროვნული ბანკის

საბჭოს დადგენილება №6

2010 წლის 6 ივლისი

ქ. თბილისი

 „ლარის ბანკნოტებისა და მონეტების დამზადების წესის დამტკიცების თაობაზე” საქართველოს ეროვნული ბანკის საბჭოს 2010 წლის 10 ივნისის №5 დადგენილებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის მე-20 მუხლის მე-4 პუნქტისა და „საქართველოს ეროვნული ბანკის შესახებ“ საქართველოს ორგანული კანონის 35-ე მუხლის პირველი, მე-2, მე-3, მე-6 პუნქტების, 67-ე მუხლის მე-4 და მე-5 პუნქტების  შესაბამისად, საქართველოს ეროვნული ბანკის საბჭო ადგენს:

    მუხლი 1

„ლარის ბანკნოტებისა და მონეტების დამზადების წესის“ დამტკიცების თაობაზე“ საქართველოს ეროვნული ბანკის საბჭოს 2010 წლის 10 ივნისის №5 დადგენილებაში (სსმ III, 15.06.2010 წ., №68, მუხ. 1011) შეტანილ იქნეს შემდეგი ცვლილებები:

1. დადგენილების მე-2 მუხლის მე-3 პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) საინვესტიციო დანიშნულების უმაღლესი ხარისხისა და სინჯის 1/10, 1/4, 1/2, 1, 5 და 10 უნცია ოქროს მონეტები, რომელიც მზადდება ერთნაირი დიზაინით“.

2. დადგენილების მე-2 მუხლის მე-9 პუნქტი ჩამოყალიბდეს შემდეგი რედაქციით:

„9. ცალკეულ შემთხვევაში, მახასიათებლების შეუცვლელად მიმოქცევის ბანკნოტების/მონეტების დამზადებისას გამოშვების წლის და/ან ხელმოწერის ცვლილება შეიძლება არ განხორციელდეს ეროვნული ბანკის საბჭოს გადაწყვეტილებით“.

    მუხლი 2

ამ დადგენილების დაუყოვნებლივ ამოქმედება განპირობებულია ქვეყნის ეკონომიკის ფულის ნიშნებით შეუფერხებლად მომარაგების და ეროვნული ვალუტის მონეტების მარაგების შევსების მიზნით.

    მუხლი 3

ეს დადგენილება ამოქმედდეს ხელმოწერისთანავე.

გ. ქადაგიძე