„საჯარო სამართლის იურიდიული პირის – საქართველოს ფინანსური მონიტორინგის სამსახურის საშტატო ნუსხისა და თანამშრომელთა თანამდებობრივი სარგოების ოდენობის დამტკიცების შესახებ“ საქართველოს პრეზიდენტის 2008 წლის 16 მაისის №260 ბრძანებულებაში ცვლილებების შეტანის თაობაზე“

საქართველოს პრეზიდენტის

ბრძანებულება №261

2008 წლის 20 მაისი

ქ. თბილისი

„საჯარო სამართლის იურიდიული პირის – საქართველოს ფინანსური მონიტორინგის სამსახურის საშტატო ნუსხისა და თანამშრომელთა თანამდებობრივი სარგოების ოდენობის დამტკიცების შესახებ“ საქართველოს პრეზიდენტის 2008 წლის 16 მაისის №260 ბრძანებულებაში ცვლილებების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „საჯარო სამართლის იურიდიული პირის – საქართველოს ფინანსური მონიტორინგის სამსახურის საშტატო ნუსხისა და თანამშრომელთა თანამდებობრივი სარგოების ოდენობის დამტკიცების შესახებ“ საქართველოს პრეზიდენტის 2008 წლის 16 მაისის №260 ბრძანებულების (სსმ III, 2008 წ., №73, მუხ. 792) პირველი პუნქტით დამტკიცებული საჯარო სამართლის იურიდიული პირის – საქართველოს ფინანსური მონიტორინგის სამსახურის საშტატო ნუსხასა და თანამშრომელთა თანამდებობრივი სარგოების ოდენობაში შეტანილ იქნეს შემდეგი ცვლილებები:

ა) მე-5 გრაფით გათვალისწინებული საინფორმაციო ტექნოლოგიების სამმართველოს უფროსის თანამდებობრივი სარგო ნაცვლად 2350 ლარისა განისაზღვროს 2950 ლარით;

ბ) მე-11 გრაფით გათვალისწინებული სპეციალისტის საშტატო ერთეულის რაოდენობა ნაცვლად 7-ისა განისაზღვროს 8 საშტატო ერთეულით;

გ) მე-12 გრაფით გათვალისწინებული საქმისმწარმოებლის საშტატო ერთეულის რაოდენობა ნაცვლად 1-ისა განისაზღვროს 2 საშტატო ერთეულით;

დ) ბოლო გრაფით გათვალისწინებული საშტატო ერთეულების მთლიანი რაოდენობა ნაცვლად 29-ისა განისაზღვროს 31 საშტატო ერთეულით.

2. ეს ბრძანებულება ამოქმედდეს გამოქვეყნებისთანავე.

მ. სააკაშვილი