,,საჯარო სამართლის იურიდიული პირის – საქართველოს ფინანსური მონიტორინგის სამსახურის დებულების დამტკიცების შესახებ“ საქართველოს პრეზიდენტის 2007 წლის 23 აგვისტოს №483 ბრძანებულებაში ცვლილებების შეტანის თაობაზე“

საქართველოს პრეზიდენტის

ბრძანებულება №259

2008 წლის 16 მაისი

ქ. თბილისი

,,საჯარო სამართლის იურიდიული პირის – საქართველოს ფინანსური მონიტორინგის სამსახურის დებულების დამტკიცების შესახებ“ საქართველოს პრეზიდენტის 2007 წლის 23 აგვისტოს №483 ბრძანებულებაში ცვლილებების შეტანის თაობაზე

1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,საჯარო სამართლის იურიდიული პირის – საქართველოს ფინანსური მონიტორინგის სამსახურის დებულების დამტკიცების შესახებ“ საქართველოს პრეზიდენტის 2007 წლის 23 აგვისტოს №483 ბრძანებულებაში (სსმ III, 2007წ., №120, მუხ. 1309) შეტანილ იქნეს შემდეგი ცვლილებები:

ა) ბრძანებულების პირველი მუხლი ჩამოყალიბდეს შემდეგი რედაქციით:

,,1. ,,საქართველოს ეროვნული ბანკის შესახებ“ საქართველოს ორგანული კანონის 57-ე მუხლის მე-10 პუნქტის შესაბამისად დამტკიცდეს საჯარო სამართლის იურიდიული პირის – საქართველოს ფინანსური მონიტორინგის სამსახურის თანდართული დებულება.“;

ბ) ბრძანებულებით დამტკიცებული დებულების:

ბ.ა) პირველი მუხლის მე-4 პუნქტი ჩამოყალიბდეს შემდეგი რედაქციით:

,,4. სამსახური ანგარიშვალდებულია საქართველოს პრეზიდენტის წინაშე.“;

ბ.ბ) მე-2 მუხლიდან ამოღებულ იქნეს ,,ბ“ და ,,გ“ ქვეპუნქტები;

ბ.გ) მე-3 მუხლიდან ამოღებულ იქნეს მე-2 და მე-3 პუნქტები;

ბ.დ) მე-4 მუხლის 1-ლი პუნქტი ჩამოყალიბდეს შემდეგი რედაქციით:

,,1. სამსახურს ხელმძღვანელობს სამსახურის უფროსი, რომელსაც ეროვნული ბანკის საბჭოსთან შეთანხმებით 4 წლის ვადით თანამდებობაზე ნიშნავს და თანამდებობიდან ათავისუფლებს საქართველოს პრეზიდენტი.“;

ბ.ე) მე-4 მუხლიდან ამოღებულ იქნეს მე-2 და მე-3 პუნქტები;

ბ.ვ) მე-4 მუხლის მე-4 პუნქტი ჩამოყალიბდეს შემდეგი რედაქციით:

,,4. სამსახურის უფროსი თანამდებობიდან ვადამდე თავისუფლდება, თუ:

ა) დაუშვა სერიოზული სამსახურებრივი გადაცდომა;

ბ) ვერ ასრულებს თავის მოვალეობას ჯანმრთელობის მდგომარეობის ან სასამართლოს მიერ ქმედუუნაროდ ან შეზღუდულ ქმედუნარიანად ცნობის გამო;

გ) ჩაიდინა სისხლის სამართლის დანაშაული.“;

ბ.ზ) მე-4 მუხლის მე-5 პუნქტი ჩამოყალიბდეს შემდეგი რედაქციით:

,,5. სამსახურის უფროსს ჰყავს ერთი მოადგილე. სამსახურის უფროსის მოადგილეს თანამდებობაზე ნიშნავს და თანამდებობიდან ათავისუფლებს სამსახურის უფროსი.“;

ბ.თ) მე-4 მუხლიდან ამოღებულ იქნეს მე-6 პუნქტი;

ბ.ი) მე-4 მუხლის მე-7 პუნქტი ჩამოყალიბდეს შემდეგი რედაქციით:

,,7. სამსახურის უფროსის არყოფნის შემთხვევაში სამსახურის უფროსის მოვალეობას ასრულებს სამსახურის უფროსის მოადგილე.“;

ბ.კ) მე-4 მუხლის მე-8 პუნქტი ჩამოყალიბდეს შემდეგი რედაქციით:

,,8. სამსახურის უფროსის მოადგილე ახორციელებს სამსახურის უფროსის მიერ განსაზღვრულ ფუნქციებს და უზრუნველყოფს სამსახურისათვის ამ დებულებითა და მოქმედი კანონმდებლობით განსაზღვრული ამოცანების შესრულებას, აკონტროლებს სამსახურის უფროსის დავალებებისა და ბრძანებების შესრულების მიმდინარეობას.“;

ბ.ლ) მე-4 მუხლის მე-15 პუნქტი ჩამოყალიბდეს შემდეგი რედაქციით:

,,15. სამსახურის სტრუქტურული ერთეულებია:

ა) ანალიტიკური სამმართველო;

ბ) ინფორმაციის მიღებისა და დამუშავების სამმართველო;

გ) საინფორმაციო ტექნოლოგიების სამმართველო;

დ) მეთოდოლოგიის, საერთაშორისო ურთიერთობების და იურიდიული სამმართველო;

ე) ადმინისტრაციული სამმართველო.“.

2. ეს ბრძანებულება ამოქმედდეს 2008 წლის 15 მაისიდან.

მ. სააკაშვილი